TRICK ✔

6ခု

6ခု
Uni

လူတိုင်းမှာမမှတ်မိချင်တော့တဲ့အတိတ်ဆိုးတွေနဲ့ဖုံးကွယ်ထားချင်တဲ့လျို့ဝှက်ချက်တွေရှိတတ်ကြတယ်။အမှောင်ခန်းမှာပိတ်မိနေသရွေ့အလင်းတန်းကိုဘယ်မြင်နိုင်ပါတော့မလဲ..

****

ပိတ်ပိတ်ပိန်းအောင်မှောင်မည်းနေတဲ့အခန်းထဲအလင်းဟူ၍ခေါင်မိုးကတစ်ပေါက်ထဲသောအပေါက်ငယ်ကနေဖြာကျနေသည့်အလင်းသာရှိသည်။နံရံထောင့်မှာဒဏ်ရာအလိမ်းလိမ်းနဲ့နာကျင်မှုကြောင့်ညည်းညူသံကခပ်စိပ်စိပ်ထွက်ပေါ်နေသည်။ဆာလောင်နေတဲ့ဗိုက်ကမခံမရပ်နိုင်အောင်ထိုးအောင့်နေတာမလို့အစာအိမ်ရဲ့ဒုက္ခဝေဒနါကိုအံကြိတ်တင်းခံနေရတယ်။မြေပေါ်ကတစ်စွန်းတစ်စကျကျန်နေတဲ့မုန့်အပိုင်းအစတွေကိုအသဲအသန်ရှာဖွေပြီးပေါက်ပြဲနေတဲ့လက်သေးသေးလေးတွေဖြင့်ကောက်ယူပြီးပါးစပ်ထဲသိပ်သွင်းတော့သည်။

သဲမှုန်တွေကပါးစပ်ထဲဝင်လာတာကိုမထွေးထုတ်မိသလိုအရသာလဲမခံနိုင်တော့ပါ။ဒီအခန်းထဲမှာဘယ်ချိန်ထိပိတ်လှောင်ခံထားရမလဲမသိ။မိဘမဲ့တစ်ကောင်ကြွက်လူမှန်းသိတတ်စအရွယ်ထဲကလမ်းပေါ်မှာပဲကြီးပြင်းလာခဲ့ပြီးတွေ့ရာနေရာချောင်ကျိုချောင်ကြားတွေမှာအိပ်သည်။အရွယ်နဲ့မလိုက်အောင်ဒုက္ခမျိုးစုံကိုခံရတယ်။

ဗိုက်ဆာလာရင်လုယက်တယ်။အိပ်ချင်ရင်လဲလက်ဘေးပလက်ဖောင်းပါမကျန်ထိုးအိပ်တယ်။ဒီလိုဘဝနဲ့ရှင်သန်လာခဲ့တဲ့သူ့ကိုလူတစ်ချို့ကဖမ်းခေါ်လာပြီးဒီဘာမှန်းမသိတဲ့အခန်းထဲထည့်ပိတ်ထားကြသည်။အပြင်လောကကိုဘာမှန်းမသိရလောက်အောင်အဆက်အသွယ်ပြတ်ပြီးဒီထဲပိတ်ထားတာ၂နှစ်ကျော်ရှိပြီ။ခုသူ့အသက်က၁၂နှစ်ရှိပြီဖြစ်သည်။သူ့မှာမိသားစုမရှိဘူးသူငယ်ချင်းဆိုတာလဲဘာမှန်းမသိဘူးနောက်ဆုံးသူ့မှာနာမည်လေးတစ်ခုတောင်ရှိမနေပါ။

ကျွီ~~

ထုထည်ကြီးမားလှတဲ့သံတံခါးကြီးပွင့်သွားခြင်းနဲ့အတူအခန်းထဲလူကြီးလူကောင်းပုံစံနဲ့လူတစ်ယောက်ရယ်အနောက်ကတပည့်ဖြစ်ဟန်တူတဲ့လူသုံးယောက်ရယ်ထို့နောက်ကြိုးတုတ်ထားတဲ့လူရယ်ဝင်လာကြသည်။လူကြီးလူကောင်းကသူ့ရှေ့မှာရပ်တော့မော့ကြည့်နေမိတယ်။