❤️ كنــــــــــــيتي مصـــــــــــيبة♥
فجيهة اخرى خارجة من الدار كتكعوص خايفة لا يشوفها شي برهوش هذه هي المصيبة الكحلة ديالها الا مشا حتى حصلها راه خلات و الحومة كاملة تفيق على الغوات متهنات حتى خرجات منها عاد تنفسات و بدأت بمشيتها الموزونا بحال الا مخاصها حتى خير
شدات طاكسي و قالت ليه لازون و هذه المدة و هي كتحفظ اش نقول اش دير اشنو مديرش حتى وصلات نزلات و مشات عند السيد لي مكلف عطاتو لاكارط و اسم الشركة و دخلها ركبات في الكرونسبور و حتى وصلها ليها و هي نزلات كندور راسها و استكشف المكان و يديها فيهم الدوسي و رجليها كي لعبو و الخلعة سرات معاها
توجهات البرا و وراوها فين تمشي طلعات نيشان المكتب و هي تصادف وحدة جالسة مشات عند الموضفة
**:سلام
سكرتيرة:وعليكم السلام
***:انا جيت ندير مقابلة
***اسمك
سمية:سمية البيصارة
***(غوتات):كيفاش
سمية(بهمس):سمية البيصارة
***:ب اش
سمية:البيصااارة
***:سيري تجلس حتى يجي المدير
هزات براسها و سكرتيرة كتشوف فيها ها سنطرال ها البيصارة ستغربات وغلباتنا الضحكة حتى دارت عندهم سمية
سمية:تهجريه ان شاء الله
جلسات حدا فاتي و وحدة تخنزر في التانية حتى كي شوفو وحدة دخلت و صباط عندها مهرس
YOU ARE READING
كنيتي مصيبة
Humor🚨جديد جديد 🚨 ♣️تحت عنوان♣️ ❤كنيتي مصيبة❤ بقلمنا نحن🖊: نجوى.. تيما مبارك ..فاتي الدكالية..لبنى اخ ..اميمة اخ ..فاتي مب ..سعاد بن قصتنا قصة مشي كباقي القصص هذفنا منها هي ندخلو السعادة و ناخدوها بمرح و نعرفو حكمة كنيتك هي هويتك...
