روح الرعد(مكتمله)

البارت الحادي عشر

روح الرعد
البارت الحادي عشر
"في مساء مدينه الصعيد في قصر الجارجي"
تضئ الانوار في جنينه القصر بشكل جذاب جدا
احمد: ازيك ياعريس
رعد: الله يسلمك
احمد: بتتجوز لوحدك يعني كنت جوزني معاك يا صحبي
رعد: امشي يا بارد من هنا متروح تتجوز انا مالي
احمد : ماشي ياعم بكره احصلك
فرح : رعد وحشتني قوي يارعد
رعد: وانتي اكتر يافرح
فرح : كده يارعد متسالش عليا خالص طول الايام اللي فاتت دي
رعد: معلشي بقا يافرح هعوضهالك مره تانيه
فرح ماشي ياعم انا مسمحاك فين ليل
رعد: فوق اطلعي ليهم
فرح: ماشي طالعه
(معلومه فرح دي اخت أحمد انا كتبتها مع الشخصيات بس دي اول ظهور ليها)
فرح وهيا طالعه علي السلم اتقعبلت وكانت هتقع حد لحقها
          :مش تفتحي وانتي ماشيه
فرح: انت يا بني آدم انت اتكلم بأدب معايا وبعدين شكلك شغال هنا في القصر اشتغل وانت ساكت وسبته ومشت
محمود: بقا انا شغال هنا ف القصر والله لعلمك الأدب(همي كلهم هيعلموا بعض الأدب ايه دي😂😂)
عند البنات
فرح : ممكن ادخل
ليل: ايه دي فرح وحشتيني اووي
فرح: وانتي كمان يا قلبي ايه القمر ده
ليل: انتي اللي قمر
ايه: عامله ايه يافرح وحشتيني اوي
فرح: الحمدالله وانتي وحشتيني اكتر يا يويو
ليل: تعالي اعرفك علي مرات رعد المستقبليه روح
فرح: الله دي قمر اوي بقي انتي مرات رعد
روح : اها انا
فرح: تعرفي انك حل ه اوي ماشاء الله
روح: بتقري ولا بتحسدي
فرح: لا انا بحسد بس
روح بضحك : ماشي ياستي
ليل: لسه زي ما انتي يافرح شقيه كده
فرح: لا دي انا بقيت شقيه اكترر ضحكوا البنات ونسبهم مع بعض بقا يجهزوا
عند صفاء وحنان في المطبخ
صفاء : ايه يا ام بدر كده كله تمام ولا ايه
ام بدر : ايوا ياست صفاء كله كده تمم
حنان: الحمدالله اننا خلصنا علي الوقت
صفاء : الحمدالله
سماح: محدش قالك اشتغلي ياختي احنا جيبين الخدم يشتغلوا ولا بتعتبري نفسك منهم
صفاء: سمااااح بطلي بقا اسلوبك ده يا كنتي تساعديني يا تسكتي خالص انتي فاهمة
سماح: انا مقولتش حاجه ياصفاء ومتحوليش تعملي علينا الكبيره
صفاء: سماح انا مش بعمل كبيره علي حد ويلا روحوا جهزوا نفسكم
حنان: هيا ليه اسلوبها كده مع الكل
صفاء :متزعليش يا حنان حقق عليا انا ياختي هيا كده وخلت بتهه نوران حقوده زيها أكده بظبط
حنان ربنا يهديها يلا تعالي نجهز نفسنا عشان الحنه هتبدا
صفاء : يلا
عند رعد واحمد
رعد: اخبار الشغل ايه يا احمد
احمد:الحمدالله ياصاحبي كله ماشي تمام
رعد : معلشي يا احمد عارف اني متقل عليك اوي اليومين دول
احمد:متقولش كده ياصاحبي انا لو موقفتش جمبك مين هيقف جمبك
رعد: ربنا يخليك ليا ياصاحبي
الجد: يلا يارعد انت وأحمد روحوا جهزوا نفسكم وسيبكم من الحديد دلوقتي
رعد: حاضر ياجدي رعد لسه هيمشي لقي ايد بتتحط علي ضهره من وره
احمد ورعد بصدمه:..........
ياتري احمد ورعد شافوا ايه توقعاتكم في البارت الجاي
بقلمي🖊️دعاء محمد نصر
اتمني الروايا تعجبكم بجد عشان دي اول روايا ليا واحب اشكر صحبتي رورو عشان هيا اللي شجعتني وخلتني اكمل كتابه الروايه ودخلتك في الروايا دي وان شاء الله لو دي عجبتكم هكمل كتابه وهخلي روايا انتي بطلتها يارورو وشكرا🫶