(شهرين اجه اتصال ابو ياسر الووو .... يتبع)
بقلم شمس الشمري..... الانستا m.s_iop
ابو ياسر الووو
انت ابو ياسر؟
_اي نعم انه ابو ياسر صارله شي ابني
ابنك تصاوب برجله و هسه هوة ببغداد
_شلون!!
تكدرون تجون تشوفون حاله ابنكم
_رحمه الله والديك جاين ان شاء الله
ام ياسر_ شنو شبي ابني
ابو ياسر_ النج تصاوب و هسه هوة ببغداد
مؤمل _ شلون
_ هسه لا نضل نسولف امشي خنروح بسرعه
مؤمل _ كدامك عمي
شمس_ سمعت بالخبر متت من الخوف بس حاولت اتمالك نفسي ... خل يي خلي اجي وياكم
مؤمل _ وين تجين شمس خليج هنا هناك المكان خطر سلامات
شمس_ بس..
مؤمل _ بدون بس و شدعوة هالكد ميته على ياسر
شمس_ لا ماكو بس خفت شبيك هيج عصبت
مؤمل _ لا عصبت و لا شي روحي جيبي مي و سكتي و انتبهي على الحجيه
شمس _ صار.. صار و رحت بسرعه جبت مي و راحو و انه گاعدة على اعصابي
مؤمل _ طلعنه و انه معصب حيل مدري من شمس الي مهتمه بياسر و خايفه لو اخاف على ياسر ....وصلنه لبغداد للمستشفى جانت المستشفى فوضى و كله جرحا و صياح و ركض
ابو ياسر : اني ابو المصاب ياسر **
_ ابنك و وصفت المكان
مؤمل_ فتنه للمكان البي ياسر جان مهدود حيله و تعبان و نايم .. ياسر ياسسرر
ياسر _ شنو ليش تصيح
مؤمل_ شنو شبيك اني مؤمل
ياسر _ مؤمل ابوي وين
ابو ياسر _ ابني حبيبي بصفك اني بصفك
ياسر _ اول مرة اشوف ابوي بعينه دموع .... ابويه لا تخليني ازعل عليك انت العلمتني القوة بهيج مواقف تصير هيج يمي
ابو ياسر _ لازم تجي للبصرة هناك نعتني بيك و كلنه يمك ماكو احد اجه بس انا و مؤمل و عمك وئام .. محد هناك بس فهد و ادم و اولاد عمك
ياسر _ من سمعت هناك محد ضال بس هذول الولد حته مؤمل جاي كلت لازم نروح لان وسام هناك و ما يتأمن و ادم و الجماعه ما يدرون
مؤمل _ وقعنه على اخلاء امر و طلعنه ياسر و جان تعبان و مباشرة كضينه طريق البصرة.... وصلنه مكسرين للبصرة الساعه ب ١٢:٠٠
شمس _ تلكيتهم من الباب كاضين ياسر ما يكدر يمشي و دخلو جوة و كعدو على القفه
ياسر _ شلونكم شباب
ام ياسر _ يا شباب ابني كطعت قلبي عليك شسويت بيه نوم ما نمت من كالو البارحه
ياسر _ امي حبيبتي ماكو شي ان شاء الله اني عايش لانج موجدة بحياتي
ابو ياسر _ ماسمعتك شكلت
ياسر _ يله بويه ماكو فرق بينكم ان شاء الله .. و كامو يضحكون انه من شفت ضحكتهم و لمتهم ارتاحيت لان صارلي هواي مشايف هاي المه دمعت عيني اول مرة ادري هاي الامور البسيطه الطبيعيه ابحياتي رح تجي لحظه احبه و اشتاقله و اتمناه .....
ياسر _ صعدت نمت بالغرفه .. طق طق... صوت الباب .. تفضل
شمس_ هاي انت لحد هسه منايم
_ ليش شوشوه محتاجه شي؟
_ شنو يا شوشوه.. شتكول انت
_ انتي مو هيج دلعج..!
