مغتصبي

الحلقة 1

.....الحلقه (1)

.

الساعه 1في اليل وصلني مسج ع تلفوني فتحت الهاتف وقريته وخفت هلباا من يلي رح يصير 😱وفي لحظه قررت نطلع من الحوش طلعت وقعدت نمشي ونتلفت وراي من الخوف خايفة وحالتي حالة الدنيا ظلام وماعرفتش وين نمشي وماعرفتش كيف نتصرف وماعرفتش ليش صار فيا هكي نجري ونعثر ونطيح معاش قدرت خلاص معاش عرفت وين نمشي الدنيا خالية فجاءة نشبح والرؤيا عندي مش تمام قريب نطيح شبحت ضي مشيت نجري نخبط الدنيا ليل واكيد وقت متاخر نطق ونعيط نبي حد ينقذني فجأة انفتح الباب..........🔥🔞🔞
_____________________________________
فلاش باك

نعرفكم بنفسي اسمي مروه من بنغازي مواليد 98 نقرا  في الجامعه سنة ثالثه قانون نعرفكم ع عيلتي
بوي علي يشتغل عمل حر طبعه واااعر هلبا وقاسي ومايحبش الغلط واللي يغلط يخلص حقه ديما أعصابه ويدخن هلباا ومايحبش حد يلغط او يكسر كلمته🔥😐
امي كريمه انسانة طيبة وهادئة وعلي عكس بوي بكل لاتقدر تحكي ولا تقول شي بكل  وماعندهاش كلمة مع بوي وخوتي نهائي واللي يقولوله يتنفذ
عندي اخت وحده سناء م 94 متزوجة وعايشة مع راجلها وقليل نادر ماتجينا🔥❤️
يعني يعني ماتقولو انا بروحي ف الحوش وماعنديش خوات نحكي معاهم ولا شي بكل لانهدرز ولا شي ديما بروحي ف قرايتي وخلاص
نجو لخوتي عندي اربع خوت ثلاثة اكبر مني وواحد بس اصغر مني
خوي الكبير محمد 89متزوج وعايش فوق منه متزوج بنت عمي اماني طبعا بنات عمي هادم يكرهوني كره العمي مش عارفة علاش🔥🙂

خوي الثاني امين م 91خوي هاذا قالبه ع راسه مايروح بكل نظام حشيش وسكير وخويط فاضي وجو عصابات
خوي الثالث زياد م 96 وهذا اقرب اخ ليا هذا سندي وعيوني نحبه والوحيد اللي ديما يوقف معاي في اي شي❤️
خوي الرابع رياض م 2000 مدلل العيلة وديما في حاله وجوه طلوع وهياجة ومايدخل في حد المهم نفسه

نحكيكلم ع مواصفاتي شوي طويله وعيوني ملونات وشعري طويل ❤️🤤احلي مافياا عيوني يجبدوو لاي حد يشوفيلي حتي من بعيد ونحب نهتم بنفسي وطبعا هلبااا تقدومي عشان نتزوج بس انا كنت رافضه الفكره لاني كنت نبي نكمل قرايتي قبل 🔥

مانبيش ندير زي مادرات اختي سناء تزوجت ومعاش قدرت تكمل قرايتها بالرغم من انا مستواها كان كويس بس معاش قدرت تكمل بسبب الزواج والمسووليه🔥🙂

وطبعا كل عريس يتقدملي كنت نفرض فيه وبوي كان يدير ف ناس احرف بس انا كنت متحمله وكلا ع خاطر قرايتي مانبيش نتنازل بكل 🔥

زي العاده كنت مكسده ف داري نراجع ونسمع في الاغاني ونفكر ف قرايتي شوي ونسمع في امي تنادي علياا😐🔥
كريمه ... انتي يابنت ياسرك ونقصي الاغاني قبل لايجي بوك والا امين يكسرو التلفزيون فوق راسك ياسرك و تعالي تغدي اهو جهزت الغدي
انا ...باهي شوي بس نكمل مراجعه ونجي🔥😐
كريمه....كان وافقتي وتزوجتي زي اختك سناء مش خليك من هالقرايه يلي كل وانتي عليها ي مروه
انا....ايييياح علينا بنرجعو لقصه الزواج خليني نكمل قرايه وتوا نتزوج شن هالحاله
كريمه...اصلا المراه ماليهاش الا حوش راجلها شن تنفعك القرايه😑
انا....اوووف فكيني بالله نبيش نسمع الكلام هدا خلاص عاد نكمل وبعدين نتزوج
كريمه ....هدا عاشر عريس يجي يتقدملك وانتي ترفضي فيه
انا....خلاص اول مانكمل قرايتي اول واحد بيجي رح نقبل بيه ع طول تمام هكي يام😂🙂🔥