-فريد: نور ازيك
=نور: مين
-فريد: انا فريد زميلك في الكليه اكيد تعرفيني ولو شكلا حتى
=نور: واعرفك بتاع ايه اصلا خير اقدر افيدك في حاجه
-فريد: يعني مش واخده بالك اني بقعد ابص عليكي ومركز معاكي بقالي حبه حلوين
=نور: لا واخده بالي واحب اقولك إن دي تصرفات واحد مش محترم
-فريد: طب انا معجب بيكي وطلع عيني علشان اعرف اوصلك
=نور: ايوه قولي بقا وصلتلي ازاى؟
-فريد: عادي هي كانت صعبه شويه بس تستاهلي ان الواحد يطلع عينه علشانك
=نور: اااه انت جاي تفلرت عليا بقا وانا مش بحب الاسلوب دا
-فريد: طب براحه طيب يستي انا معجب بيكي وحابب اعرفك اكتر
=نور: تعرفني اكتر اللي هو ازاي يعني وبعدين معجب بيا بتاع اي انت تعرفني علشان تعجب بيا؟
-فريد: لا بس حابب اعرفك ومعجب بيكي ليه علشان بحسك زي الاطفال في كل حاجه تصرفاتك ضحكتك نظرتك كل دا كفيل يشد اي حد ليكي ويكون حابب يعرفك اكتر
=نور: هو كلام حلو ويحترم وكل حاجه بس الشخص من بعيد مش زي من قريب وانت ماتعرفنيش علشان تقول عليا كدا
-فريد: ماعرفكيش بس حابب اعرفك وانا بقولك انا شايفك ازاى من بعيد ومتأكد انك هتكوني كدا من قريب
=نور: معلش بس انا مليش في الكلام دا روح اضحك علي حد غيري
-فريد: والله مش بضحك عليكي ويا ستي خلاص نبقا اصحاب ولو حسيتي انك مرتاحه وحاجه جواكي اتغيرت انا معاكي وهفضل مستني لاني عديت مرحلة الاعجاب تقريبا
=نور: تمام
-فريد: طب اتكلمي بقا
=نور: انا هقفل ورايا حاجات هعملها
----------
اعرفكم بقا مين هو فريد😅
فريد شاب عشريني من اسره متوسطة الحال يدرس بكلية التربيه يعمل بجانب الدراسه
----------
اما نور بقا
نور تبلغ من العمر22 سنه من اسره متوسطة الحال تسكن في حي شعبي تدرس في كلية التربيه تمتلك بشره بيضاء ذات عينين خضروتين ذات ملامح هادئه
-------------------
عند نور وندي
-نور: يا ندي زي ما بقولك كدا لقيته داخل يكلمنى ويتنحنح كدا روحت مطلعه الوش التاني هو انا ناقصه نحنحه وقرف
=ندي: بالله عليكي يا نور طلعي البنوته الكيوت اللي جواكي مش هينفع تعيشي حياتك كدا
-نور: هو ايه اللي مينفعش اعيش حياتى كدا هو لازم ولد يكون في حياتي علشان اعرف اعيش
=ندي: يا حبيبتي انتي لا موافقه ترتبطي ولا موافقه تتخطبي والكل بقا شاكك فيكي علي الفاضي فكري الولد شكله محترم اصلا ودايما في حاله
-نور: ايوه وبعد كدا ايه اللي هيحصل هيجي يقولي انا مش عاوز اكمل انا مش قادر وكلام كتير فاكس انا مليش في النحنحه دي ولا وجع القلب قار الارتباط دا مش قاري
=ندي: ولا قار التعليم قارك فهميني بس انتي قارك ايه
-نور: النوم والاكل مفيش احلي من كدا
=ندي: طب يلا بقا من هنا ياحلوه علشان حسن بيكلمنى باي
-نور: ماشي ياختى باي
--------‐-
ندي صديقة نور من الطفوله عزما علي السير سويا وتدرس نفس تخصص نور علي قدر عالي من الجمال
------------
-سامي: امممممم يعني انتي عاوزه تفهميني انك متعرفيش الولد دا
=نور: يعني بالعقل كدا يابابا انا لو اعرفه كنت هاجي اقولك واحكيلك وبعدين انت عارف انى مش بخبي عنك حاجه وبقولك كل حاجه بتحصل معايا
-سامي: طب وصلتي لايه بقا
