امممممم اممممم يعني انت عاوزني دلوقتى اروح اقولهم معلش يا جماعه هنسامح مصطفي سوا علشان هو وقتها مكنش مدرك للي بيعمله دا علي اعتبار انك كنت عبيط او حد ضربك علي ايدك يعني
-مصطفي: انتي اتهبلتي يا نور ازاى تكلمي اخوكي الكبير بالطريقه دي
=نور: لا انت اللي اتهبلت لو جاي علشان تقنعني بالكلام الاهبل دا
-مصطفي: لا هو فعلا شكل بابا دلعك زياده
وبعدين هو فين الكلام الاهبل دا انا فعلا مكنتش اعرف حاجه عن الموضوع خالص وكل لما كنت اسأل بابا مكنش بيحكي وانا طلعت وكبرت وهو صديقي وصاحبي وكان جمبي دايما ومشوفتش حاجه وحشه لا منه ولا من اهله بالعكس مامته كانت بتعاملنى احسن ما بتعامل ولادها كمان
=نور: امممم واضح ان اتعملك غسيل مخ صحيح برضوا 3 سنين مش قليلين
-مصطفي: برضوا.... طب حاولي تفهميني طيب
=نور: افهم ايه قولي كدا افهم ليه قهرت قلب ابوك عليك وهو شايف ابنه ماشي ورا اكتر واحد اذاه في حياته ولا قهرت قلب امك وهي مش عارفه تكلمك ولا تسمع صوتك ولا افهم ليه انت مكنتش جمبي في كل مره كنت بكون محتجالك فيها محتاجه لاخويا يقف في ضهري ويقويني افهم ايه ولا ايه ولا ايه انا مش فاهمه ازاي احنا هونا عليك عادي كدا ازاى انك تسبنا وتمشي كان سهل طب هي ماما مكنتش بتوحشك
-مصطفي: صدقيني كل كدا مكنش سهل عليا ولما اخدت الخطوه دي مكنتش مستوعب العواقب اللي هتحصل بعدها كنت فاهم ان دا زعل يومين وخلاص وكل حاجه هترجع زي الاول كنت بقول لنفسي يمكن العلاقه بنهم ترجع تاني عارفه بعد ما مشيت بشهر وحاولت اوصلكم ومعرفتش وقتها حسيت اني في نص البحر لا عارف اكمل عوم ولا عارف ارجع للشط كنت متأكد انى لو رجعت بابا بغضبه كان هيرفض وجودي ولو كنت حاولت ارجع بعدها تاني مكنتش هعرف انا قعدت ال3 سنين دول غصب عني علشان مش قادر ارجع في خطوه غلط انا اخدتها ولما جيت ارجع النهارده ف انا راجع وانا ليا عين اتكلم وافهم بابا الحقيقه اللي استخبت السنين دي كلها راجع وانا مستعد للرفض اللي هسمعه منهم بس متوقعتش رفضك انتي كمان
=نور: وجاي ليا ليه ما تروح ليهم هما
-مصطفي: علشان دايما كنتي بتفهميني من غير ما اتكلم حتي
دايما كنت باجي احكيلك وانا عارف ان لو مفيش عندك حل هيكون عندك حنيه وطبطبه جتلك انتي الاول علشان عارف انك اللي هاتقدري تخليهم يبصوا في وشي
=نور: انا مش عارفه ازاى اصلا هروح اقولهم انا شوفت مصطفي النهارده
-مصطفي: اممممم ..... مش هتحضنيني زي ما كنتي بتعملي قبل كدا
=نور: لا الاول كنت صغيره لكن انا دلوقتى كبيره وهبقا مس قد الدنيا
-مصطفي: ههههههه بقيتي بتتكسفي الله يرحم ايام ما كنتي بتجري وريا ب ابو ورده
-نور: هههههههههه اسكت ماما جابت واحد جديد عليه فروله فكرني ابقا اورهولك لما تيجي
-ندي: الحمدلله ياجماعه الموضوع خلص يلا بقا علشان هموت من الجوع مش قادره بجد
=نور ومصطفي: دايما همك علي بطنك
-ندي: ياجماعه الاكل دا متعه
------------
اعرفكم بقا
مصطفي اخو نور الاكبر في اواخر العشرينات خريج كلية الهندسه يعمل لدي شركه مقولات كبيره
