حين أتى

٢٩

#حين_اتى

إن المغفرة لإحباء المرء أصعب من المغفرة لأعدائه 💚

تفاعلكم بالتعليق ع الفقرات ❄️
____________________²⁹

اني وحسوني بالغرفة هو يفردش ويشمر واني الم ورا ايدي طاحت طبعاً ما أكدر أصيح بوجهة ولا اگلة چو ضياء محلفني يكول ميصير خلي عندة طاقة يريد يطلعها والطفل مينصاح بوجهة هذا وقت راحتة لحد ميصير عمرة سنتين يبدي وقت التعليم والمنع

فلهذا اني ما اسوي شي حتلو گلب الغرفة ع راسي ، وهو والله يفتهم بس محد يحجي ويا
لزمت المكعبات ضميتهن بالسلة اجة يريد يطلعهن لزمت أيدة
...كافي حسوني تعبتني
ما اهتم ويدفع ايدي يريد يطلعهن
خزرتة ابتعد خايف اول مرة أسويها ويا
...يلا صير حباب
رجع كعد وكل شوية يدور وجهة يباوعلي

...ابقة كاعد ع ما أعزل الغرفة حتى اطيك عصير
عزلت الغرفة وفتحت بخور كلش احبة خليت المبخرة بعيدة خاف يوصللها ضميت كل الاغراض مديت ايدي الة حتى يكوم لزمني طلعتلة عصير من الدولاب نطيتهيا ورحنة للحوش كعدتة ع المرجيحة وهو يكيف عليها لأن ابقة امرجحة

كعدت يمة اقرة كلاميات الفيزياء واني كلش سريعة بالحفظ يعني ما اخذ هواي وقت وكل ما اشوفة يوكح لو يشمر اخزرة يكعد ابتسمت لنفسي والله خوش سهلة هاي بس كون مايصيدني ضياء

اندكت الباب كمزنة اني ويا ثنينا نتشوق لمن يندك الباب كلت بصوت ناصي منو واجاني طفل
...احنة جوارينكم وهاي توزيعة للسجاد
لبست حجابي فتحت القفل ومديت ايدي اخذت السفري
...بيت منو ؟
...بيت شيروزة
...بالعودة حبيبي

اخذتة منة ودخلت حسوني يكمز يريد يشوف شنو بالماعون ...تعال ضوك اطيب قيمة
كعدنا ع المرجيحة فتحت الماعون القيمة لسة حارة خليت نص لضياء ونص اكلنا اني وحسوني طبعاً اني من عشاق القيمة وخصوصاً بعض البيوت عدنة بالنجف يطبخوها بطريقة مختلفة

دك تلفوني والمتصلة لبابة رفعتة ...الو
...الوو هلو زهراء شونج
..زينة الحمد لله انتي ومهودي شونكم
...زينين الحمد لله ، بس ردت اكلج علمود الملابس تردين اجيب قاط لحسن لأن طالعين اني وغيث نشتري لمهدي ولكينا قوط خرافية
...اي حبابة بس اوكفي اشوف ضياء
...تشوفينة عليمن هي ملابس ! يالون اختارلة
...اسود جيبي
...ماشي يلا باي وسويلنة كيكية بس نشتريهن ونمرلكم
...ماشي جيبي وياكم ببسي
...بعيوني مع السلامة.

شلت حسوني بسرعة ورحت للمطبخ عاد اني بالكيك توب أسويها نفس السوك علمود ضياء لأن يحبها ، خلطت المكونات خليتهم بالفرن ورحت اسوي الكريمة وطلعت الجوز علمود اخلي بين الطبقات

خلصتها بثلثين الساعة وخليتها بالثلاجة علمود الكريمة تجمد عليها ضليت منتضرتهم رايحة راجعة لحد ما ندكت الباب فتحتها بيدهم كومة علاليك سلمت عليهم ودخلتهم للأستقبال