ظلموني بعز شبابي

البارت التاسع

عند فيصل: بعد تفكير طويل قرر يعيش الواقع بكل رضى ولازم يتغير مع سديم مهما كان ما الها ذنب بقصة الاطفال هذا شغل ربنا تنهد بضيق واستغفر ربه طلع حتى يشتري الها هدية بمناسبة تقديم اوراقها للجامعة حتى تكمل دراستها يمكن تتغير نفسيتها شوي..........
----------------
ام نايف يلي كانت معصبة بشكل كيف ابنها بسافر ل محمد بدون ما تعرف حاسة بضياع وهي كل يوم تشوف نايف يبعد عنها ولا متحملة الفكرة وفوق هذا متضايقة من حال سديم صار الها يومين وفيصل ما اتصل فيها معقول رح يطلقها تعوذت من الشيطان على الفكرة وخافت بزيادة قررت تتصل على اخوها حتى يشوف الها حل.........
__________$_&&&&&&
عند المسا والهوا البارد يعلن قرب دخلو فصل الشتاء 🌥️🌨️
قااعدة بتجهز اوراقها حتى تقابل ابو يزن خايفة شوي بس لازم تكون اقوى وما تسمح ل حدا يجرحها او يستغلها...... بعد ربع ساعة طلعت وشافت ياسمين قاعدة بالصالة تنهدة بضيق لسا ياسمين زعلانة بس ما الها حق تزعل وهي ما بتعرف اشي ( الانسان اسرار ودائما قوانين الحيااة اقوى من كلشي مثل تيار الهوا بتغير اتجاهات وتغير الاشخاص معها)
لارا: ياسمين اسمعي منيح انا مو زي ما فكرتي وانا عمري ما غلطت بأشي قصتي صعبة انا مجروحة لحد هسا وما بدي افتح صفحات الماضي احنا ابطال اليوم اصنع نفسك بنفس
ياسمين: بشبه ابتسامة سخرية عن اي قصة بتحكي واي جروح انا خايفة منك تعبت من التفكير حاسة انك اكبر مجرمة بالحياة ل اخر مر بسأل امل ال فيصل شو تقرب الك شو علاقتك فيها
لارا: لا رد
ياسمين: احكي جاوبي بتعرفي لو بلغت عنك اقل اشي حكم خمس سنين بصفة انتحال شخصية والله يستر ما يكون قضية قتل كمان
لارا: صرخ خلص خلص تعبت بكفي طول عمري متحملة كل هذا بس كوني متأكدة اني مظلومة وما في اشي من تفكيرك الغبي اخر ما كان يطلع معك اني قاتلة ليش حتى اقتل بصفة شووو
ياسمين: انتي حلي هااي المسخرة وجاوبي على اقل برتاح بكون معك بس هيك ماشية بدون اشي ما بصير عايشة بخوف تعبت
لارا: لا تخافي انا ما اذيت نملة بحياتي فش اشي بخوف وجواب الاسئلة بتعرفيها بالوقت المناسب وانا طول عمري ماشية لحالي مو بحاجة حدا مسحت دموعها وطلعت لما شافت يزن يتصل عليها تأخرت عن الموعد.............
------------------------
بمكان اول مر نروح عليه:
قاعد ينتظر الموظفة الجديدة تعاطف معها من حكي ابنو يزن وقرر يساعدها بس اتاخرت وهو عندو موعد ناظر يزن اسمع انا تأخرت كثير اعتذر من البنت
يزن: فهم غلط ما بدك توظفها
ابوه: يا غبي مو قسدي هيك بس اعتذر منها اني طلعت قبل الموعد عندي شغل وما بقدر استنى هيك احكيها تبلش دوام من بكرا الساعة 5 المسا والراتب بكون 300 دينار بالشهر عرفها على العيادة والموظفين يلا مع السلامة
ابتسم يزن بحب ل ابوه وباس راسو الله لا يحرمنا منك ي غالي مع السلامة 😊♥️
(ربما الصدفة خير من الف ميعاد)
وصلت لارا واخيرا حست بالخجل انها اتاخرت على المدير دعت له بالخير بالرغم انها ما تعرفو ساعدها كثير وما رح تطلب من حدا اشي........ دخل يزن بعد ما عرف الموظفين على لارا
لارا: عنجد شكرا انت و الوالد فضلتو على راسي وان شاء الله بكون قد الامانه وعند حسن توقعاتك
يزن: ولو هذا واجب وانتي كفو وان شاء الله تتخرجي وتكوني احلا دكتورة ما تحتاجي حدا بحياتك (يزن لا يخفي الاعجاب ب لارا حاسها انسانة غير عن البنات واخص اشي اليسا لا ينكر انو حاول كل الطرق حتى يغيرها بس ما بفيد حب يستغل الجلسة حتى يتعرف عليها اكثرر) قطع افكارو صوت لارا وين رحت انت معنا مين سعيدة الحظ بتفكر فيها
يزن بنفسه في غيرك انتي سعيدة الحظ والحياة وانا ربنا بحبني اني شفتك..... انتبه على نفسه وحكا لا سعيدة حظ ولا اشي لسا بدري على هذا الكلام كنت بفكر بشغلة تشربي قهوة
لارا: ياريت راسي بوجع وبعدين بستنى اسمع قصة البنت
يزن: اوكك دقائق بكون عندك مناسبة كيف قهوتك..