_ شنو دلعي محد يكولي هيج ..!
_ لعد اعتبري اني ادلعج هيج .
_ لا محد يكولي هيج بس ان...
_ بس ...كافي لتلحين شتردين ليش جايه اخر اليل..؟
_ اءء ها اي اي جنت رايده كلنكس هاذه هو يله تصبح على خير باي..
_ تعاي تعاي .. شتردين ليش جايه
_ يعني بصراحه
_ اي شنو شبيج احجي
_ وسام ..
_ شنو شبي وسام سوه شي هالحيوان
_ شنو شبيك شفتهمت
_ احجي شبي
_ شوف هوة راسلني قبل شوي يكول اريد اخطبج و اني ما اعرف شكول و المن اكول و شنو ارد
_ يا حيوان لو الزمه اله اسوي وصلتين هالكلب
_ اهدي شوي كولي شكله
_ احظريه.. و اذا عنده حجايه يجي يحجيه وياي و اني اعرف اتصرف
_ تمام بس هوه ما قاصد شي خطيه جاي من الباب
_ امشي ولي طلعي بره مو انطيتج وجه
_ هاي شبيك شكلت الرجال داخل من الباب
_ دايخ تره ما بيه حيل طلعي بره احسلج
_ خلص طالعه طالعه ..
شمس_ رحت للغرفه حطيت راسي عالمخده بديت اتخيل تزوجت ياسر و جبنه جهال و اني طالعه للشغل و ... قاطعني صوت... لحكوني لحكوني ... يمه هاي منو تصيح رحت ركض نزلت جوه شنو شبيج ريام..
ريام _ ,ج. ج. جلب جلب بره
شمس_ شنوه شنو يا جلب شلون يدخل جلب للبيت
_ تعاي تعاي طلعي شوفي
_ ولج انتي تعاي .. شمطلعج بره بهاليل
_ يووو انتي شعليج
_ انا شعلي ها احجي ولج شمطلعج باليل
_ نسمع صوت من ورانه خطوات ... اششش ثبتي لا تتحركين
_ يبو رح نموت
_ بس سكتي دخيل ربج
_ هاي شنو شبيكم تصيحون تخبلتو
_ يمه مؤمل خرعتنه الله يخرعك
_ شنو شبيج ريام تدعين .. شمكعدكم تالي اليل
شمس_ هاي ريام هيه...... اششش انجبي و سكتي
_ شنو شبيه ريام شمسويه
_ شتطيني و اسكتت ... باجر اغسل الماعين من الريوگ للعشه وحدي بس سكتي
_ شنو شبيكم تتهامسون احجو و ثول
_ لا ماكو شي نزلنه نشرب مي ماكو شي و هيج عياط عالمي
_ اي اي مو انجفه و هاي و مسحنا .. هسه انت شنو تحقيق هوة
_ امشن نامن يله و بدون صوت انخبصه مو تدرون ياسر متصاوب
ريام_ اي اي امشي يله بسرعه
شمس_ اجيت يله ... صعدنه كعدنه بالغرفه ها ولج ملعونه شمسويه :)
_ بس خمدي باجر اكلج
_ تمام بس مو تكولين نسيت مدري شنو
_ بس خمدي
_ الله يا صباح خير صوت الهوسه جوه و الجهال و الازعاج و ريحه الاكل افتح التلفون بيش الساعه 11:00 يبوووووو هاي انه لحد هسه نايمه ركض عالحمام غسلت وجهي و بدلت ... و نزلت جاي يلمون ماعين الريوگ
ريناد_ شنو وينج وين جنتي ستوج گاعده مبين
_ من زمان كاعدة بس شوي تعبانه منشوله
ريام_ منشوله ها ... انجبي جلبه ليش مكعتيني ... تتريكين لو اشيل الماعين
_ انا اعلمج خبيثه كومي ما اريد شي .... شموسه شموس
_ ها خير شتردين
_ ساعديني الله عليج
_ امشي هاذة شرطي و لا اذا ما كملتي تعرفين شسوي
_ شسوين مثلا ..
