كن لي

3

رواية : كن لي
الكاتبة: Nona Alsebhawy 

الحلقة 3

انا : نحكي مع نفسي : تو شن بندير هي، افف يهبل الحقيير ،تؤ اصلا انا غبيه اللي هدرزت معاه وعطيته مجال ، به يلا زيني زي البنات اللي يخشو علاقات انجرب انا ،بالك يطلع مش كويس ،لالا واضح عليه جدي واصلا شكله اففف جسمه ...
قعدت انفكر لعنند خداني النوم ...

" علاء ،، مم 2000 بشرته قمحيه حواجبه عراض كتيفات ديما عاقدهن رموشه طوال نقشته كلها عالبني عيونه واسعات بنيات شعره مشفشف شوي لونه بني ،طوييل وجسمه رياضي  عنده غمازتين وواعر متع مشاكل شخصيته قويه..

الصبح ..

رضوان :خوي: روفان روفان
انا : راقده: همممم هاا شنو
رضوان : نوضي يادراه صبح انزلي افطري
انا: فتحت عيوني: شن تبي رضوان
رضوان : ضحك :
انا : عرفته مش بلاش التنويضه اهي
رضوان ؛ عندي حسابي ابصر من مهكره شوفيه ليا
انا : باهي نوض حول خ نمشي نغسل
رضوان: ضربني : تم ياقلم وطلع

المهم منطولش عليكم تسريع الاحدات ..انا وعلاء كل يوم نحكو مع بعض وكل يوم نتعلق بيه وحبينا بعض الصراحه مدلعني 🥹 يوخيتي صح عصبي ومتمسك شويه بس حبيته ومر ع علاقتنا شهرين ..

رفيف : روفان هي نمشو لبابا ناخدو منه فلوس لنقنه نبي دبش جديد
انا : اي عادي
رفيف ....: بابا
بابا : نعم يابابا
انا : بابا نبو دبش جديد
ماما : واللي ف دولابكن شنو
روفان : هدا دبش قديم ميجيش علينا
بابا : باهي هي وتو روحكم اليوم اصلا كلا بنغيرو جو
رضوان : بوي بالله نبي مفتاح البي ام ماشي ل صحابي
بابا : هاك ,غير دير بالك يافرخ اهو بس نسمعك امسطرب ولا داير وجيج انعلقك من ودانك بعدين
انا : نضحك : اتخيلها بالله
رضوان : شبح فيا ومشا ..
المهم غيرنا دبشنا ولبسنا طبعآ انا عيوني العبايات ،لبست عبايه سوده كمامها واسعات فيها شوي خرزات بالدهبي وسندل دهبي وشنطه صغيره دهبيه وشويه ميك أب وروج خفيف وطلعنا
مشينا لجميع المولات والمحلات ومطاعم وتعشينا وف الاخير نزلنا ل حديقه بابا وماما مقعمزين وانا ورفيف بعدنا عنهم بجنب العاب الاطفال ندهورو شرينا تشبس وفوشار وندهورو فجأه سمعنا صوت
رفيف: روفان صوت حد ينادي ورانا صح
انا : اي اتصدقي ولتفتنا
شاب: هدا زييين ولا رضا والدين
شاب2: محلاك
رفيف : تمشي بسرعه: ووك ياروفان تو يمسكونا
انا: انتي اللي لابسه هاللبس الفاضح كان لبستي عبايه خير
شاب : يمشي ورانا: غير اسمعي بس
رفيف: تفضل
شاب : تعالي قعمزي عليا
انا : فنصت : ومانشوف الا ف يد رفيف ع وجه
رفيف: ضرباته كف: احترم نفسك ياحقير
انا: الاشكال هدي تبي الردع
الشاب : لاا والنبي الا الردع بالله عليك سامحينا اختي ومشي يجري..
انا : حي ياحي
رفيف : شفتيه
انا : تعالي هيا نروحو
رفيف: هي
انا : تسجيل صوت: ها حبيبي اهو تو كيف مروحه للحوش نوصل انكلمك
رفيف : ياعينييي
انا : ضحكت : خيرك
رفيف: من امتا مش ع اساس ماتحبي وجو
انا : اسكتي اسكتي

.........