مشات رحاب مع الصالحة اي كانت كتوريها كولشي ف لقصر و كتعلمها كل حاجا ...كانت كتسمع و تركز و مع دماغها خفيف دغيا تعلمات...خداتها لبيتها باش صباح تفيق بكري و تبدا خدمتها....صبح صباح جديد ...و هي اصلا مانعساتش ليل كاملو بتفكير ...ناضت بقات حوايج الخدمة و لبساتهم...خرجات و توجهات للكوزينة لقات الخدامات كيفطرو غير شافوها بداو كيتغامزو عليها ...لمحاتها الصالحة و نادات ليها ...
الصالحة: رحاب دوزي تفطري بالخف باش تجمعي بيت ميسيو غمار
رحاب : واخا الالة...
... مشات جلسات حداها و كتاكل بشوية و الصالحة كتشوف فيها كيما كاع الخدامات...كيشوفو هاد الزوينة لي جايا لتمارة برجليها و صغيورة و ماتستاهلش...نطقات الصالحة مرة اخرى موجهة كلامها لرحاب
الصالحة: رحاب علاش ماجمعتيش شعرك
رحاب :(بتوتر ) سمحيلي الالة مكنعرفش نجمعو واخا ضفريه ليا ؟؟
الصالحة : اجي
....ناضت عندها رحاب و ضارت عندها ضفراتو ليها و شكراتها ...
الصالحة: سيري جمعي بيت سيدك غمار و اجي باش تاخديلو لفطور
رحاب : (بلعات ريقها ) واش هو فالبيت ؟؟
الصالحة : غالبا ايكون خرج يدير السبور غير سيري
رحاب : واخا
....مشات رحاب للبيت لي كانت ديجا وراتوليها الصالحة...و بقاو الخدامات كيهضرو
منيرة: مدام الصالحة شكون هاد البنت و علاش هي لي مسؤولة على بيت ميسيو غمار
كريمة: واييه بانتلي خفيفة و اتجيبها ف راسها سيدي غمار مكيبغيش ضسارات ان شاء الله اجري عليها
الصالحة: على اساس نتوما لي طفرتوه ... ياك كنت نصيفطكم و كنتو ديرو الخدمة ناقصة و يجي يحيح عليا حتى كان ايجري علينا جملة كون ما سي محمد لي تدخل كنا على شوية نسعاو ف زناقي
منيرة : ولكن الالة راه هاد نوع باين باغي غير يلسق
الصالحة: ماشي شغلكم انا دير ليا غير خدمتها مقادة و ضبر محاينها و مانعاااودش نسمع هاد الهضرة و البنت فوتوها عليكم ....
....ناضو كاملهم لخدمتهم من بعد ما سمعو الهضرة على قلبهم ...فهاد الاثناء كانت رحاب وصلات ل بيت و دخلات بشوية ...قالت تبدا من دريسينغ لي فيه لبلاكارات و ترجع للحمام عاد تمشي لبيت نعاس ...دخلات للحمام هو لول جمعاتو و قاداتو و ستفات كولشي بلاصتو و مسحات لمرايات...و سيقاتو تسخسخات مزيان و لكن ماقالت لا اح لا عييت...خرجات و مشات لدريسينغ ستفات كل حاجا بلاصتها و جلسات شوية ترتاح ...بدا كيجيها نعاس و عينيها كيتغمضو...دخلات فوسط لبلاكار و من مور لحوايج لمعلقين و قالت ترتاح شوية ...ماحسات براسها غير حتى نعسات....
فاق غمار كيتقلب ف بلاصتو صوناليه تيليفون مع تسعود و ناض ...كيتنفس ب جهد و عضلات جسمو كيتقلصو و يتنفخو...شعرو مخربق على وجهو و طايرة ليه على صباح ...جبد كارو يرد بيه لمزاج...و طفاه و ناض لحمام ...دخل لقاه مستف و متيول و بقا كيضور ف عينيه ...رتاح نسبيا و دخل دوش جبد فوطة لوالا على نصو و خرج معيط ف تيليفون ...
غمار : الصالحة...طلعي لفطور ...
ماخلاهاش دوي و قطع عليها ...مشا لدريسينغ ...بقا كيضور وجهو لقا حوايجو و سوايعو و صبابطو و اي حاجا متعلقة بيه مستفة على حسب الالوان و النوع...استغرب حيت كان مخلي كولشي مخربق تقريبا ...هز فوطة اخرى كينشف ف شعرو و حل البلاكار و بدا يدوز بين العلاقات حتى لمحها فوسط حوايجو ناعسة و معوجة راسها و طالقة يديها ...