-----------
-مصطفي: ايوه اتكلمت معاها وقالت انها هتتكلم مع بابا وماما ربنا يسهل بقا
=متقلقش يا صاحبي ان شاء الله كل حاجه هتتحل وبعدين علي كلامك دا هيا زعلانه منك شويه بس يعني محتاجه شوية وقت وهترجع زي الاول
وبعدين مفيش اخت بتكرهه اخوها مهما عمل
-مصطفي: مش عارف بس حاسس ان الموضوع هيحتاج مجهود كبير
=الصراحه تستاهل علشان تتعلم من غلطك
-مصطفي: طب غور بقا علشان انت بتعصبني اكتر سلام
= سلام
--------------
-سامي: انتي قاعده بتلفي ودوري ليه قولي عاوزه ايه علطول
=نور: بصراحه كدا يا جماعه انا شوفت مصطفي النهارده
كوثر بلهفه قولي والله!! طب هو كويس صحته كويسه شكله بقا عامل ازاي
نور وهيا تنظر لوالدها ايه يا بابا مشوفتكش يعني سألت علي اي حاجه تخصه
-سامي ببرود كان عاوز ايه لسه قايم يفتكر ان له اهل
=نور: هو قال كلام كتير منهم انه ندمان من زمان بس مكنش عنده الشجاعه انه يجي
-سامي بعصبيه والشجاعه جات دلوقتى يعني اقفلي علي الموضوع دا خالص واسمه ميتقالش في البيت نهائي مفهوم
=نور: انا عارفه انه غلط وفاهمه احساسك وعارفه ان من جواك نفسك تشوفه بس بتكابر
-سامي بعصبيه قولتلك الموضوع يتقفل يبقا يتقفل خلاص
=كوثر ببكاء طمنيني عليه هو كويس شكله بقا عامل ايه ينفع اكلمه
-نور: هو كويس يا حبيبتي وبيسلم عليكي ومستني موافقة بابا علشان يجي يشوفكم
-سامي كلميه قوليله مش عاوزين نعرف حاجه عنه ولا نسمع اسمه مفهوم
انا نازل
-كوثر ببكاء شايفه عمايل ابوكي احنا ما صدقنا انه يرجع
=نور: بابا معاه حق يا ماما متبصيش عليا انا وانتي احنا قلبنا هو اللي حركنا لكن بابا بيفكر بعقله مصطفي غلط وبابا من حقه يزعل ويعاتبه بطريقته ومن حقه ياخد وقته كامل زي ما مصطفي اخد وقته كامل وجاي يتأسف بعد 3سنين
-كوثر ببعض الهدوء كلميه عاوزه اسمع صوته
=نور: هنكلمه يا حبيبتي بس اهدي شويه
-------------
هااا ايه الاخبار اتكلمتي مع عمو
=نور: ايوه اتكلمت معاها واتعصب وشكله زعلان اوي الموضوع شكله مش هيكون سهل زي ما كنت متخيله
-ندي: دا طبيعي واحنا لازم نعذره برضوا يا جماعه
=نور: انا فاهمه بابا كويس وعارفه ان معاه حق بس ماما صعبانه عليا اوي مشوفتيش لهفتها عليه زي ما تكون كانت على تكه
-ندي: انا فاهمه ومقدره شعوركم بس لازم تستحملي
=نور: ربنا يسهل بقا
-ندي: هيسهل والله وكل حاجه هتبقا فل
المهم هنعمل ايه في تدريب بكره دا لازم ننزل
=نور: اسكتي متفكرنيش العيال هناك بتستقل بيا اوي🥺
-ندي: ومين سمعك والله بس نعمل ايه اكل العيش مر
=نور: لا خدي بالك اللي فات حماده والجاي حماده تاني خالص والعيل اللي هيتكلم هيتشلوح علطول
-ندي: ههههههههه متخيلاكي انتي وانتي متشلوحه هههههههه
=نور: انتي بتضحكي علي احزاني طب غوري بقا
------‐------
في غرفة سامي
