رواية شفتك بعيوني غير

#4

راحو الرجال و كانت الساعه 12:33 باليل
(وسط شبة النار و اليلة قمرة و قريب من الخيمه و شبك الغنم و شاي ع الجمر )
فهد: الا ما قلت لي من هي وليفة قلبك
هزاع؛ مناير يا فهد
فهد؛ مناير بنت عمي ماجد
هزاع ؛ اجل
فهد؛ خابره يوم كانت صغيره كشه و مدري وش
هزاع: مو ناقص الا اوصف لك شكلها
فهد: لا بس ياخي انصدمت مدري وش اقول
(هزاع قرب لفهد بخوف )
هزاع: سالتك بالله تقول لي وش العلم ليكون صاير شي بين القبيلة و انا ما ادري
فهد: امس عماني كأنو مجتمعين و جابو طاري مناير ان جوها خطاب من قبيلة عتيبة لكن عمي ماجد محتار يوافق ولا لا و انت عارف انها وحيدة ماعندها اخوان او خوات
(هزاع نزل راسه بحزن فهد مسك كتف هزاع)
فهد:
ياصاحبي لا يحبطك جور الحياة
‏ولا تضايق وأمر ربي من سعه
‏ولا تعيش العمر كله في شتات
‏استرجع الي راح منك واجمعه
‏اللي ماينفع نفسه بعز وثبات
‏والله مايلقى اللي بعمره ينفعه
‏مستقبلك ماله شغل بالذكريات
‏اللي شراك اشره ومن باعك بعه
‏وان قفلت في وجهك الأربع جهات
‏اختر جهه غير الجهات الاربعه
(هزاع نظر بعيون فهد و عيونه مليانه بالدموع )
هزاع؛ ‏يا كم ودي أسابق لهفتي و اجيها
‏وأسرق من جيوب يدينها و اضمها
فهد : لا يخيب ضنك و لا ينكسر ممكن ما يوافق عمي ماجد قم و انا اخوك سرينا
( ركب سيارته فهد و مشى وراى سيارة هزاع بحكم قريتهم وحده )
فهد بينه و بين قلبه خوف من ان تصير نهاية حب الطفولة نفس نهاية هزاع و مناير و هو يعشق ريا
————————————————————-
(رفع جواله فهد يكلم ريا )
فهد: هلا بدنيتي و الغلا كلهه
ريا: لا بالله
فهد: والله جاي من العزيمه و عظامي متكسره صح
ريا؛اليوم بالعزيمه سالت لميس عنك و قالت من الفجر ما انت بالبيت ممكن تقول لي وين كنت
فهد: والله يا حبيبتي كنت عند عماني و هزاع ساحبه نومه تخيلي اتصلت عليه مليون مرا لحد ما رد و انتي تعرفين يعني
ريا: مو كان المفروض تقول لي بحكم اني حبيبتك لا طلعت مكان
(فهد منبطح ع بطنه بوسط الغرفة )
فهد؛ اسمعي اسمعي ذي الشيلة هذي اهداء لك
ريا: ابك انت علامك بس شيلات ياخي خلك متحضر شوي
فهد : طيب انا بدوي
ريا : اوف اقول بروح اخمد قبل امي تجي و انتبه لنفسك
فهد ؛ و انتي بعد و ادفي زين