__________
...بقا كيشوف فيها مدة ...و نزل لعندها قرب وجهو على وجهو...من ملامحها باينة صغيرة ...و طايتها لي كانت رقيقة باين عليها حتى لعيا ...هز شعرها طويل بين يديه كيشوف اللون أكاجو لي كيعجبو...بقا كيطلع فيها و يهبط عمرو شافها بين الخدم ...ناض و حط يديه على كتفها كيزعزعها
غمار: اشريفة...هيييه اتبقاي ناااعسة ليا هنا (توسدات يدو و ضماتها عندها)
رحاب: عفاك خالتي هنية خليني نعس
غمار : خالتك الضاوية هااادي (غوت بنبرة حادة) تهزيييييي ازبل اشهااااااد نعااااااس
....ناضت قافزة ضربها الكادر ديال البلاكار و قلبها كيزدح...شافت فيه و هي كترجف كاع ذكريات ديك الليلة رجعو ليها و بداو عينيها كيتغرغرو...حنات عندو بين رجليه و هي كترغبو و تبكي
رحاب : عفاك اخالو ماضربنيش...(كترجف و عضات لسانها) بغيت نقول اسيدي ماضربنيش ماقصدتش نعس غير عييت ...انا راه جمعت الحمام و حوايجك بقالي غير بيتك (كترجاه بعينيها الزرقاوتين و هي كتبكي ) ماتجريش عليا و الله حتى نجيب ليك لفطور و مانبقاش نعاود ...عفاك
غمار :(بقا كيشوف فيها مدة طويلة و هو مستغرب منها و هضر بنبرة هادئة ) خرجي سيري لخدمتك
رحاب : واخا اسيدي ...
...خرجات بسرعة مشات لبيتو جمعاتو قبل مايخرج عندها ...حلات الستائر و هوات البيت ...و هبطات ب سرعة طلعات لفطور و دخلاتو ستفاتو فوق الطبلة ووقفات كتسنى و هي كتموت بالخلعة ... خرج من دريسينغ لابس حوايجو طقم اسود مهيب...شافها واقفة و حانية راس و حداها طبلة ديال لفطور و جلس ...
غمار: خوي قهوة كحلة ...
...بدات كتخوي قهوة كحلة ف الفنجان..و مداتو ليه و هي كترجف...لاحظ رجفتها و كون ماشدش لفنجان دغيا كانت اتخويه عليه
رحاب : سمحلي ...
غمار :(ماداهاش فيها كياكل ف صمت و هي واقفة عليه كتمد ليه لي بغا ...من عادتو ماعزيزش عليه شيواحد من الخدم يوقف عليه ) نتي جديدة هنا ؟
رحاب : اه اسيدي
غمار: ماعلموكش بلي مكنحملش شيواحد يدخل عندي و انا باقي ناعس ؟
رحاب : (بصوت باكي ) قالو ليا خرجتي
غمار : شنو سميتك ؟
رحاب : رحاب
غمار :(كيشوف فيها بتدقيق) كتباني صغيرة ارحاب
رحاب : عندي 16 ...
غمار : 16 ??? يعني مينورة
رحاب :(طلعات فيه عينيه مافهماتوش غير حالة فمها )
غمار : (عرفها مافهماتوش) قاصر
رحاب : (حركات راسها ب اه )
غمار: انا مكيخدموش عندي القاصرات...
رحاب : و لكن اسيدي انا ماعندي فين نمشي ...بغيت غير نخدم صافي ...و الله مانعاود ندير شي خطأ (طاحت دمعة من عينيها ) ماتجريش عليا ...
غمار : واش عارفة راسك شنو كتقولي و كيفاش كتهضري ...باقا برهوشة و هضرة جوج كدمعي
رحاب :(كتشوف فيه ب ترجي)
غمار :(تنهد ) الخدمة راه صعيبة عليك
رحاب : لا انا راه مكنديرش شيحاجا صعيبة بحال لوخرين ... انا قالولي نتكلف ب اي حاجا كتخصك
_______
غمار :(ابتاسم ابتسامة خفيفة و هو كيرشف قهوتو) عطاوك اصعب خدمة ...
رحاب : كيفاش ...
غمار :(ناض ) ماعزيزش عليا كثرة لهضرة ...لي قلتهالك ديريها...بلا زيادة و بلا نقصان و مكنبغيش الاغلاط...
