للكاتبه شمس الشمري...
_________________
شمس - هنا كلنه ضحكنه ضحك ضلينه اكفين بره ... للحكايه بقيه
_______________
مؤمل. _ لحظه يالربع انه حاط نسخه بالسياره رح اجيبه
ياسر_ شمنتظر يله...ههه
شمس_ اجه مؤمل فتح الباب و فتنه للبيت كلمن بدل و لغرفته تعبانين كله نمت... ما جنت اعرف انه شكد رح انام شطوله نومتي شكد رح تتطول ساعه ساعتين يوم يومين او حته ما اكوم اصلاً
مؤمل _ اسمع صوت خرخشه ب 3:00 باليل كمت بهدوء اباوع شوي من الباب ما حبيت اطلع و اباوع اشوف شخص ضعيف جسدياً و صغير مستحيل يكون من اهل البيت يطلع عمره 16 شايل بيده سلاح طلعت بهدوء ... من الباب فات لغرفه البنات ما كدرت ركضت ما لحكت كض شمس من شعره و جره حيل و كومه
شمس _ صياح بصوت عالي منو انت شتريد مني شمسويتلك انه مؤمللل مؤمملل دخيلك وخره عني مؤمل لا تعوفني وخر سلاحك شتريد من منو انت
مؤمل _ ابني حبيبي كلي شتريد و منو انت ليش هيج جاي تسوي كلي شنو وصلك لهل المرحله تريد اكل فلوس انطيك كلشي انطيك بس انطيني السلاح
_ شنو منو ابنك ما تشوفني رجال جبير اكبر منك و من عقلك وخر احسن ما تشوفه ميته كدامك ابتعد
مؤمل _ ماشي انت رجال جبير رح اوخر بس وخر سلاحك.... سمعت صوت صوت مرعب صوت ما ردت اسمعه صوت يخليك تتمنه انك تموت احسن الك من هالصوت ... فتحت عيني بالمستشفى ... اصوات الاجهزة الطبيه و صوت بجي كمت طفرت وين شمس؟؟؟ شمس وينه صار عليه شي احجو احجو شبيكم ساكتين احجو؟؟
ريام _ تبجي و بصوت يرجف .. شمس شمسس بعد ما موجوده شمس راحت لرب رحيم ارحم من عدنه
مؤمل _ سكتي ريام سكتي ما احب هيج شقه انجبي كولي وينه شمس
ياسر_ عيون حمر صوت يتردد شمس راحت مؤمل
مؤمل _ ما راحت ما راحت
ياسر _ كضيت راسه بصياح لازم تستوعب استوعب هاي ثالث غيبوبه تكوم منه و ترجع تنام صارلك شهرين على هالحال
مؤمل _ .. دمعت بجيت ما اكدر ما استوعب شلون راحت و كله تبجي حوالي ...بعد ما هدئت رجعنه كلنه للبيت مهمومين ما اسمع و لا اشوف بس صوته صورت ضحكته
ياسر _متألم ما اعرف شسوي من شفت مؤمل هالكد يحبه و انه ميت من القهر عليه و الشوق مستحيل انسى المنظر الي شفته دم و مؤمل بالارض كضيت الطفل من ياخته و صرخت بوجه ولك انت شسويت تعرف انت ويامن اندكيت فجئه و انا سارح بالذكريات و الشوق و الدمعه نزلت سمعت تلفوني يدك .. الوو تفضل
_ الو سيدي عقيد ياسر
_ نعم من انت تفضل
_ انه كدرت الكط راس الخيط من الشخص الي قتل شمس
_ شلون منين و ين كلي منو هوه كلي خلي اوريه نجوم الظهر
_ بس لحد الان ما وصلنه اله
_ باجر الكاه يمي بالمركز اعلمه شلون يصير الدم ....
