ع الاقل هاليوم بس لين يأخذ ريم من الروضه
،
لجين كانت ترتب مكتبها ورفعت راسها شافت مكتب ليان فاضي وتاففت بضيق ماتعرف احد بالروضه غيرها لما بدت تسولف معها وتتقرب لها وتتعرف عليها راحت ، قطع تفكيرها صوت الباب ولفت شافت فوز دخلت وقامت بسرعه
لجين:اهلين استاذه
فوز ناظرت لمكتب ليان ورجعت ناظرت للجين
فوز:ماجت هذي؟
لجين بااستغراب:لا ماراح تجي
فوز:معك رقمها؟
لجين:ايه
فوز اخذت نفس: اتصلي عليها خليها تجي ، لاتجيب لنا مصايب ع روسنا
لجين بصدمه تناظر لها
وفوز لفت وطلعت ولجين ابتسمت من استوعبت واخذت جوالها بسرعه واتصلت ، شوي ورد عليها صوت ليان
ليان:هلا
لجين: البشاره ، فوز تقول اتصلي عليها تجي
ليان بضحكه:اي بشاره وش فيك لجين؟ انا اللي تاركه الشغل مو هي طردتني عشان تفرحين باللي قالته
لجين:تمام بس يلا تعالي
ليان:لجين عمري مو ناقصه افهمك بعد ، ماراح ارجع نقطه ، يلا مع السلامه عمري بنام
لجين همست: طيب
وسكرت ومنكسر خاطرها وقامت طلعت من المكتب ونزلت ومشت لمكتب المديره ودخلت
لجين:اتصلت
فوز:بتجي؟
لجين حركت راسها بـ لا
فوز ميلت فمها وماردت وطلعت لجين ووقفها صوت فوز
فوز:ادمجي مجموعتك مع مجموعتها لين نلقى لنا حل
لجين:تمام
ومشت وفوز توترت حست ليان بتجيب ع راسها مصيبه
دخلت لجين ع مجموعه ليان ومعها الصغار من مجموعتها وجلستهم مع بعض
لجين باابتسامه:وصرت مدرستكم كلكم
بنت صغيره من مجموعه ليان ردت:وليان وين ؟
لجين بضحكه:ليان خلاص بتروح لروضه ثانيه
الصغار : لااااااا
لجين ارتبكت وهي تشوف ملامحهم تتغير وضحكت
لجين:يلا نلعب؟
وماتكلموا وماتفاعلوا معها ولجين ابتسمت:تبونا نشغل اناشيد؟
وحده من الصغار:لا نبي ليييان مو انتي نبي ليان
ووحده ثانيه بدت تبكي
لجين ارتبكت اكثر ما تدري اشلون تتصرف كانت ليان تنقذها بهالمواقف
ريم من شافت وحده تبكي بعدت عنهم وخافت وبدت تبكي
لجين:لالا ليش تبكون ، بتجي ليان
ومشت لهم وهي تتكلم:خلاص بكلمها تجي الحين
ومشت لريم : تبين ليان؟
ريم تبكي
لجين:تجي الحين والله ، اصبروا بس
ومشت لجوالها هي واتصلت وهي مرتبكه ، شوي وردت ليان
ليان:ماراح اجي خليني انام
لجين:ليان يبكون وش اسوي؟
ليان استغربت:ليش؟
لجين:يبكون يبونك
ليان:اهدي ، اسمعي من اللي يبكي بالضبط؟
لجين: ريم وجنى والباقين شكلهم ع طريف
ليان:قربي الجوال لريم اول
لجين مشت وحظت الجوال قدام ريم
ليان: ريم قلبي تسمعيني
ريم سكتت وهي تسمع الصوت
ليان: لاتبكين بجي انا ان شاء الله والعب معكم بس لاتبكين
ريم:الحين تعالي
ليان:ان شاء الله بس لاتبكين
لجين وهي تشوف ملامح ريم هدت همست بالجوال:وبعطيك جنى
ليان: هاتيها
وتكلمت مع جنى نفس كلام ريم ولجين ارتاحت من شافتها وقفوا بكى
ووقفت وهي تكلم
لجين:هدو الحمدلله ، بتجين صح؟
ليان:ماعندي احد يجيبني ، ما اقدر نايف راح شغله ، وبعدين ترا اذا فكرت اجي اجي عشان الصغار مو عشان عجوز قريح
لجين بضحكه:ياربي بس
ليان:لايبكون انتبهي لهم ، انا مااظن اقدر اجي اليوم
لجين:تمام مشكوره
ليان:العفو
وسكرت وقامت من سريرها وطلعت ونزلت ماشافت احد بالصاله عرفت ان نايف مو فيه ماتقدر تروح ، وجلست وسندت راسها وهي تفكر وابتسمت وهي تتخيل انهم يبكون عشانها ، لو بترجع بس عشان تودعهم بدال ماتختفي فجأه كذا
،
لجين:خلاص ان شاء الله تجيكم استاذه ليان ، يلا نلعب الحين
ريم بدت تهمس بهدوء ماحد يسمعها:ليان
توها تعرف اسمها وصارت تردد اسمها وكأنها ماتبي تنساه
،
حاتم يكلم امه : لاتطلع قوت ، نسيت اقولك بالبيت
هدى:ليش؟
حاتم:بعدين اقولك بس حاولي انها ماتطلع من البيت اليوم
هدى بتتكلم ع صوت بالدرج وشافت قوت معها عبايتها وشنطتها
هدى:هذي هي نازله شكلها بتطلع
حاتم:لاتخلينها تطلع قولي حاتم رافض
هدى:طيب يلا
وسكرت وقوت استغربت:من كنتي تكلمين؟
هدى:حاتم ، انتي وين رايحه؟
قوت تلبس عبايتها:لصديقتي بفطر معها
هدى:بس حاتم رافض
قوت ناظرت لامها:ليش؟
هدى:ماادري
قوت ابتسمت : مااخذت رائيه
وعدلت طرحتها واخذت شنطتها وهدى تناديها وماردت عليها وطلعت وخافت تكلم حاتم وتصير مشكله بينهم ماتدري وش تسوي وسكتت عنها ...
