"بيت ال علي "
ابو سلطان:اهلا أهلا ذياب
ذياب بحزن:هلا ياعم تعال مستشفى ال....
ابو سلطان:عسى ماشر ونا عمك؟
ذياب:اااء ياعم وش اقول
ابو سلطان:ياوللد وش فيك؟؟
ذياب بحزن:تعال بتعرف
.
سكر الخط وتجهه للمستشفى
.
"عند ترف"
جات طيف عندها ولبسو عبايتهم ونزلو الصاله ينتظرون سلطان
الجده:يا طيف شفتي عقدي الالماس من الصباح وانا ادور عليه؟
طيف هزت راسها بلانفي:لا والله ماشفته
الجده:اجل وينه؟
شوق:جده اكيد الجاريه سرقته
ترف طنشتهم ماردت
الجده:ياجاريه انتي الي سرقتي عقدي؟
شوق:عندي احساس انها هي
الجده:يا جاريتنا تسمعين
ترف لفتت ببرود:انا؟
الجده:ايه ماتسمعين
ترف:وش عندك؟
الجده:انتي سرقتي عقدي؟
ترف:عقدك؟
الجده:ايه انتي سرقتيه؟
ترف ببرود:العقد الي برقبتي اغلا العقود ويكفيني عن الف عقد وش ابي بعقدك انا؟
الجده:لان عينك في عقدي
ترف وقفة:انا عيني في عقدك؟
الجده بحده:ايه لا تمثلين دور البريئه
ترف طنشت الجده ترف:طيف هاتي جوالك
طيف مدت جوالها لترف:اتصلي قولي له ليش تاخر
شوق باستغراب؛مين؟
طيف:سلطان نبي نطلع معه السوق
شوق :بطلع معاكم مااخلي زوجي يروح بدوني
ترف خرجت من الصاله للغرفه الي جانب الصاله
تدق جواله بس مايرد مره ومرتين وثلاث مارد
ترف؛الله بلاني فيك بلوه
ترف تدق مره رد عليها صوت مو صوت سلطان
ذياب بتغير صوته يجسبها طيف:هلا
ترف باستغراب: سلطان؟
ذياب:لا ولد عمه
ترف:وين سلطان
ذياب:سلطان مشغول لحين
ترف:وين مشغول
ذياب بحزن:بعدين بتعرفين
سكر ذياب الخط
ترف:مهبول مثل ولد عمك
.
"عند ابو سلطان"
وصل المستشفى توجهه للممر الي قاله به ذياب
ابو سلطان شاف ذياب مسوي يدينه على وجهه
ابو سلطان:ذياب؟
ذياب رفع راسه بحزن:سلطان
ابو سلطان بخوف:وينه سلطان
ذياب ينزل راسه:جواء
ابو سلطان بصدمه:ذذذيابب سلطان وينه؟
ذياب:بين الحياه ولموت ياعم
ابو سلطان برجفه: وش صار على ولدي !!
ذياب بحزن:حارس زيد الكللب اطلق عليه الرصاص
ابو سلطان يبكي:ااااء وش سوا فيهم سلطان الله ياخدهم
ذياب بحزن: خلاص ياعم صل على النبي
ابو سلطان برجفه:سلطان ولدي الوحيد لا تفجعني بولدي ياذياب ؟
ذياب بحزن:ان شالله يكون بخير ياعم
ابو سلطان برجفه:ان شالله
.
"بيت ابو راكان"
قاعدين يسولفون
ريم حاطه يدها على خدها:امممممم جوعانه
راكان :وش رايك نطلع المطعم
ريم تفز؛جدد
راكان:ايه
مراد يوقف:طالع معاكم
ريم:ضف بوجهك انت
راكان:مراد مالك مكان بسيارتي
مراد معه كأس مويا صب المويا في راكان مراد؛لحين مالي مكان؟
راكان : الله يسامحك ليش تصب المويا فوقي
مراد:عشان تعرف منهو مراد
ركان:ممراد السياره كلها له اما ريم ماعاد تركب معانا
ريم:قصب عنك بروح البس عبايتي
راكان يضحك:يله وانت يامراد البس عبايتك
مراد:انا البس عبايه؟
راكان؛ليش في احد غيرك؟
مراد:انت الي تلبس عبايه مو انا
راكان:اقولك روح البس عبايتك
مراد:الحريم يلبسون عبايات وانت منهم
راكان يرميه علبة المناديل:عنبو وجهك انا حرمه؟
مراد يضحك ويركض لبرع:لا تنسى تلبس عبايتك
راكان يضحك:اهههههه حقيير
.
