لست وحدى ف الجن بجانبى

البدايه

11/7/2013
................
-بابا انا نازل اقعد مع اصحابى شويه وبعدين هنصلى الفجر
-ماشى يا ادم بس خد مفتاح معاك
............
السنه الثانية ف الثانويه العامه
ف الوقت دة كنت بشرب سجاير من غير ما حد يعرف كنت بخرج كل يوم فى نفس الميعاد الساعه ٣ الفجر اقعد ساعه لحد الفجر فى مكان مهجور لوحدى عشان محدش يشوفنى من اهل المنطقه المكان محدش قال انه ملبوس او اى حاجه تخوف عنه بالعكس دة كان كل اصحابى بيروحوا يشربوا سجاير هناك بس بالنهار
كنت وانا قاعد دايما بسمع صوت ضحكات بسيط جدا بس مرعبه
كنت بقول دة من الخوف بس وكنت بصبر نفسى ومكنتش بخاف اصلا كان كل همى الحق اشرب اكتر كميه من السجاير قبل ما اروح البيت
عدى ٢٩ يوم على نفس الحال وكان عادى المهم اشرب سجاير كتيييير

اليوم الثلاثين
-------------------
روحت عادى فى نفس المكان فى نفس الوقت بنفس الحجه ونفس نوع السجاير
الحاجه الوحيدة المختلفه كانت الولاعه
ولعت اول سيجارة
سمعت نفس الصوت بس المرة دى كان مرعب او مفزع
كان عالى اوى
طلعت الموبايل اتصلت باقرب حد ليا
-هند ؟!
-ايه يا ادم حد يتصل بحد فى الوقت المتاخر دة
-معلش بس انتى سامعه صوت غير صوتى دلوقتى ؟!
-صوت !! لا صوت ايه الدنيا عندك هدوء بس صوت ايه فهمنى
-لا دة شويه عيال فى الشارع عاملين دوشه المهم تصبحى على خير سلام
_اد...
قفلت ف وشها قبل ما تكمل كلامها عشان متسالش كتير وقفلت الموبايل كالعادة قبل ما انام
عشان كدة هى اطمنت ونامت
فى الوقت دة حسيت انى مشلول كل جسمى مش بيتحرك انا اتشليت !!
لا دة من اثار الفزع وصوت الضحكات المفزع والمستفز يعلو اكتر واكتر واكتر
قدرت اتحرك وروحت تجاة مصدر الصوت عشان اتاكد انه صاحبى وبيهزر معايا
بس الغريب ان اول ما وصلت مصدر الصوت الصوت بقى مصدرة مكان ما كنت قاعد
رعب رهيب واسوأ لحظات حياتى جريت
ايوة قدرت اجرى لحد اخر المبنى المهجور دة وفعلا الصوت وقف !!
قعدت اخدت نفسى
وبعد ٣ دقايق سمعت صوت زى صوت فحيح الثعبان افتكرته تعبان فعلا بس مخوفتش فتحت الموبايل انور بيه عشان اتاكد انه تعبان
بس ملقتش حاجه تحت رجلى فضلت احدف طوب عشان لو اتحرك هحس بيه او اسمع صوت حركه
بس ملقتش حاجه وصوت الفحيح دة اتقلب لنفس الضحكات المستفزة بس ف نفس الوقت قران الفجر بدا
وكل حاجه انتهت
الرعب
الفزع
كل حاجه الحمد لله انتهت
جريت على المسجد اتوضيت واصليت وفضلت ابكى بحرقه اوى فى الصلاة
روحت واول ما دخلت الاوضه اخويا الصغير حازم
سالنى انت اتخانقت مع مين ؟!
انا لا انا متخانقتش
انا ...وحكيتله كل حاجه والغريب انه صدقنى بسرعه اوى لانه كان باين عليا الفزع