رحاب: واخا اسيدي غمار ...
...خرج غمار و هي بقات متبعة ليه العين و مبتاسمة و حاطة يدها على كرشها
رحاب : طلع باباك ظريف...ياربي يبقا هاكا ...
....داز داك النهار عادي... كانت غير فلقصر كتقاد الاغراض ديال غمار حتى جا فالعشية و طلع و تبعاتو حيد قميجتو و هي شداتها و سدات عينيها حشمات ... شافها ب نص عين و نطق
غمار : وجدتي لحمام ؟
رحاب : كولشي واجد ...
غمار : حطي الحوايج بلاصتهم و ماتخرجيش حتى نخرج من دوش ...
رحاب : واخا اسيدي
...دارت كيما قال ليها و خرج مشا لدريسينغ...لبس حوايجو و جبد لمجر لي وصاها تحط فيه الساعة و مالقاش لفلوس لي حاط تماك و عيط ليها
غمار : رحااااب اجي
رحاب : نعام اسيدي
غمار : فين لفلوس لي كنت حاط هنا ؟
رحاب : (بتساؤل ) ماشفت حتى فلوس اسيدي ...
غمار : كنت حاط فلوس هنا ...الى هزيتيهم رجعيهم لبلاصتهم
رحاب : و لكن راه ماهزيت حتى فلوس اسيدي ...
غمار : لفلوس كانو محطوطين هنااا... ماعنديش مشكل تاخديهم و لكن سرقة مكتعجبنيش...(جبد مجر اخر و هو يشوف لفلوس )
رحاب : سيدي راه والله ماخديت شيحاجا...
غمار :(تنهد ) صافي غير خرجي ...(خرجات) امم يدها ماخفيفاش
...خرجات رحاب و هو خرج من موراها و مد ليها لفلوس ...
غمار : هاك ...
رحاب : مابغيتش
غمار : الى عطيتك شيحاجا شديها...
رحاب :(بلعات ريقها) مامحتاجاهمش ماعندي لاش ناخدهم...(شافت فيه ب عينين مدمعين) كنت بغيتهم فواحد الوقت اخرى ...دابا لا ...الى ماكنتي باغي مني حتى حاجا نقدر نمشي ؟
...ماخلاتوش حتى يجاوبها و خرجات و هو باقي مادد يدو...كمش لفلوس و رماهم ف الارض
غمار : خدامة و بنفسها...فشوش لبراهش داكشي لي بقالي ...
...صبح صباح جديد كانت يالاه خارجة من بيتها و شافت غمار باغي يركب فطوموبيلتو و هي توقف عليه شداتلو من دراعو...شافوها لفيدورات و الخدم و شهقو و الصالحة كانت اتعواج بلاصتها...كولشي بدا يقول الله ارحمها...ضار لعندها ب ثقالة...مطرطق فيها عينيه
رحاب : ماتمشيش اسيدي حتى تفطر ماكليتي والو ...هانتا الى مابغيتيش تفطر انقاد ليك سندويتش دغيا دغيا كولو ف طريق
غمار : (باقي مطرطق فيها عينيه و كيقول مع بالو واش منيتها هادي شوية بشوية بدا كيضحك ب هستيرية) هههههههههههه و ديريلي فيه الزبدة و كونفتير
رحاب : صافي ؟؟ تبغي نحط ليك ف طيرموس ديالك القهوة ؟
...بقا كيضحك بلا توقف و كولشي معجب منو عمرو فحياتو ضحك ب ديك الطريقة و هي غير كتشوف فيه ...حيد يدو من يدها بشوية و نطق
غمار: عندي اجتماع ...غادي نفطر تماك ...
رحاب : حلف
غمار :(طلع حاجبو) رحاب راك عطلتيني...باراكا من تبرهيش
رحاب : سمحلي اسيدي انا غير خفتك ماتاكلش...
غمار :(باستهزاء ) يالاه معايا تأكدي
رحاب :(بفرح) بصح اسيدي اتديني معاك ؟؟؟
غمار: (ضحكاتو تاني و نطق ) سيري بدلي حوايجك ماتعطليش
أنت تقرأ
حبلى (كاملة)
Short Storyغلطتها الوحيدة أنها حملت في أحشائها ابنه. وغلطته الوحيدة انه نسي قتلها. والقدر جعلهم يلتقون مجددا ليصححو أخطاءهم. حبلى بقلم سكينة سليماني حصريا في واتباد على قلم لاذع
