حبيت 2 و صعب عليا الخيار

بارت1

قصتي بدات النهار اللخر تاع رمضان ومع اجتماع العائلة في دار جدي وجداتي باش يلحقو للعيد الصغير🔥😍
انا طفلة وسمني ياسمين عندي 17 عام قصيرة شويا وشعري كحل طويل وبيضة وعينيا عسليين وشابة الحمد الله وعندي خويا في عمرو 20 اسمو وليد
لافامي تاعي كبيرة وعندي وحدة خالتي عندها 5 دراري وواحد من بينهم اسمو ايمن هو 3 تاعها تسما كاين اللي كبر عليه في عمرو 18 سنة بصح واش يهبل شعرو رايح للصفر و يدير السبور ورجل بمعنى الكلمة وعيناه عسليين خوضر شوي

المهم فلنهار اللخر تاع رمضان مبعد لفطور كانو لافامي يقارعو وينتا العيد بعتتني خالتي عند وليدها ايمن باش نعيطلو سحقتو ايا انا كنت لابسة جلابة تاع دار وطالقة شعري طويل وكحل وبليغة عادي طقدقت الباب ودخلت عليه كان يتفرج في فيلم ويدير في حوايج مشي ملاح شافني بلي دخلت انا كي شفتو تشوكيت 😳😳وغلقت الباب وبقيت واقفة في بلاصتي متجمدة سمعتو ناض من بلاصتو وجا فتح الباب قالي ياسمين راكي هنا؟وكان فرحان، قالي سمحيلي ماسمعتكش و ماسمعتش التدقديق🤷🏻 ايه وعلاه جيتي عندي؟ ولا راكي جاية تقصري؟ مانكذبش عجبني الحال بصح انا قلتلو لالا جيت نعيطلك ماماك بعتتني ليك 🙄 قالي ايه مالا اني جاي ، وفجأة لقيتو شدني من يدي ودخلني لبيتو وغلق الباب قالي ارواحي تشوفي وحد الفيلم خرج جديد يهبل
قلتلو على واش يحكي، 
قالي:  الفيلم يحكي على وحدة زلة كانت تروح دار خالتها وكانو عندها ولادها وهاد الطفلة طاحت فيهم في زوج في نفس الوقت وحارت شكون تخير بينهم

قاللي مزالني ماكملتو ايدا تجي عندي لعشية نكملو نتفرجو كيف كيف؟
قلتلو لالا يتوسوسولنا لافامي وراك  تعرف حتا لقيتو يضحك ويقولي ياك مابيناتناش تربينا كيف كيف علاه يتوسوسو وزيد يماك ويما عندهم عقلية تاع الڨاوريين مايحطو والو في بالهم
صراحة قنعني بهدرتو وكنت حابة نتفرج هداك الفيلم
خرجنا من البيت كيف كيف و شافنا خوه الكبير
خزر فينا من فوق لتحت تنهد وراح
مافهمتش علاه دار هكاك بصح انا كنت متحمسة باش نتفرج مع ايمن
رحت عاونت ماما و خوالاتي في العشاء و حطينا الطابلة وقعدنا فطرنا و وقت جيت نهز معاهم الطابلة منين كلينا
باسكو خلصنا طاحلي السكر و زلق من يدي طبسي
تكسر و ماما ناضت تضارب معايا على جالتو وانا صح كنت مقلقة و زعفت منها 
طلعت للسطح باه نقعد وحدي وكانت غايضتني كنت نبكي وزيد تجرحت يدي ماحسيتش
قعدت نتفرج من السطح ودموعي على خدي حتى سمعت صوت مألوف يهدر
:  علاه طلعتي هنا وحدك؟ اهبطي مع لافامي وعلاه راكي تبكي؟ احكيلي وشبيك
دورت نشوف شكون كان يهدر ولقيت خو ايمن اييه خوه،
خوه اللي اسمو زاكي و كبر من ايمن بعامين في عمرو 20
مسحت دموعي بلخف وقتلي مآه مانيش نبكي وكانت فيا الشهقة
قعدت يضحك ومبعد فجأة تبدلو التعابير تاع وجهو وقرب مني و رفد يدي قالي واشبيها يدك راهي تسيل بالدم،  كان باين خايف
قالي احكيلي وشبيك وش صرالك!! وكان يعيط
انا طرطقت نبكي وحكيتلو وش صرا
ناض مسحلي دموعي وقالي استنايني هنا دوك نجي
قعدت نستنا وانا نشهق حتا لقيتو جاء في يدو معقم و ضمادات تاع جروح
قلتلو لالا والله ماتحطهملي نتا، وكنت صح حشمانة منو
قالي هاتي يدك خليناا،  نتي راكي تشوفي فلدم و راكي تستهتري
حطلي الدواء فوق الجرحة وحرقتني قالي ياك معليش؟  ومبعد قالي اتحملي دقيقة برك
دارلي بوندا في يدي وقعد قدامي شعل ڨارو وقاعد يتكيف
انا حسيت على روحي بلي ماهيش بلاصتي هنا و استدركت وين راني
قلتلو ميرسي على الجاست اللي درتهولي بصح خاصني نهبط انا دوكا
نحيتلو الڨارو من فمو و عفستو قلتلو مراهوش مليح ليك وتبسمتلو وهبطت

رحت لبيتي قعدت نقلب فلتيليفون ومتحمسة للعيد غدا من داك حتى شفت بلي لحقت 1 قلت هداك هو نرقد ونصبح نوض بكري

شفت ميساج وصلني من نيميرو مانعرفوش
استغربت دخلت نشوف
لقيت.....................

خلاص البارت ماتنساوش تحطو النجمة 💋✨