ياسر _ رحت للمركز يوم ثاني شايط اريد اكضه اموته فتت للمغفر مستحيل مستحيل الي شفته كدامي ....شمس انتي شمس مستحيل شمس ماتت خضنته بأقوى ما عندي و ما فاركت الدمعه عيني من الفرحه
_ عفواً ؟ ممكن توخر
_ شنو شمس انه ياسر الي تحبينه شنو وخر
_ عفواً انت منو و شمس منو اصلا ابتعد عني رجائاً
_ شنو شبيج شمس انه ياسر
_ يمكن انت مشبه لان انه اسمي قمر .. مو شمس
_ وين هويتج انطيني هويتج عندج هويه
_ هاك هاي هويتي
_صدق الاسم مكتوب قمر امير حسين
_ اعتذر منج ست قمر بس انتي مستنسخه من شخص اعرفه راح عن هاي الدنيه و مسحت دموعي و رحت
_ ما كدرت اتمالك نفسي بس راح ضليت ابجي ما اكدر كلش اشتاقيتلهم اشتاقيت لگعداتنه الحلوه بس ما اكدر اكول انه مضطره اجذب حته اكتشف منو الي قتل اهلي و خلاني وحيده محد الي وحيده و اكيد الي قتلهم من اهل البيت بعد ما استحمل اشوف صديقاتي و البنات الي اعرفهم كله ماما بابا ماما بابا ما اكدر بعد راسي رح ينفجر لازم اعرف اهلي منو قتلهم الشغله ابداً مو شغله حادث لازم اعرف شلون و كيف و متى
ياسر _ منو هاي الي بره الي اسمه قمر شتريد جايه هنا
_ سيدي ما ادري من الصبح هيه هنا
ياسر_ روح شوفه شتريد
_ سيدي رحت ما لكيته
شمس_ طلعت من المركز اركض سريع بصراحه جنت جايه بس علمود اشوف ياسر كلش شتاقيله
عسل _ انتي تحجين صدك بله عرفج
شمس_ لا يمعوده وين يعرفني كلشي مزور زورته عند ناس مضبوطه و مضبوط تمام التمام
عسل _ انه ما مرتاحه لهاي الشغله اكول لو تعوفين هاي اللعبه و ترجعين
شمس_ شنو شبيج عسل انتي تخبلتي بالكوه بديت بالخطه تردين انهيه و بعدني ما باديه بكلشي
عسل _ اوي بكيفج انه كايمه
شمس_ شنو وين عايفتني
عسل_ اسوي غده شنو مناكل نضل
شمس_ اي ولي لدققين ... عسل صديقتي مقربه جداً مني انه وياها من جنه بالابتدائيه كلش احبه و الكل يعرفه رحت عشت يمه لحد ما اكمل الي اريد اسويه و اعرف الي كتلو اهلي....
عسل _ كومي شوفي منو بالباب
شمس _ اي اي فتحت الباب بوجهي ياسر
ياسر_ هاي شنو انتي شتسوين هنا
شمس _ انت منو و شسوي هنا
ياسر _ ما ادري انتي شتشوفين دكتور انه؟
شمس _ بدون سخافات شتريد
ياسر_ لج احترمي نفسج صيحي عسل
شمس _شتريد منه
_ معليج صيحيه
_ عسللل عسلللل
_ اششش طرشتيني شهالعجز روحي صيحيه
عسل_ ها اجيت .. يا عقيد ياسر
_ هاي شبيكم صيحون اشو وخري خالفوت
عسل_ نعم تفضل محتاج شي
ياسر _ اي ممكن نحجي وحدنه
شمس _ شنوشقصدك مسويه ازعاج
عسل _ اي شمس روحي
شمس _ ولج ثوله يا شمس
ياسر _ شنو شمس
عسل _ بصراحه هيه كلش تشبه شمس دائماً اشبه اعذرني .. يله قمر فوتي جوه يله فاهيه .. اي نعم تفضل
ياسر_ انتي منين تعرفين هاي البنيه؟
_ شسمه اعرفه جيرانه هيه خطيه يوميه تجي يمي تاكل و تسبح و تنام ما عده احد
ياسر _ شنو بيتهم ماكو حمام
_ شسمه ما عدهم شامبو هسه شعلينه انت شتريد
_ شمس قبل الحادث حجت شي خافت من شي كالتلج شي
_ لا بصراحه سيدي كلشي ما كالت و لا حجت شي الي بالعكس جان كلشي طبيعي
_ زين شكراً ازعناج و ازعجنه الست قمر الما عده شامبو
_ لا لا مو هيج عدهم شامبو
_ سكتي سكتي فكي الباب خالطلع شامبو هههه... طلعت من الباب و انا افكر ما مقتنع منو هاي و شلون اسمه قمر و استنساخ من شمس بس ما اكدر احجي الهويه تثبت اسمه ... للحكايه بقيه
يتبع ... حماس من يمي
