لست وحدى ف الجن بجانبى

ادم

انا شخص انطوائى جدا اخاف الحياة الاجتماعيه بشكل كبير
بكرة الناس
او بكره الحياة عموما
فى نفس الوقت مشهور بانى دمى خفيف وبهزر بس المشكلة انى كرهت الناس
بهزر عشان ميقولوش انى متغير او للدقه عشان بحاول ارجع لشخصيتى القديمه
من سنتين ونصف بالظبط
.......
ادم ايه اخبار كليتك ؟
انا تمام الحمد لله يابابا انا اسف انى ازعتكوا امبارح
قولى يا بنى مالك بس وانا هساعدك
ياحج ربنا يخليك ليا دة ضغط مذاكرة بس
ضغط المذاكرة يخليك تدخل الحمام وتقعد تغنى واغانى اجنبى كمان !!!
بس دة مش انجليزى يابنى كنت بتغنى ايه
ياحج انا كنت بدندن بس وكمان انا حلمت بكدة وصحيت من النوم وفكرت نفسى لسه بحلم
بس دى مش اول مرة يا ادم !!
اعمل ايه بقى الدماغ لما بتطلب يا ابو ادم
هههههههههههه طب يلا يا لمض انزل جامعتك
قولى صحيح اخبار هند ايه؟!
احم احم
سلام ياحج انا نازل عشان اتاخرت
هههههههههههه ماشى يا لمض قال يعنى وش كسوف
.........
انا فعلا نزلت من البيت بس عشان ادور على كتاب اقدر احارب بيه عدوى الوحيد طلمش بن الكسابى الجن الذى يدمر حياتى نفسيا واجتماعيا ودراسيا
نزلت وعند اول مكتبه لقيت كتاب اسمه "سيرجان ومحاربه الكاهن الاسود"
عجبنى جدا اسمه والغلاف بتاعه بس للعلم دة الكتاب رقم ٣٤ عن الجن
والنتيجه "مفيش فايدة "
نسيت اقولكم انى كنت بغنى عبرى ف الحمام ومكنش غناء او طرب
دة كان كلام طالع بصوتى ومن حنجرتى
بس فعلا مش انا
لانى اصلا معرفش عبرى بس اللى كنت بقوله دة فاكرة كويس لانى غالبا بسمعه كل يوم وبلا تفسير للكلمات
والغريب ايضا انى اشتريت ٣٤ كتاب عن محاربه الجن ومشترتش كتاب واحد عن اللغه العبريه اقدر اترجم بيه كلام طلمش بن الكسابى واعرف هو عايز منى ايه
يمكن من كتر المخدرات مبقتش افكر بتركيز