الطَائر السجُين .

البارت الثالث

فاطمة:السلام عليكم بيبي
أساير:وعليكم السلام رجعتي من المدرسة
فاطمة:اي بيبي
أساير:وآيه وين
فاطمة:ها ايه ايه نايمه
أساير:تغديتي يوم؟
فاطمة :اي بيبي بس شمسوين
أساير:سمج وتمن احمر
فاطمة:يااا اضفريلي شعري بيبي واني هسه اصُب
أساير:امج وين
فاطمة؛امي فوك
أساير:شكاعد تسوي
فاطمة:نايمة
أساير:ولج ما ناويه ترجع الابوج
فاطمة:بيبي انسي ابويه ماريد ارجع يمه
أساير ؛لج هذا ابوج شون تكولين هيج مشاكل بينهم انتي شنو لج غرض بيهم
فاطمة؛بيبي تعبت
أساير:باستني من شعري
يلا كومي بيبي صبُي بين ما اروح اصيح احمد ومرتة واصَيح امچ
فاطمة:صار بيبي صار

سوزان؛الو
علي:الو سوزان شلونج
سوزان:بخير وانت
علي:بخير انا ،عساج
سوزان:مشتاقتلك
علي:مشتاقلج اكثر تدرين؟
سوزان:يابعد رموشي
علي :هل اسبوع بس انَزل من الدوام اخطبج !
سوزان:ها وشتكول الاهلي مين تعرفها شون وانت من غير منطقه وووو
علي:اش لتحجين بعدين نتفاهم

فاطمة صَارت دنيا ليل وطلعت بره كاعدة بلباب وصافنة

باز :يحَلو شعندك كاعد هنا
فاطمة:ها
باز:شدتسوين كاعده وحدج
فاطمة:ضايجة بعدين شعندك طالع
باز:متكولين النفسج اني طالع اشتري
ومو عندج دوام ليش متروحين تنامين
فاطمة:باز روح خل اكمل وراها اطب
باز؛تروحين تنامين لو هسه اخطفج او اخاف اخطفج وابتلي بيج
فاطمة:بويه حشاش هه هه باز روح منا لا احد يشوفك نوب يگلي ها تحبينه وعدج علاقه وياه واحنه فارغين
باز:دروحي شكد بطرانه
فاطمة:اشتريلي وياك
باز:ششتريلج
فاطمة:بكيفك
باز:اجه خالج امشي ركضي للبيت
فاطمة:صخام صخام صخاممممممم
واطكها ركضه واطب واعثر واوكع على راسي

احمد:شتسوين هنا
فاطمة؛ها خالو
احمد؛دمشي طبي انعل ابوج لابو حتى ابوج
فاطمة:طبيت وحسيت رچه بعقلي  من الوكعه
ورحت سبحت ومشطت شعري ونمت

ساعه 6:00
گعدت واني نعسانة ميتة نعاس

غسلت وبدلت
ورحت طلعت
امشي ووصَلت واول ما طبيت نلگفت مخالفة

ست أيات:هاي شلابسه يمه
فاطمة:شلابسه؟
ست أيات :اني داسئلج شلابسة؟
فاطمة:ملابس مدرسه
ست أيات؛اكتشفتي الذره؟
فاطمة؛شنو ست
ست أيات:لابسه احمر عيني وين چايه عرس حفلة
فاطمة:يا ست نسيت
ست أيات؛شنسيتي هذا لبس طالبه؟انقص من سلوكج
فاطمة؛ست ترا مسويت جريمه لابسه احمر بعدين باردة اجي ملابسه واموت برد واتمرض وراها ما اداوم سبوع وتفوتني الدروس
ست تغريد:ههههههههه لوتية يلا طبي بعد لتلبسين هيج
ست أيات:متطب
ست تغريد:ست فدوه الگلبج الخاطري خل تفوت هيه امتحانات وبس هلفتره يدامون
ست أيات:هاي الخاطرج
يلا فوتي واذا بعد لبستي هيج تجيبين ابوج
فاطمة:حجيت بگلبي والله يالله لوتدري ابويه شلون مهتملي
طبيت واخذنه الدرس الاول رياضيات وكعدت اخر رحله حتى مكعدت يم صديقاتي