ثرى

نصيب اختي اصبح لي

ثرى: دكيت الباب ودخلت جان كاعد كال خير كتلو عمة تريدك
حارث: سويلي ريوك ودي يم امي جاي
ثري:طلعت احاجي نفسي هم زين ماحاجاني حارث هو جان يجي علينا وحباب ابد مالو دخل بينا نحن البنات بس مع اختي بسمة جان يعشكها من عيونو عرفنا جان يدور عليها بكل البيت اذا ماطلعت تتلكاه
اختي بسمة جانت مريضة بيها صرع ومرض بالدم من جانت صغيرة معلعلة وامي تخاف عليها من الهوى هي نازكة وكل فترة تدخل مستشفى جان حارث يتبرع الها بدم تحتاجو لحد مامرة كال لامي دمي كلو بسمة ليش ما تزوجوني هي امي ضاجت منو لان تعرف عمتي ترفة قاسية مع الجنة واختي وضعها صعب عاد
كالتلو امي بنتي مريضة واخاف عليها من الزواج يتعبها
حارث جاوبها اشيلها بعيوني
امي كالت حارث لا تلعب بنار وتحرك كلبي بنتي تراني روحي بيها
تعصب حارث وطلع بعدها كام يجي قليل بس بعد شنو الفاس وكع براس اختي كامت تحبو وكام يبين عليها العشك امي لاحظة بس متكدر تحجي شي معاها صحتها ما تساعد
لحد مايوم جا اخوي كريم لابوي وامي كال  اريد ازوج ابوي كال بيها الخير بس اصبر علي جم شهر اشوف نفسي اكدر الم المهر
كال كريم اني عندي جم فلس وما احتاج جثير فلوس البنت ماتريد شي وهاويتني
ام كالت ليش هي منو
كال كريم غيداء بنت عمتي ترفة
امي وابوي واحد كام يدحك للثاني امي كالت مستحيل انت تعرف غيداء شنو وشبيها
كال كريم اي اعرف واني قابل وراضي وهاي خلقة الله
جانت غيداء عدها خلع ولادي بأيدها وملسونة امي ماعدها شي وياها بس متريدها جنة
امي كالت لكريم على جثتي غيداء تصير جنتي باجر تخلف جهال معوقين
ضحك كريم كال يمه غيداء خلع ولادي يعني اثناء الولادة القابلة جارة ايدها وصارت هيج واهمال اهلها وتسكطت
يعني عادي تخلف طبيعي بلا متجيب جهال معوقين
وكلج هي من الاخير اني احب غيداء صار سنة واريدها
امي رافضة وابوي صافن وعرفت ابوي من صفنتو عندو حل