_ مؤممميل ... اششش سكتي خلص ما اريد منج شي
_ يله كولي شكو ماكو شصار البارحه .... ههههه
ريام _ البارحه دگ علي حرب تالي اليل يكولي نزلي اريد احاجيج ..
شمس _ هوب هوب هوب حرب منو؟
_ شبيج حرب ثوله
_ اها خير امر خدمه تالي اليل
_ انتي بس سكتي خالكمل .. و كال نزلي انه جوه رحتله كلي اريد اكون وياج كتله شنو وياي شسويلك كال اجي اخطبج و هاي و كذا... و قاطعنه الجلب و انهزم
_ هاي شنو طلع خواف
_ ولج يا خواف انه وين احجي
_ عيني فديت الخجلان تهده عالكيفك
_ اوي سكتي ..... شتكولين اوافق
_ تره مبين عليج موافقه ما رح اوكفج انه
_ يعني اراسله اكوله يسير علينه
_ بس اعصابج جنج تحمستي... شويه بيعي ثگل مو هسه تردين انطي ثلاث ايام سبوع
_ ولج شيصبرني
_ والله اليحب يصبر
مؤمل _ ها خير ان شاء الله حب و كذا
ريام- شنو متعرف تدك الباب
مؤمل _ انجبي انتي ... نريد نطلع نروح للحديقه هناك ندغده كومو بدلو
شمس _ صدق والله يسسس
مؤمل _ ولج هوة منتزه ما شايفه
شمس_ انت شعليك يله اطلع بره اطلع ... دفعته و سديت الباب
ريام _ تره باب المطبخ مو الغرفه هاذ
شمس _ يووو امشي بسرعه فوك
_ اوكفي شوي خلصت
_ اني رايحه اكعد مريان
مؤمل _ بصوت عالي بدلو يله بسرعه لا نتأخر
شمس _ مريان مريان ولج مريان كومي بدلي مريان نايمه للظهاري كومي
مريان _ كتلكم لا تكعدوني الا نحترك
_ انجبي بله نريد نروح للمنتزه نتغده هناك
_ اي بدلي و كعديني
_ اهووو خالبدل بدلت لبست بنطرون اسود و هودي بنفسجي فاتج و شال ابيض
_ كومي والله رح اطلع و اعوفج كلنه خلصنه حته ريام خلصت و هيه اخر وحده تخلص
مريان_ ما اريد ما اريد روحو بدوني
ريام_ طبج مرض امشو بنات ... نزلنه جوه ها خويه ياسر محتاج شي تريد شي
ياسر _ ما محتاج مشكورين يله امشو
ريام شمس همس_ هاي شنو شبي ياسر.. شمس _ ما ادري ههه
ريام _ اشوفج مبتسمه
شمس _ ركبي السياره و سكتي ... يماا هاي منين طلعت مريان شوكت بدلتي ولج سنه نگعدج متگعدين
مريان _ كون ما تأخرت يله امشو
مؤمل _ اني سحلته و لا يهمكم
شمس _ وصلنه للحديقه فرشنه حصيره و طلبنه اكل و وصل و گعدنه كلنه عالغدة و لمه حلوه
مؤمل _ كوم ادم نلعب طوبه
ادم _ جا و ياسر غير ويانه مثل كل مره
ياسر _ انجب انت احسلك ما تشوفني متصاوب
ادم _ عالكيفك محجينه شي
شمس _ و يلعبون و ونسه و الاجواء تجنن جانت احلا طلعه لمينه اغراضنه المغرب و رجعه للبيت
ابو ادم _ وين المفتاح
مؤمل _ شنو يا مفتاح
_ مفتاح البيت
_ مو عندي .. ياسر ياسر عندك المفتاح
_ لا مو عندي
شمس - هنا كلنه ضحكنه ضحك ضلينه واكفين بره ... للحكايه بقيه
