*' رباط الحب '*

part 18

ʚϊɞ ʚϊɞ •.¸(18)¸.• ʚϊɞ ʚϊɞ

وقفنا البارت إللى فات عند أما سهيله حكت لملك كل الحقيقه وملك وهى قايمه من صدمتها إختل توازنها وفقدت الوعى
فوقوها فى الكافيه وأول ما عنيها لمحت مروان إترمت فى حضنه وقالتله: روحنى دلوقتى حالاً يا مروان عاوزه أمشيييييييييي
أخدها وروحوا ،أول ما دخلت البيت مامتها لسه هتهزقهم عشان إتأخروا ولقت فجأه ملك بتترمى فى حضنها وإتفتحت فى العياط ، وشهقاتها عليت ووصل بكاها لصراخ خلى أمها فقدت أعصابها ولما سألت مروان قالها إنه ماكنش قاعد معاهم وملك أغمى عليها ولسه مفوقينها فى الكافيه
فضلت أمها تسألها عن السبب وهى بتبكى وبس
ضمتها وفى نفس اللحظه دى باباها وصل البيت ولما شاف منظر ملك إتخض عليها جرى وفضل يسأل مراته بهلع وهى مش عارفه فيها إيه ؟؟!
أخد ملك من حضن أمها وضمها فى حضنه وفضل يهدى فيها وهى مش عاوزه تهدى بتصرخ بآآآآآآآآآآآآآآآآآآآآآآآآآآآه وبس
سكتت و فضلت جاحظه عنيها وبتتنفس بسرعه وكلهم بيسألوها عن إللى حصل وهى ولا كأنها سمعاهم ،جريت مامتها أخدت موبايلها وجابت رقم سهيله إتصلت بيها وسألتها عن إللى حصل فسهيله حكيتلها بإختصار شديد خلت على الأقل أمها تفهم سبب حالتها دى
قفلت أمها مع سهيله ولما رجعت لقت باباها ضاممها وبيبكى على بكاها
لدرجة إنه فكر يتصل بالإسعاف عشان حالتها دى ،لكن مامتها قالتله يسيبها تبكى وهى هتهدى بعد شويه لأن البكا هيريحها
أخدتها أمها من إيديها ودخلتها أوضتها قلعتها حجابها وقعدت على السرير وحطتها فى حضنها فضلت تطبطب عليها ومروان إستأذن ودخل عليهم بكوباية عصير ليمون عشان ملك تهدى حطها ومشى ،ماماتها سابتها تبكى لحد ما هديت شويه وقالت لمامتها بصوت متهدج :
ياريتنى سمعت كلامك يا ماما ، ده بنى آدم بشع أنا بكرهه وبكره إسمه ، أنا بكره الدنيا كلها يا ماما ، ليييييه أنا؟؟؟ ليه يعمل فيا كده ؟؟؟؟أنا ما آذتهوش فى حاجه ولا هى آذيته لييييه عمل فيها كده ليييييييييه ؟؟!
# أمها: بس يا حبيبة قلبى، بس خلاص يا ماما كفايه إهدى عشان خاطرى
وسحبت ملك من إيديها وراحوا ع الحمام فتحت الميه ونزلت راس ملك تحتها عشان الميه الساقعه تفوقها ،رجعوا قعدوا فى الأوضه وخلتها تشرب من العصير عشان تهدى بصتلها ملك وإترمت فى حضنها وقالت وهى بتبكى :
ضميييييني يا أمى أنا عاوزه أرجع تانى جنين عايش جواكى مايعرفش يميز غير صوتك ودقات قلبك وبس رجعينى رحمك تانى يا أمى أنا مش عاوزه الدنيا دى كلها كدب وغش ، خيانه وخداع ولعب بالمشاعر والقلوب
بنتك قلبها إتكسر يا ماما بنتك جايه المره دى مش عشان تشكيلك من صداع ولا حاجه بتوجعها فى جسمها ولا حد ضربها !!
بنتك إنهارده بتشكيلك من وجع قلبها ،مش جايه تشكيلك عشان حد خد منها لعبه ولا كسرهالها جايه تشكيك من حد كسر قلبها ، سرقه منها وحطمه يا ماما آآآآآآآآآآآه
كل أحلامى إتحطمت وضاعت فى لحظه
قوليلى يا ماما فيه دوا لكسر القلوب أنا خلاااااااااااااص مش قادره ، أنا أضعف من إنى أستحمل صدمه زى دى يا ماما وأضعف من إنى أواجه الموقف ده
ردت أمها : لأ إنتى مش أضعف إنتى أقوى من كده بكتييير إنتى لسه تحت تأثير الصدمه بس أنا عارفه بنتى كويس أوى وواثقه إنها هتفوق منها وهتقوى أكتر مما كانت ، عارفه إن مفيش أى حاجه فى الدنيا تقدر تهزها ، ربنا شايف كل حاجه يا حبيبتى وهو الوحيد إللى بيجبر كسر القلوب إهدى يا قلبى سلامة قلبك يا قلب أمك وروحها
وماقدرتش أمها تصمد أكتر من كده وبكت مع ملك
ولما ملك هديت طلبت من أمها تناولها اللآب توب بتاع وليد ، جابته مامتها من الدولاب وهى بتسألها بتعجب :عوزاه ليه ؟؟؟!
فتحته وجابت صور ضحى وأول ما ماماتها شافت الصور شهقت وسألتها إيه ده ؟!
ملك حكتلها كل حاجه قالتهالها سهيله وقررت ملك تنقذ ضحى من إللى مسببلها الرعب ومخلى وليد زى إللى ماسك عليها ذله وهى ماغلطتش فى أى حاجه !!
ملك مسحت كل الصور بتاعة ضحى إللى عنده ومسحت كل حاجه تخصها من ع اللآب توب