⚠︎𝑇𝐻𝐸 𝑃𝑅𝐼𝑁𝐶𝐸 𝑂𝐹 𝐵𝐿𝑂𝑂𝐷⚠︎✔️

Part 1

SG= "බය නැතුව ඉන්න... මේ ඔයා ඉන්ටවිව් එකකට යන පලවෙනි වතාව නෙමෙයිනේ..

හරි මට දැන් කියන්නකෝ ඔයා ඔය බයවෙලා තියෙන්නේ මොකේටද කියලා.. "

JK= "ඔයා දන්නවානේ යුන්ගි . මම මොනම දේකටවත් බය නෑ කියලා . අවම මහසෝනා ආවත් මම බය නෑ .

ඒත් මට තියෙන ප්‍රශ්නේ මොනාටද හමුදාවෙන් මං වගේ කෙනෙකුට , ගෙදරට ඇවිත් ඉන්ටවිව් එකක් තියෙනවා , ඒකට එන්න කියලා කියන්නේ... හ්හ්හ් ... නෑ...නෑ..ඒක වෙන්න බෑ.. හැබැයි ඉතින්  වෙන්න බැරි කමකුත් නෑ.."

මම මටම කියාගත්තා.

SG= "ඇයි මොකද තනියම කියවන්නේ ?"

යුන්ගි මගෙන් ඇහුවා.

JK=  " අපි කරපු මංකොල්ලකෑම් වලට සාක්ශි හම්බවෙලාද දන්නේ නෑ."

මම කිව්වා.

SG= "අනේ මෝඩයෝ.. බය නැතුව ඉන්නවා.. අපි කරපු හොරකං වලට සාක්ශි හම්බුනානම් ඔයාට හමුදාවෙන් ඇවිත් ආදරෙන් ඉන්ටවිව් එකකට එන්න කියන්නේ නෑනේ . බිම දාගෙන ඇදං යනවා මිසක් ..

අනිත් එක එහෙම දෙයක් උනානම් කෙලින්ම ගෙදරට එන්නේ පොලීසියෙන්. මොකද අපි හමුදාව ගෙන්නන්න තරම් මොනාහරි බරපතල දෙයක් කලාද ? නෑ නේ.. නෑනේ .. "

යුන්ගි කිව්වා.

JK= "හැබැයි ඉතින් නෑ කියන්නත් බෑ යුන්ගි. ඇයි මතක නැද්ද ගිය සතියේ අපි කඩපු බැංකුවේ කේස් එක ?

අපි කොච්චර ලොකු පොල්ලක් තියලාද එතනින් පැනගත්තේ? බෑන්ක් ගාඩ් එකේ එක්කෙනෙක්ට  වෙඩිතියලා , තවත් දෙන්නෙක්ට ගැහුවා. ඒගොල්ලෝ තාම I.C.U  නේද? ඒක හැටියට හමුදාව නෙමෙයි.. රජයෙන් දාන්න ඕනේ රහස් පොලීසිය."

SG= "හ්හ්ම්ම්.. ඔයා කියන එකෙත් ඇත්තක් තියෙනවා . මොකක්හරි... ඒත් අපිට එතනින් බේරෙන්න පුලුවන් උනේ ඉතින් ඔයා හින්දා තමයි . හැමදාමත් අපි බේරෙන්නේ ඔයා නිසානේ "

කියලා යුන්ගි මහ හයියෙන් හිනාවෙන්න ගත්තා. 

JK= "හෝව්.. හෝව්.. පාර බලාගෙන එලවනවා මනුස්සයෝ.. හමුදාවට අහුවෙලා ජීවිතාන්තය දක්වා හිරේ ගියත් කමක් නෑ , මට දැන්ම එලොව යන්න ඕනේ නෑ."