والله ماعارف يا كوثر اعمل ايه فاكره زمان اول ما جه قالي ان معروض عليه شغل حلو في شركة ابو صاحبه وانا قولتله انا مش عاوز منك شغل وانت في التعليم يوميها رد عليا وقالي انا عاوز اشيل عنك شويه يابابا حسيت وقتها ان ليا ضهر اقدر اتسند عليه ويوم ما عرفت انه شغال مع الراجل اللي هدم حياتي وقولتله يسيبه وهو رفض وسبني ومشي واختار الراجل المؤذي دا يوميها حسيت بضهري اتكسر انتي فاكره اني مش قلقان عليه ولا وحشني فاكره انى مش عاوز اخده في حضني وافرح بيه دا مهما عمل هيفضل ابني حته مني بس اللي عمله كسرني اوي وانتي عارفه اني محتاج وقت علشان اعرف ارجع زي الاول
=كوثر: انا متفهمه اللي انت بتقوله بس وافق تشوفه وتقعد معاه ولو مره عاتبه وقوله كل دا
دا ابنك يا سامي حاوط عليه ورجعه لحضنك تاني
-سامي: مش قادر اعمل كدا دلوقتى سبيني في حالي
----------
بعد مرور شهر
في كافيه علي النيل
=نور:ايوه يا مصطفي في الطريق انا وندي اهو
-مصطفي: خلاص مستنيكي بس متتأخريش يعني
=نور: حاضر
-----------
=ندي: هو انتي وصلتي لحل مع عمو
-نور: لا
=ندي: امال هتعملي ايه
-نور: مش عارفه والله بس علي الاقل يقابل ماما علشان عاوزه تشوفه وواجعه دماغي
=ندي: ربنا يسهل ويحلها من عنده
-نور: يارب
=ندي: طب وفريد عامله ايه معاه
-نور: ولا حاجه بنتكلم عادي بدات اتشدله شويه
=ندي: خدي بالك يا نور متحبيش اوي
-نور: مش وقته الكلام دا
يلا بس ندخل لمصطفي وبعدين نتكلم
-----------
-مصطفي: كل دا جايه في الطريق
=نور: مكنتش انا اللي بسوق
-مصطفي: اعرفك
دا علي صحبي ودا حسن انتي تعرفيه
=نور باستغراب اهلا بس انت تعرف حسن منين
-حسن: يبنتي احنا اصحاب من زمان اوي
-مصطفي: المهم وصلتي لايه مع بابا
=نور: ولا اي جديد لسه علي موقفه
-مصطفي ببعض من الحزن طب وبعدين اعمل ايه تاني
=نور: انت اصلا معملتش حاجه بس انا عندي فكره
-ندي: ايه قولي
=نور: هقولكم
-----------------
في فيلا الجارحي
-مراد: وانا اعمل ايه يعني يا انتصار علي ايدك اهو بقالي سنين بحاول اشرح اللي حصل ومفيش فايده برضوا
=انتصار: معلش حاول تاني علشان خاطر الولاد
-مراد: اهو انا مفيش حاجه مصبراني عليه غير العيال
=انتصار: معلش يا حبيبي وبعدين متناسش انه وقف حياته بعد اللي حصل ودا كله مأثر عليه
-مراد: هكلمه تاني وربنا يسهل
-------------------
اعرفكم
مراد الجارحي والد علي رجل اعمل من اصل صعيدي في منتصف الخمسينات ذا ملامح صارمه طيب القلب
-----
انتصار والدة علي في اواخر الاربعينات ابنت عم مراد وقوره ذات ملامح هادئة الجمال
-------------
عند مصطفي ونور
-علي: لا مش مقتنع بالفكره دي
=حسن: بس نور معاها حق مفيش حل تاني غير كدا
-نور: اتكل علي الله يا برو وان شاء الله هتنجح متنساش ان انا اللي مخططه وشغلة دماغي ودا حدث مش بيحصل
ندي بضحك حصل ويوم ما بتشغل دماغها بتحصل مصيبه فا ربنا يستر
-نور: تصدقي انى غلطانه انى قاعده معاكم اصلا انا ماشيه سلام
=ندي بضحك خلاص تعالي متزعليش هسميكي سيد القماص
-مصطفي بضحك لسه قموصه زي ما هي متغيرتش
-------------
عند سامي في الشغل
السلام عليكم لو سمحت كنت عاوز امضي الورقه دي
-سامي وهو ينظر للاوراق اتفضل استريح
ااااا انت بتعمل ايه هنا انت ليك عين تيجي
