4ခု
Uni
"ပေါက်ဆီပူပူနွေးနွေးတွေရမယ်နော်..ပေါက်ဆီပူပူနွေးနွေတွေရမယ်..စျေးတန်ပြီးအရမ်းစားကောင်းတဲ့ပေါက်ဆီပူပူတွေပါ"
လူစည်ကားတဲ့စျေးတန်းလေးထဲကုန်မျိုးစုံဆိုင်တွေအစားအသောက်မျိုးစုံဆိုင်တွေနဲ့အသံပေါင်းမြောက်များစွာကြားရသည်။သူတို့ဆီလာဝယ်အောင်ကုန်မျိုးစုံတွေရဲ့အရည်အသွေးဘယ်လောက်ကောင်းမွန်ကြောင်းရွန်းရွန်းဝေအောင်ပြောနေကြသည်။
အငွေ့တထောင်းထောင်းနဲ့မွှေးလွန်းလှသည့်အသားလွတ်ပေါက်ဆီတွေတင်ထားသည့်ဆိုင်ရှေ့မှာရပ်လိုက်သည်။ဆိုင်ရှင်မိန်းကလေးကသူ့ကိုတွေ့တော့မျက်လုံးတွေကစိန်တုံးတွေလိုပြိုးပြိုးပျက်ပျက်တောက်ပလာခဲ့သည်။ဝမ်းသာအားရဖြစ်နေဟန်နှင့်သူလာမှာကိုကြိုသိနေသည့်အတိုင်းပင်။
"ရှင်လာပြီးလား..ထုံးစံအတိုင်းပေါက်ဆီနှစ်လုံးပဲမလား"
ဆိုင်မှာနေ့တိုင်းလာဝယ်နေတဲ့ဒီခပ်ချောချောကောင်လေးကဖောက်သည်လိုဖြစ်နေပါပြီ။အမြဲတမ်းဦးထုတ်ကြီးကမျက်နှာကိုသဲသဲကွဲကွဲမမြင်ရအောင်ဆောင်းထားပြီးစကားလဲအလွန်နည်းသည်။ဆယ်ခွန်းပြောမှတစ်ခွန်းပြန်ပြောချင်မှပြောတယ်။ဘယ်လိုပဲဖြစ်ဖြစ်ဒီမာနကြီးသလိုလိုအေးစက်စက်ကောင်ချောလေးကိုစော်လျန်အလွန်သဘောကျမိပါသည်။
"ပေါက်ဆီနှစ်လုံးပဲလား..ဖောက်သည်မလို့အပိုသုံးလုံးထည့်ပေးလိုက်မယ်နော် ဟီးဟီး ကျေးဇုတင်စရာမလိုပါဘူး"
"မလိုဘူး.."
"ဟင်"
"နှစ်လုံးပဲထည့်"
"ရပါတယ်.အားနာစရာမလိုပါဘူးဒီလူနဲ့ဒီလူအားနာစရာမှမဟုတ်တာ ထည့်ပေးလိုက်မယ်နော်"
"........"
"ရှင်ကကျွန်မပေါက်ဆီကိုနေ့တိုင်းစား အယ်လေ ကျွန်မဆိုင်ကပေါက်ဆီကိုနေ့တိုင်းဝယ်စားနေတာအရသာရှိလို့မလား"
"မဟုတ်ဘူး.."
"မဟုတ်ဘူး?ဒါဆိုဘာလို့များလဲ"
"စျေးပေါလို့"
စော်လျန်ရဲ့ပေါက်ဆီထုတ်ကိုချည်နေတဲ့လက်တွေကရပ်သွားပြီးရှေ့ကကောင်ချောလေးကိုနာကျင်စွာပြုံးပြလိုက်တယ်။ရပါတယ်..ပေါက်ဆီကအရေးမကြီးဘူးအဓိကဒီလူချောလေးကိုနေ့တိုင်းမြင်ရဖို့ပဲ။ပေါက်ဆီငါးလုံးထည့်နေတာမပြီးတော့တဲ့အပြင်ဆံပင်ကိုလှလှပပသပ်တင်ပြီးကောင်ချောလေးကိုချိုသာစွာပြုံးပြလိုက်တယ်။
YOU ARE READING
TRICK ✔
Fiksi Penggemarမျက်လှည့်ကမှော်ပညာလား.. မ်က္လွည့္ကေမွာ္ပညာလား.. coverphoto credit #nighttoy95 #Hongkong style