=نور: ولا حاجه احنا اصحاب وزمايل وبس ومفيش حاجه هتتغير انا عندي هدف وهفضل ورا لحد لما اوصله ادعيلي انت بس ونبي ياسمسم
-سامي: ربنا يوفقك ياحبيبتي قومي بقا ساعدي مامتك في تجهيز الاكل
=نور: حاضر يا بابا دا علشان خاطرك بس
-كوثر: ونبي مفيش حد مبوظ البت دي غيرك انت افضل دلع فيها كدا واهو مش عارفه استفاد منها بحاجه
=نور: الله الله الله ليه بقا الغلط دا دلوقتى هو مش انا كنت مروقه معاكي العيد اللي فات وجبتلك طماطم وانا جايه من الكليه من كام يوم دا كله ومش عارفه تستفادي بحاجه شايف يا سمسم شايف الظلم
-كوثر: انتي اللي في سنك دلوقتى فاتحين بيوت فهمينى كدا لما تتجوزي هتأكليه ايه
=نور: اطمني هبقا اجي اكل عندك انا وهو مقدرش اسيبك لوحدك ابدا ياروح قلبي
-سامي: ريحة ايه دي ريحة حاجه محروقه
-كوثر: الاكل علي النهار يالهوي
=نور: بص كدا يا بابا 1 2 3 منك لله يا نور كل يوم تولعي في الاكل كدا مش كنت جبت مكانك فرخه افيد هاتفضلي كدا لحد امتى بس ربنا يعوض عليا عوض الصابرين يارب انتي يالي مفيش عندك ريحة الدم خدي هنا
-سامي: فعلا ربنا يعوض عليا عوض الصابرين فيكي وفي امك
=نور: ايوه ياست الحبايب يا حبيبه جايه اهو
لما اروح اكمل وصلة التهزيق جوا بقا يا سمسم
--‐-----------
اعرفكم بقا
سامي والد نور يعمل لدي مصلحه حكوميه تغلب العمر عليه يملئ الشيب رأسه يحمل بين طايت وجهه الكثير من المتاعب مرح ووقور ويملك الكثير من الحكمه
-‐--------
كوثر والدة نور امرأه اربعينيه علي قدر عالي من الجمال ربة منزل عملت علي نشأة اطفال سوين لديها الحكمه في تصريف الامور
----------------
علي فكره بقا دا مش اسلوب انتي قاعده تستعجلي فيا وكدا مش نافع
-ندي: بقا كل دا وانتي مستعجله امال بقا لو علي مهلك هقف اد ايه لسه
=نور: انتي ليه محسساني انك لسه عرفاني امبارح يابنتي مفروض تتعودي بقا
-ندي: صحيح علي سيرة امبارح فريد كلمك تاني
=نور: ايوه يختى كلمني شويه بليل بس كنت برد عليه غصب عني هبقا اوريكي الشات بس يلا بسرعه لاننا متأخرين والدكتور لو دخل مش ها ندخل علشان تبقي تتأخري كويس يا هانم
وعلي فكرة حكيت لبابا ان فريد دخل كلمنى
-ندي: ربنا علي الظالم يا شيخه
بتحكيله ليه هو لو حد بصلك هتروحي تحكي
=نور: انتي عارفه انى مش بعرف اخبي حاجه عن سمسم روح قلبي
-ندي: ايوه بس فيه حاجات مينفعش تتحكي وبعدين مش تستني لما تشوفي الولد هايستحمل الدبش بتاعك دا ولا لا
=نور: هو يطول اصلا بصي بصي انا مش هرد عليكي اصلا
-ندي: ههههههه قموصه ترا ترا
صحيح اعملي حسابك صاحب حسن عامل بارتي صغير كدا بمناسبة افتتاح المكتب بتاعه وعزمني وهاتيجي معايا
=نور: لا روحي انتي انا مليش في الجو دا مش بحبه اصلا وبعدين انا مش معزومه
-ندي: لا يختى انتي معزومه قبلي حسن كلم بابا وقاله وبابا شرط انك تيجي معايا
=نور: نفسي افهم مين فهم عمو اني البادي جارد بتاعك دا انا بخاف من خيالي
-ندي: مليش فيه اعملي حسابك جايه معايا
=نور: ربنا يسهل بقا
-ندي: طب بقولك ايه بما ان المحاضره طارت يلا نروح نفطر
=نور: يلا يختي همك علي بطنك
