رواية شفتك بعيوني غير

#6

{مجلس ابو هزاع}
فهد : اي صح نسيت اقولك اليوم في عشاء
هزاع : عشاء مشترك بين عماني ولا وش
فهد: لا مسويه عمك ماجد
هزاع: بالخيمه
فهد : لا ببيته
(نظر فهد ب هزاع و هو يطقطق عليه )
فهد : قوم حلق و زبط شكلك يمكن تميزك وليفتك
<تميزك=تتأملك >
هزاع : افا عليك بس الا تعال وش صار بينك و بين ريا
فهد: والله ابدا نتهاوش و نرجع بعدين انت عارف جو البنيه ما تحب البدواء مسويه طالعه منها بس عشانها ساكنه بالرياض و حنا بالديره
هزاع: مشيه ع الصراط المستقيم الحريم ما ينفع معهم الدلع دلعها لكن مو دايم
فهد: نشوف مناير ولا انت
(ضحكوا فهد و هزاع و قامو يجهزون للعشاء )
—————————————————————-
{مجلس ابو مناير }
ماجد التفت على عبدالله و عبدالله فهم ان عمه يبيه
عبدالله ؛ سم يا عم
ماجد؛ روح جيب صحن الفناجيل بالمشب و تعال
عبدالله : ابشر يا عم
(مشى عبدالله و وقف عند الباب من الصدمه كانت مناير جالسه بالمشب ترتب الاغراض و كانت لابسه فستان ابيض )
تولع عبدالله ب مناير اعجب فيها رغم انها كانت النظره الاولى الي يشوف فيها مناير كان يحبها لكن كان كاتم حبه
ملاحظة:
عبدالله من بين كل العيال كان يغليه و يحبه عمه ماجد
(مناير التفت للباب و استحى عبدالله و نزل عيونه و بعد عن طريقها)
جاء للمشب و اخذ الاغراض و نزلها ب مجلس الرجال
[دخلوا هزاع و فهد ]
و كل الرجال قاموا يسلمون الا عبدالله كان ينظر بالارض و جالس يفكر ب مناير
(كان يردد بداخله هالابيات عبدالله )
عبدالله: ِاللي لهـا قلبي تسابق خـطاويه
‏في حبها ماهو حرام التــماادي
‏لبيــه من فمــها مهي مثل لبيـه
‏اللي تجي دايم من انسان عادي
( مد يده هزاع ل عبدالله و عبدالله جالس ما قام ينتظره ينظر فيه و يقوم رفع راسه و ارتبك يوم شاف الرجال كلهم ينظرون فيه و فوق راسه هزاع و فهد )
عبدالله: يا هلا والله ب عيال العم
هزاع؛ علامك يولد بالك مو معك
عبدالله: والله اشغال دنيا
(ابو مناير ماجد بصوت عالي بحكم ان عبدالله يتيم الاب)
ماجد: ما تاخذك اشغال الدنيا و انا عمك و انا موجود
(كان ينظر هزاع و الغيره تاكل قلبه بحكم يبي يتقرب من عمه عشان مناير )