ثأر الجحيم "الأصليه"

البارت السادس

___________________________________
لاتنسون التصويت نجماتي
___________________________________

- طلعت من البيت نفسيتي اليوم مرتاحه كلش لكيت ريمان بالخط منتظرتني 
- هايي صاباحو حُب شطالعة اليوم تحجي وتغمز
- ها حلوة الكحل عليه اول مره اجرب اخلي على عيني

-ريمان والله يخبل عليج يحضي دامن وخلي كحل مطلعج بشرر
- التهينه نسولف وصلت مستشفى اول دخلنه شفنه المستشفى متروسه جنود
بلعت ريكي بساع ركظنه نحظر للعمليه دكتور عماد كالب مستشفى الظاهر جايبين هواي مصابين
اني وريمان مالحكنه نخلي غراضنه بالغرفه بساع ركض نلحك بالعمليه
واني دا امشي من الممر مال العمليه لاحظت كم شخص شايفتهم مالحكت اركز على شكلهم لان مستعجله

- عماد شمس بالعجل الولد نازف اهواي بساع دم ديروله صوت الدكتور خردلني اني جديده على عمليات اشارك بيهن ضليت واكفه يمه وساعده الطلقه جانت قريبه على كلب الولد ماركزت بشكله ابد التهيت اساعد الدكتور  للحظات طويله خلصنه العملية  دطلعت برا احس اختنكت

- بشري دكتوره شلونه سهير
- رفعت راسي اي هذا اعرفه!  لحظة ضلت اعيوني بعيونه اجمع الاحداث

- الحمد لله اتخطه مرحله الصعبه وحاليا يرتاح بس يصحه من البنج ادكرون ادخلون اله
مشيت كل سرعتي انصدمت ريمان
اخخخ شمالج ماشوفين
- شمس عابت انتي ماتنتبهين نحجي وكل وحده بينه تفرك وجهه شكلنه «يضحك»

- شمس وين جنتي
-ريمان بعمليه ولج خبصو المستشفى جماعته  ضابط وماضال واحد ماجاي
- هزيت براسي اي حتى اني جنت بعمليه وهم ضابط مصاوب شهل صدفه ثنين ضباط ونفس الحظة عمليه 

- جاي نحجي وجت آثار
- ها شلونجن ولجن شفتن هاي الخبصه مال مستشفى عليمن
وكفنه نسمع عليمن

- آثار خطيه هذولي اصدقاء ضباط صاير عليهم هجوم غدر ومقتولين كل جنود وياهم
- شمس ضربت على صدري يااعزاا عمت عيني عليهم 
- آثار اي والله هذا الصار وخطيه زين وملحكين على هذولي
- ريمان هنيئا الهم الشهادة والله تعبت نفسيتنه يوميه شهداء تروح الله يساعدامهاتهم وهلهم

- شمس ضل بالي وكل تفكيري هذا الضابط منو  بسلا نفس هذا اشفته بالموصل ضل التفكير ياكل بيه رحت الغرفه بيها هذا السويتله العمليه  فتحت الباب تعجبت خالين واحد ثاني بصفه منو هذا

تقربت اكثرر من شفته نصدمت ياربِ رجعت ليوره من صدمه حسيت نفسي نضربت بشخص  بساع درت وجهي 

- شمس هاي انتي؟ 
- ععع عباسس انتَ شنوو صاير ليش سهير واشهب هل شكل صار بيهم
- عباس شش تعاي نطلع وفهمج
طلعت ورا
- احجيلي شنو الصاير وياكم
- عباس الجلاب جاينهم غدر وذابحين 10  جنود واشهب وسهير واحد من الضباط الخونه عالسهم وشارد