كن لي

1

رواية : كن لي
للكاتبة : Nona Alsebhawy

الحلقة 1

انا : هيا نروحو
ماما : توشوشلي : اسكتي يبنت خيرك قالقه بري اقعدي مع اختك والبنات
انا : يمااا منحبش نختلط بحد اني وانتو عارفين
ماما : فنصت فيا : نوضي تو نروحو متقلقينيش
عمتي فاديه : خيرك يبنت
انا : شي
المهم بعد تنخيص ف ماما وانزن عليها لعند روحنا كنا ف حوش عمتي وعماتي وضناهن غادي عيله كامله نفااق يعع ،

   انا اسمي روفان م 2003 نحب فروحي بكل طبعا مدلعه لعند فايته فالحد ونحب انكون التوب ف كل شي حياتي رياضه نبكي ع ابسط شي معلمه فالهكرر ، طبعآ انا جميييله بمعنى الكلمة واسم على مسمى ف كل شي ، مواصفاتي : قصيره ،  بشرتي قمحيه ، عيوني سود ، شعري اسود لامع طويل لتحت ركبتي بواجد اللهم بارك ، شعرتي غليضه حواجبي كتيفات مرسومات ، رموش طواال كتيفات ، فمي مش صغير متوسط ، خشمي واقف وفيه العرض شويه .....
عندي اخت وحده اسمها رفيف م 2002
عندي اخ واحد اسمه رضوان م 2004
ماما اسمها صفية
بابا اسمه عامر

...
ع طاولة العشي ؛
ماما : ياعامر بنتك اليوم حشمتني
بابا : خيرها مالا
ماما : مخلتنيش حت انهدرز وهي اتنخص فيا جنابي طاب واتنق كيف العيل نبي انروح نبي انروح وتعالا شوف كيف تشبح ف بنات عماتها حي ياحي تقلب ف عيونها ولاا عمتها اللي تسألها ياترد ببرود ياماتردش قططعت وجهي معش تخطي معاي لبيت حد
بابا : عليش هكي يابايا مش عيب
انا : بابا حبيبي سامحني لكن منافقين كدابين وياما دارلي مشاكل بنات عماتي وتبيني نحبهن من جديد انا انسامح بس مننساش ومستحيله انجامل حد وانت عارف يابابا من اخر مشكلة معش نحبهن معش نتحمل ف حد
بابا : فنص فيا : شن الكلام هدا ومهما كان يكونو عماتك وبنات عماتك خيرك مش زي اختك
انا : وقفت : اني مانيش زي حد وديما الغلطانه حت ف حقي ، ومشيت نبكي لداري شويه ورقدت لعنند الصبح

الصبح "
نزلت ع الفطور
انا قعمزت ع طاوله الماكله ..
ماما : الناس يقولو صباح الخير
انا : انا مش من الناس
ماما : مالا شنو
انا : ساكته ونفطر ،بعدها ركبت لداري قلبتها وعاودت رتبتها ونضفتها وخديت توته ومنشفي وخشيت دوشت وطلعت بنمشط شعري ماعرفتش نمشطه بروحي استسلمت ونزلت لماما مديتلها المشط وقعمزت ،ضحكت وقعدت تمشطلي ،
ماما : رفيف
رفيف : انعمم
ماما : العشية بنمشو للبحر وتن حوايجكن
انا : عيطت ؛ حقاااااا
ماما : اي حقا
رفيف : حي عالجووو
ركبنا كل وحده لدارها ووتت حوايجها ومشيت خشيت لدار رفيف لقيتها تتكلم ؟
انا : رفيف من تكلمي
رفيف : شبحت فيا
انا : شنو
رفيف : تعالي اصلا نبيك ف موضوع
انا : سكرت الباب وقعمزت ع السرير جت مقابلتني
رفيف: اول شي يكون سر بيني وبينك
انا : اكيد ياحيوانه خزييي مالا بنقود تحسابيني
رفيف : بدينا عاد ابكي هكي
انا : احكي من كنتي اتكلمي
رفيف : انا انحب تمام
انا : منتبهه : به!
رفيف : خيرك م درتيش اي رده فعل
انا : عادي شنو يعني حاسه بيك منلول واضح اختي راا
رفيف : ضحكت : المهم نحب واحد م 98 اسمه منذر ومتعرفه عليه عن طريق بنت خالتي وووو
قعدت تحكيلي وانسجمت وفرحتلها الصراحه وكذا
رفيف : روفي
انا : نعم
رفيف : فيه ولد عمه يبيك
انا : انخلعت : منووو ولد عمه
رفيف: ضحكت : بشويه عليك
انا : اي منو ولد عمه وخيره يبيني وين يعرفني ولا وين شافني
رفيف : انا نحكي مع مندر فجأة صوت شاب خش قعمز معاه قلتله منو هدا قالي ولد عمي بيقرا هنا اقتصاد ،مهم مرو ايام الصراحه عطاني نتعرف عليه وجوهم سمح الحق ديما عناد وبصاره وكله ،لين ف يوم قالي مندر شوفيله بنت هدا قلتله من بنشوفله قالي حت اختك حسيتها تمشي معاه انتي شوفيها وكلميها والولد حت هوا وافق قال عادي مسكين ضاربه جفاف
انا : انتي تعرفيني مش متع مواضيع زي هدي
رفيف : ياروفان انتي شن بتخسري ولله الولد جميل والله يبارك وحسيته نفس طبعك لكن انتي حاولي المره هدي وكلميه وكان م عجبك فوتيه
انا : شبحت فيها ووقفت طلعت...

المهم مشينا للبحر وغيرنا جونا وخوي ممشاش مع اصحابه وبابا وماما يهدرزو
رفيف : روفان
انا : ها
رفيف : غمزتلي : هي نطلعو ندهورو شوي
انا : استغربت: به هي
وطلعنا نتمشو
رفيف : حيي مندر.. ولفت
انا : فنصت : وينه
رفيف : شوفي وشاحي كويس ولا
انا : اي سمحه سمحه
رفيف : حت انتي سمحه هي تعالي
انا : ويييين
رفيف : سكري فمك وامشي كويس
انا : عدلت روحي ونمشو ووصلنا ف مندر
مندر : مبتسم وعيونه بياكلو رفيف : ياهلا
رفيف : ع اساس متحشمه : اهلين منذر ، هدي اختي روفان
مندر : مرحبا
انا : ابتسمت ابتسامه خفيفه ورفعت حاجبي : اهلا بيك
رفيف : تعالا نتمشو
انا : رفيف بنمشي لهلي انا
رفيف : خلييك شويه ونرجعو بلاش شبهه
انا : قلبت عيوني : مطوليش
منذر : اهو بن عمي
انا : منوو
رفيف : علاء
علاء : مبتسم يامرحباا
رفيف : اهلا بيك
مندر : علاء هدي روفان روفان هدا علاء هي تعرفو شوي وانجوكم
انا : شبحت ف رفيف : غمزتلي ومشت ..
علاء: يشوف فيا : كيفك
انا : ركزت فيه جميييييل جدا ، كويسه وانت
علاء : الحمدلله

...
تابعو