لارا: سادة خاليه من السكر والحلا مثل الحياة ابتسمت شبة ابتسامة بان الغمازات فيها
يزن: نفض قلبو قرر يطلع
لارا بتفكري رح تحاول تتاخر حتى ما ترجع ل ياسمين حزنها بعيونها حمدة ربها يزن مو منتبه ولا ما سكت وهي ما بتعرف لمن تكون معو بتحس بأمان وهذا سبب جلوسها معو
--------------------------
عند نايف يلي كان مبسوط بتحسن العلاقة مع محمد قرر يطلع معو على مكان هادي حتى يحكي بالموضوع لمتي رح يضل ساكت
نايف: بترد محمد ممكن اسئلك سؤال والك حرية الجواب
محمد: تفضل
نايف: آمل كيف توفت شو صار معكو
محمد: تنهد وهو ياما حاول ينسى القصة وهسا نايف فتح الموضوع شو يعمل يحكي الصح ولا يكمل الكذبة يلي الها سنين حاول يتجنب نايف وقال اسمع ي نايف انت بتحكي بالماضي اشي سكرت بابو من زمان وانا رح احكي الك كلشي بس بالوقت المناسب لاني ما بعرف ردت فعلك ولا تنسى ترى انت ما قصرت معي ابتسم له بحب عكس الكلام مهما كان كلامو طلع من القلب وهو مجروح وصعب ينسي او يتقبل فكرت انو يحكي ولا رح يخلف وعد امل الها
نايف: ابتسم مجاملة له وهو عارف مدى جرح محمد وعارف انو ما قصر بحق محمد و امل براحتك وانا معك ل اخر اشي وتأكد اني كلشي بعملو ل خير وبس كمل مشي معو
محمد: حتى يغير جو قرر يتصل على يزن ويعرف نايف عليه حتى لو بالتلفون سرعان ما قد الرقم بعد ما حكا ل نايف
______________________
نرجع ل لقاء التعارف:
يزن: لو كان سؤالي محرج او بضايق بس حاب اعرف.. انتي وين اهلك وليش تدرسي طب مع انو صعب عليك
لارا: ابتسمت عكس داخلها الحزين وردت انا يتيمة ماما توفت بعد ما اجيت بشهر وبابا توفى بحادث سير لما كان عمري ثلاث سنوات عشت عند جدي وكمان توفى قبل ثلاث سنوات وصرت وحيدة عايشة لحالي وليش درست طب حب وكمان احقق حلم ماما جدي دائما كان يحكي الي انو كان حلمها ابنها او بنتها يدرسو طب... وبس
يزن بحزن على حالها الله يرحمهم وان شااء الله بتصيري احلا دكتورة وترفعي راسهم ترى مبسوطين انك لسا محتظفة بكل ذكرى الهم
لارا: حبت تسئل عن قصة البنت مو عارفة ليش صابها فضول تعرف بس خاب ظنها لما رن تلفون يزن نصدمت لما شافت صورة الشخص بالتلفون وصرخت بداخلها مستحيل يمكن انا غلطانة......
يزن تركها وطلع يحكي مع محمد ترى ينسى الدنيا لما يحكي معو وانبسط لما تعرف على حدا من اهل محمد يمكن يسد فراغ حياتو غربة الاهل..... سكر بعد مكالمة حلوة ضرب راسو بخفة كيف نسي لارا قرر يرجع ويعتذر
لارا بهذا الوقت ضلت تفكر محمد صديق يزن كثير رن عليه وهي موجودة ولا كانت عارفة يا الله الدنيا صغيرة بس هسا خافت ل محمد يعرف عنها قررت تنسى الواقع طلعت تشوف العيادة وتتعرف على الموظفين.......
(ملاحظة: محمد بكون نفسو ولد عم امل وصار واضح للجميع انو لارا نفسها امل لكن في سر وكيف للجميع امل متوفية راقبو الاجزاء✌️😊)