Balas (Anak ni Randy) [COMPLETED]

BALAS:13

Chapter 13: Gibali nga panumpa

***

Third Person POV

13th Infantry Division. Kuta Heneral Diego Kumintang, Brgy. Bomba, Lagobo, Rebei.

Bag o ra nahuman ang operation nila Randy ug nabalik na sila's division. Kapoy kaayo ang ilang lawas pero tungod kay trabaho naman nila na naanad nalang sila ug di nalang huna hunaon.

"Sir, mangaon na daw gawas na." Naay nilili kay Randy usa ka private nga sugounon sa mga tawo sa kampo.

"Sige musunod rako karon," ingon nya.

Gitarong sa niyag suksok iyang pusil nga G17 na gi issue sa ilaha atong una. Iyang pusil nga gituring napud niyag asawa sukad nakasulod siya sa sundalo. Dapat dala niya ang pusil permi aron kung naa siya'y masugatan nga peligro naara siya'y panglaban mao nang nasa huna-huna ni Randy.

Nigawas na siyas iyang gidayonan na barracks ug sa dihang pangkatulong tikang niya naa siya'y nahiagoman na nikurog sa iyang bulsa iyang selpon. Gibutang nalang niya sa 'vibrate' kesa sa 'silent'.

'siguro si Mama ni..'

Mao nay naa sa iyang huna-huna pero pagtan aw niyas nitatak nga ngalan nawala iyang katawa.

Unknown number?

Gitubag ra gyapon niya kay kabalo siyang isa ni sa mga amigo niya.

Nagtuo siya nga muestorya dayon ang naas pikas linya kay ing ana man kasagaran basta naay manawag niya. Pero ngano karon nabatian niya na di ni maayo.

"Hello? Kinsa ni?" Pangutana niya sa normal na tingog.

Wa gyapoy nitubag. Mga wati ras kagabhion iyang nadunggan. I-call ended na unta niya pero naay nikalit man ug katawa sa pikas linya.

Pamilyar na katawa. Pero dili normal na katawa. Katawa kini nga di mabasta basta ug sakto ra para makabati siyag kabugnaw sa iyang kalawasan.

"Nalimot naka nako dayon Randy? Abi kog nagsumpaan ta na way limtanay human nato nasabotan na ihilom ra tong tanan..?"

Kadyot na naispatan sa iyang mata na naay muagi na iyang kauban kung asa siya gatindog maong dali-dali siyang nilakaw palayo, kung asa'y ngitngit ug way makadungog sa ilang pagpanag-estoryahay.

Gisigurado sa niya na clear ang palibot usa siya nagpadayon.

"Unsa diay ato ron? Di man sa nakalimot ko, bag ong number naman pud gud inyong gi-dial."

"Hahaha, mura mag bag o pa siya nakahibaw nga kada dial nato oyy lain laing number. Lisod na matrace ta," ilhan nga dala sarkastikong ingon sa pikas linya.

Wa ra siya nitubag kay mas namugnaw na siya sa kakulba. Usahay ra ning iyang katawag manawag niya. Kung manawag man naay tuyo o magparemind kaniya.

Kadyot pa nakit an niya sa may distansya na nigawas na iyang kauban sa may tent kung asa sila magkaon. Sigurado siyang pangitaon siya ani maong nigawas ni.

"Diretsoa nalang ko kay gipangita nakos akong kauban. Unsay imong tuyo?" gihinay ra niya pag ingon. Bahalag na clear na niya na wa nay tawo lisod na gyapon magpa kumpyansa karong panahona.

Nipiyong sa siya kadali usa nadungog ang tubag sa iyang katawag.

"Manghulam mig tunga sa milyon, Randy."

"Unsa?!" Wa niya natuyo na mapataas ang tingog. Nakit an pa niya na napalingi iyang kauban sa direksyon kung asa siya pero kabalo siyang wa pa siya nakit an niini kay naa siyas dulom.