#الدكتوره و الصيدلاني ##

بارت ثالث

فرح... لحكولي مجتبى مادري شبي وكع

دخلو كلهم عليه وراحو علي شالو وحطو ع جربايه
واخو مسلم كال انو ضغطه نازل

مسلم.. صاحت فرح الحكولي ودخلنه كلنه عليهه وشفنه مجتبى مدد ع الارض امي كامت تصيح وتبجي هيه وريان حتى ماشفت دربي الا لمن صحت بيهن يله سكتن شلته اني وعلي وحطينا ع جربايه قست ضغطه طلع مرتفع نطيته دواه لان هوه عنده ضغط ورشيت ماي ع وجه بده يصحصح اول ماشاف فرح رجع يصيح نحاول نهدي بي بس علمود مايرتفع ضغطه اكثر خذته ليان وطلعو من الغرفه نحاول نفهم منه شي بس مايقبل يحجي بس نريده ينطق كلمه حتى نعرف سبب خلافهم بس ماطلع حرف واحد غير انه راح اطلكه ماخليه عندي وحده خاينه شوي واجت فرح

فرح... من شافني مجتبى ضل يصيح اجت ليان خذتني لغرقته وانه بس ابجي هوايه سالتني بس ماجاوبت شويه بعد ماتحملت اسكت عن حقي فتحت الباب ورحت ع غرفتي شافني راد يصيح بوجهي كبل كتله.. شوف انه مامجبوره ابررلك على شي انه ماسويته اذا تريد صدك صدك واذا ماتريد انه مايهمني طلكني بس ولله اذا اكتشفت انو انته غلطان تحلم ارجعلك واصلا انه بعد ماضل يم واحد يشك بيه..

مجتبى بصياح.. انه ماشكيت بيج اجتني صور ومحادثات شترديني اسكت وانه اشوف مرتي بحضن رجال

حجاها وكض راسه كبل ركضوله وكعدوه حجت فرح وطلعت

فرح... مجتبى انه راح اضل هنا بس علما تكتشف انته غلطان بس من تكتشف ماتعرف اي ساعه ودقيقه اختفي من نضرك كلش لان انه عندي كرامه ماضل يم واحد يشك بيه...
حجت هذا الكلام وطلعت راحت لغرفت ليان تبجي بعده حاولنه نهدي وطلعنا بهاي ليله نام مجتبى بالاستقبال وفرح بالغرفه......

زهراء
.........
كعدت ساعه 5 على تلفوني يدك باوعت مكتوب دكتور ايهم نصدمت هذا ليش ديدك عليه بهليل
مارديت عليه حطيت نقال صامت سمعت صوت الاذان كمت صليت شفته بعد وكت رجعت ع سريري كلبت بالنقال الى انه شفته ب6كمت سبحت وبدلت ورحت ع مستشفى بد حطيت رجلي بالمستشفى طلع كدامي دكتور ايهم

ايهم.... ليش مارديتي عليه من تصلت عليج

زهراء... دكتور اول شي انته منو سمحلك تتصل عليه بليل وبهذا الوكت ثانيا رجاءا غير الشغل بيني وبينك ماكو شي تمام

ايهم... زهراء انتي ليش ماجاي صدكين انو انه اخبج ولله احبج وشاريج لو اريد الهب عليج ماتوسل بيج علمود اجي اخطبج

زهراء... دكتور صدكني لاانته ولا غيرك انه مامفكره ازوج وشايله فكرة زواج من بالي

ايهم... زين ما نزوج بي اخطبج حتى صيرين باسمي
ومحد يتقرب منج

زهراء... دكتور شنو اصير باسمك دكتور وخر من كدامي رجاءا لا احد يشوفنا ويفهم غلط رجاءا

ايهم... راح يجي يوم وتحبيني ونزوج وماراح اقبل لاي شخص يتقربلج فاهمه

زهراء.... دكتور اذا ماريد ازوجك محد يجبرني فاهم

عفته ومشيت مريت من غرفة المدير بعد ماكدرت اتحمل دكيت الباب وصلني صوت تفضل

زهراء.... مرحبا دكتور

المدير.. اهلا زهراء

زهراء... دكتور اريد اقدم شكوه ع دكتور ايهم هوايه ديعترض طريقي

المدير.. شلون ديعترض طريقج

زهراء.... دكتور ديتصل عليه بنص اليل وهواي اكو مواقف صارت رجاءا ماريد شي بس اتمنه تحاجي وتخلي يوخر من طريقي واذا ضل هيج الوضع انه انقل

المدير... لا دكتوره ولا يهمج جم زهراء عدنه

زهراء ابتسمت مجامله.... شكرا دكتور

المدير... العفو

كلعاده ورحت باشرت بدوامي وجانت عندي اليوم عمليه كملتهه وماصدكت خلص الدوام ورجعت ع البيت ورتاحيت وياريتني ضاله بالمستشفى ولا راجعه ع البيت.....

مسلم
.........
من شفت الوضع متأزم هيج باوعت ع الساعه ب 6 انه منايم دايخ تصلت ع المدير وطلبت اجازه وحجيتله وضعي والحمداله تفهم ونطاني اجازه سديت الاتصال وركض ع غرفتي ذبيت روحي ونمت ورتاحيت ماحست الا من امي. كعدتني وتكلي

ميسون... يمه مسلم شنو اليوم ماناوي تكعد

مسلم... ليش يمه بيس الساعه

ميسون.. يمه صارت 12 الضهر

مسلم... هسه يمه كايم

ميسون... يله يمه لا تتأخر تره راح نصب الاكل

مسلم... تمام يمه كمت. سبحت وصليت ونزلت تغدينه ومر يومي عادي ال ان العثصر يمعنه دكت الباب قويه الكل فز ركض اخوي علي علباب وجا اكو مره ورجال يصيحون..............

_______________________
الاهنا وينتهي البارت نشالله يعجبكم

وشتكولن منو ذولي الي اجو ع بيت مسلم.؟

يله حبايبي باي ❤