كابوس الليالي

الـكابوس الـ 9

"كـابوس الليالي"
بقلمي: ود بليغ
.....
لاتنسون التصويت + متابعه لحسابي
....

رائد يكول :
غبت مره وكف كلشي

كلبي وساعتي ورمشي

عوجه الدنيا تمشي وياي اذا وياك ما امشي

هــلا باليحجي كلمه وينسى كلمه

كبالي من ارتبك صار احلى دمه

وصلنا المرحله نغلط بالحروف

والنظرات يفهمني وافهمه

صح مو سهله بس مو مستحيله

بشر لو روحي اسلمه هم قليله

انا مجرب واميز بين الوجه

مبين ذاك ابو العشر الطويله .

.....

لـيال :

رجعت للبيت ولكيت امير جيرانه دخلت سلمت وتعديت اني محرم كله جان سني يوجعني وحايره ودايخه منه دخلت للمطبخ رحت الامي متوجعه

-اخخخ ماما سني موتتني ماجاي يفيد وياها شي شسوي متت

-سوده عليه يايمه منين اجتج اخخخ ياهي الي تشوفجن بقرايه تكول بناتج خوش كبار عيون ماصلت علـى الـنبي
شويه وفات اميد اثاري سمع كلامنه

يامن:هاي شنو ام ليال هلكثر تحبين ليال واني اكول ليش ماقبلتو تزوجونهه لان تحبونه هواي

-لا ولله خلفتي كلهم احبهم واعز من روحي بس ليال لان صار فتره سنهه يوجعها ومتعذبه من ورا

-علـ خير ليش ماراحت طبيب

-صغيره مايقبلون يخلعون السن

-اها اي صح بعدهي اي ليال ماتزوجين ولله سنج يطيب

شلت راسي وحجيت

-والزواج شعليه بلسن

-مو تلتهين بلحبيب وتفرحين لان راح تتزوجين يروح الوجع

-هزيت ايدي منو يفرح يتزوج وهو هيج عمره ولله يالله خوش تجيبون افكار من جيبكم

وهو اني وجع راسي من ورا الخطابه من اجولي لحد هسه الناس تسولف بيهم ووين مانطلع جبيره
وخوش بنيه انطوها

لحد ماوجعني سني يابه شعليكم ماكله من سفرتكم اخخخ لو اكضهم

-هاي شنو بسمار الي شعليكم ولو اكضكم

-لاانت نبي وفقير مايطلعن منك هيج سوالف

-من اكول خوش بنيه وواعيه ليش تلوموني

......

كعدت الصبح لبست ملابس الدوام وطلعت من البيت متوجهه البيت ابو الخط يم بيتنه وبنت جيرانه مريم وياي بلخط بس بغير مدرسه و رؤيا وياي بنفس الخط

كوثر بنت اخت السايق صف سادس جبيره ومريم بنت جوارينه ابواحمد صف رابع جبيره اكبر مني هذن توجهنه كل احنه البيت السايق ونفس روتين كليوم مريم تنقهر تريد تركب بصف السايق يعني