✨تنويه..
الحديث بين الأقواس " "
حديث النفس.
🤍🤍
_السلام عليكم.
_وعليكم السلام.
_يا دكتور أنا فجر طالبة عندك في الفرقة الرابعة قسم الصحافة.
_أيوة يعني أنتي عاوزة ايه؟
_احم.. حضرتك يا دكتور كنت مكلفنا بمشروع التخرج، حضرتك نسيت ولا ايه؟!
_ايوة يعني برده عاوزه ايه؟
_"ايه الإحراج دة".. يا دكتور حضرتك قلت أننا نعرض عليك الموضوع اللي هنكتب عنه في مجلة مشروع التخرج.
_أيوة أنتي قلتي أنتي في سنة كام؟
_"يا صبر أيوب".. الفرقة الرابعة يا دكتور.
_أيوة ماشي، شعبة اذاعة دي دايما مغلباني.
_يا دكتور أنا شعبة صحافة.
"يا ربي هشد في شعري".
_ايه دة بجد، طب تمام
عاوزة ايه بقا؟
_"عاوزة اتنين شاورما".. هكون عاوزة ايه يا دكتور، عاوزة اخد رأي حضرتك في الموضوع وهل هيكون صالح للنشر ولا لأ.
_تمام ما الأمور سهلة أهي، أمال مصعباها وعمالة تلفي وتدوري ليه؟
_"أنا اللي بلف".. معلش يا دكتور طيش شباب.
_ها بقا ايه الموضوع يا رب يكون يستاهل.
_الموضوع بيتكلم عن المرأة يا دكتور واسمه ...
_استني بس مرأة ايه اللي عاوزة تتكلمي عنها، احنا عاوزين نتكلم في موضوع مهم.
_"اللهم طولك يا روح لو مش روحنا تحت درسك كنت شعلقتك" ، تمام يا دكتور نتكلم عن الحرية ويكون الموضوع اسمه
*على هامش الحرية*.
_ايه هامش دي، سميه *مصائب الحرية*.
_"مصيبة اما تاخدك يا بعيد وتاخدني يوم ما دخلت قسم الصحافة" 😒.
#سحر_جمال
