#انا_كتاب_لريم_و_ريم_عنواني
سلطان:الـ....؟؟؟
اميره:ايه وش فيك
سلطان بصدمه ماتكلم
واميره استغربت:وش صاير؟ سلطان وش فيك؟
سلطان وقف: لا ولا شي ، كثر الله خيرك ومستعجل بروح
ومشى بسرعه واميره مافهمت شي
طلع سلطان من البيت وهو يردد الاسم مانساه ركب سيارته ومشى وطلع جواله واتصل
ورد تركي
تركي:هلا
سلطان:انت بالمكتب؟
تركي:كنت طالع تبي شي؟
سلطان:ارجع بسرعه ابيك بموضوع
تركي:خير ان شاء الله
وسكر سلطان واخذ نفس ، امن ريم عند هذي شلون؟ شلون ماسأل عنها قبل معقوله مسويه هالمسلسل مع قوت عشان اثق فيها واامن ريم عندها بالروضه؟ معقوله هالخبث يطلع من قوت ومنها؟
بعد ربع ساعه وصل للقسم ونزل بسرعه ومشى للمكتب ودخل ولف له تركي
تركي: عسى ماشر
سلطان مشى لمكتبه وجلس وشغل الجهاز وناظر لتركي
سلطان: معلمه ريم ، اللي يقال واثقين فيها
تركي: لاحول ، وش صار بعد
سلطان عصب:انت تذكر الشقه اللي ماتنذكر ذيك
تركي:ايه
سلطان:من قالت له ؟
تركي سكت شوي يتذكر
تركي:ايه ، لحمد الـ..
سلطان بحده:ومعلمة ريم اسمها:ليان الـ... شوف يالصدف
تركي بصدمه:تمزح
سلطان بقهر لف بجهازه:ماامزح للاسف اني ماامزح
تركي: ووش بتسوي
سلطان:ماادري والله
تركي:اسمع ، لاتستعجل ، وراح نشوف لنا حل ، يمكن البنت مالها دخل
سلطان بحده:لها دخل أو لا من بد هالعالم كلها تجي وتوقف بوجه قوت عشان ريم؟ وش عرفها بريم عشان تدافع عنها؟ ليش ريم بالذات؟ عشان تكسب ثقتي وبعدها تخلي قوت تجي تشوفها وقت ماتبي وتأخذها وقت ماتبي ، فهمت؟
تركي:معقوله؟
سلطان:اعرف تفكيرهم الخبيث هالعينه ، لكن والله مااخليها وتعرف شلون تلعب مع سلطان
تركي:وش بتسوي ؟
سلطان سكت يفكر وبعدها ناظر له
سلطان:بنراقبها
تركي:وبعدين؟
سلطان:بنشوف وش يصير بعدين ، بنراقبها وعند اول غلط بنمسكها
تركي بهدوء:اقول بس ويل من طاح بيدك وكانت السالفه به ريم
سلطان ماتكلم وهو يفكر شلون مشت عليه؟ وشلون صدق كل هذا؟
الساعه ٦:٣٠ ص
نزلت ليان وهي تشوف امها ونايف جالسين يفطرون
ليان:صباح الخير
العنود:صباح النور تعالي افطري يمه
ليان نزلت شنطتها وجلست وبدت تفطر واستغربت نايف كان ساهي ولفت لامها واشرت لها بمعنى وش فيه؟
العنود سكتت وماتكلمت
ليان لفت لنايف:يالاخ ، بالخير
ناظر لها نايف:هلا!
ليان:هلابك شلونك وين وصلت
نايف اخذ نفس:عندكم ، مستعجل بطلع لدوام
ليان قامت:خلصت ، وصلني
نايف قام وباس راس امه وطلع ولفت ليان لامها:يمه وش صاير له؟
العنود:مو صاير شي
ليان:دام قلتي مو صاير شي معناه فيه شي ، لايكون من مكالمه عمي امس؟
العنود:ليان لاتتأخرين عليه روحي
ليان سكتت شوي وبعدها فهمت انه صاير شي ولبست عباتها واخذت شنطتها وطلعت ، وطول الطريق كانوا ساكتين وليان ماتحملت ولفت له
ليان:وش قال لك عمي؟
نايف ناظر لها : ماقال شي
ليان: الا قال لك شي ، وش قايل؟
نايف:غصب يعني الا يكون قايل شي؟ وبعدين من وين طالعه لي بهالكلام؟
ليان:واضح
نايف:ماشاء الله طلع كونان اللي داخلك
ليان:لا للحين ماطلع اصبر ، قول لي وش صاير بسرعه قبل نوصل
نايف:يااختي انتي جد نشبه ، مو صاير شي خلاص عاد
ليان:تشوف يانايف لو عمي قايل شي وانت ماتبي تقول لي والله بـ
قاطعها نايف:لاتبدين تهددين ، رجال بنتكلم مع بعض مالك دخل انتي
ليان:واعرف مواضيعه انا
نايف وقف قدام الروضه ولف لها وابتسم:لاتفكرين بشي ، عمي حمد يتكلم وبيتم يتكلم بس ، كلام ولا يقدر يسوي شي ، ارتاحي دامني حي
ليان صارت تناظر له وماقدرت تتكلم ونايف ابتسم
نايف:لا الصغار يتحرونك ياحنونه انتي ههههههههه
ليان:ياسمجك
واخذت شنطتها وفتحت الباب ولفت له:برجع للبيت وتتكلم لي عن اللي قاله من الى ، عاد اليوم الخميس فاضيه لك
ضحك نايف:طيب طيب
ونزلت ليان وهي متأكده من اللي داخلها وان عمها مزعج نايف وهي تعرف تفكير عمها المتحجر
،
سلطان كان واقف بعيد وناظر لها لين دخلت ومشت سياره نايف ولف للي جنبه
سلطان:هذا هي السياره وهذي هي البنت ، بتوقف هنا الى الطلعه ، واذا جت هالسياره وركبت هالبنت تلحقهم وتعرف لي وين يروحون الباقي بعدين ، تمام؟
خالد:ابشر
سلطان ابتسم له:حلو ، انا بروح اجيب بنتي قبل تتأخر
خالد:الله معك
ونزل سلطان ومشى لسيارته وركبها ومشى
