المقدم

بارت 12

لا يبقى في الذاكرة سوى مانريد نسيانه.
........
مليارم: باچر اعقد عليج رودينا..

رودينا:.. سمعت كلامه حسيته مثل الصاعقه الي نزل عليه.. شش ششنو؟؟  شنو تعقد عليه؟

مليارم:  يعني اتزوجج شرعاً..

رودينا: شنو تتزوجني بكيفك انتَ تحجي!!! لو تموت ما اقبل ومحد يجبرني..

مليارم: لفترة مؤقته بس ع ما ارجعج للبيت..

رودينا: مستححيل! شنو لعبة اني بأيديكم لو تايهتلكم؟

مليارم: لا تتعبيني رودينا الله يخليج..

رودينا: انتَ تعرف شدتحجي؟؟؟ زواااج زواج مو لعبهه هذا. شنو اتزووجك ع اي اساسس؟؟؟  شخص غريب لا اعرفه ولا يعرفني فجأه تتغير الاقدار واصير زوجته!!!  وين صااايره.. اساساً ما ادريي شعندي باقيه وياك ليهسه!...-لزمت راسي مصدعه ما اريد استوعببب شي-مليارم افهمني الله يخليك غرررريب انتَ غررريب عليه.. غريييب.. شديت ع اخر كلمه.. ما مستوعبه الي يصير حياتي انقلبت رأساً على عقب بعد وفاة اهلي.. تدمرت اني تدمرررت..-طلع جكاره من جيبه وشغلها وصار يدخن كدامي وعيونه صارن حمر..- اخذني لأهلي..
حچيتها واحس الغصه  كتلتني ودموع عيوني ما نشفت..

مليارم: وين اخذج؟

رودينا:  لأهلي

مليارم: بالجنه ان شاءلله..

رودينا:  گوم اخذني.. يلا لو للبيت لو للنجف ما ابقى هنااا..

مليارم: و ليش يمه احنا نبزز؟

رودينا:  مليارم بلا سخافه.. توديني لو اني اروحح!!

مليارم: انتِ تجبرين الواحد يطلع عن طوره وتكليله بلا سخاافه..

رودينا: دخل لغرفتة وسد الباب متجاهل كلامي.. الدنيا فجر والنسمه حلوه تجي من شباك المطبخ  ... كعدت بالصاله واخذت كتبي وكعدت ادرس متناسيه كلشي.. كملت الي بقى عليه.. طلع ضوه الشمس.. مددت ايديه وتحركت تمشيت لباب المطبخ ردت اطلع اشم هوا.. الباب مينفتح.. مقفول بعدهة.. شربت مي ورجعت للصاله.. تمددت ع القنفه بدون غطا ومخده من التخم.. نمت بسرعه لأن حيلي راح.  ماكعدت الا ع صوت طكطكه بالمطبخ  .. حسيت بثكل عليه.. شفت نفسي مغطايه وبالكاع اكو دوشگ سفنج بصف القنفه الي نايمه عليها اني.. عرفته گاعد.. بقيت بفراشي ماريد ابلش يوم جديد.. تذكرت اليوم عقدنا.. ماريد ماريييد ولله مارييد.. اكيد راح انحبس وانحرم من كلشيي.. دمعت عيوني واني اتذكر حچاية ابويه..
-محد يلمس شعره من بنتي مادام اني اجر النفس  .
وينك بابا تعال شوف شصار بحالي.. من بيت لبيت وناس غربه دمعن عيوني وحسيت ع ايده تدغني بكتفي. 

مليارم: كافي تنشغ گومي تريگي..

رودينا: ما التفتت عليه سويت نفسي نايمه يمته نشغت اصلا ما بجيت.. لمست خدودي.. عزا شوكت بجيت؟  ..