حرم العقيد (الجزء الثاني)

1️⃣

الحياة مدرسة وكل ما فيها دروس لنا
ونتعلم منها فمن أراد الذهاب فليذهب
أتمنى له حياة سعيدة لو فيه خيرا لبقي،
ومن حبني سيبقى معي مهما كانت الظروف👉
والي الابد هذه هي الحقيقة هكذا علمتني الحياة
أنا لم اتغير ولكن أبتعد عن كل من لا يعرف قيمتي ولم يقدرني ،، فليس كل ما يلمع ذهبا
وليس كل من كلمنا اصبح صاحبا🖐
وليس كل من قال احبك صار حبيبا
فجمال الذهب في عتقه ..والصاحب في وده👉
والحبيب في غيرتة وصدقه
ضع في قلبك ان القادم افضل
لأن التفاؤل هو سر استمرار الحياة👌
الصادق لا يحلف والواثق لا يبرروالمخلص لا يندم👌
والكريم لا يمل والمحب لا يغدر ولايخون ابدأ 👌🏻

(قرأه ممتعه اتمنى ان تنال اعجابكم🌱)

بقلم سيف الله...🚬

(هكي نقدروا انقولوا بدا الجزء الثاني من روايتنا بعودة الاب يوسف من الحبس لعيلته وعياله .....⏱️)

ردت يوسف بعد وقت طويل كان لها تأثير سلبي وتأثير ايجابي في حياة جاسر وياسر لان رد بعد وقت طويل وهما مش فاهمين وجود الاب كيف وكيف التعامل معاه بحكم انهم ماتربوش امعاه لكن رغم هذا كله بتستمر الحياه  ....🌱

ب لسان غزل...👇🏻
مشعارفه كيف نتفاهم مع يوسف وجاسر وهما 24 ساعه يتعاركوا وقريب يقتلوا بعضهم يوسف يقعد يبي شي جاسر يرفض يوسف يرفض جاسر يبي وانا قعدت متشتته بينهم مش لان هوا مايبش الي مايبيهش باته لكن كل واحد منهم يعاند وبيحط حدود ويفرض سيطرته 👌🏻

يوسف بعياط: انت مش حاسب حساب ليا ولا حساب لامك حياتك كلها سهر وبنات وشرب امتى بتعقل وتحترمنا امتى
جاسر بهزوه: هه شوف من يحكي البات المثالي وين كنت قاعد بعد انا كبرت وتربية غلط اها توا انقولك انا وين كنت يا حاج كنت في الحبس عليش قاعد في الحبس لانك شخص فاسد وماتفهمش وماتعرفش اتعامل الا بالسلاح والقتل والسب
يوسف بعياط: انجنيت انت عشان تدوي معايا هكي نسيت ان انا باتك
غزل بعصبيه : جااسر تأسف من باتك توا تأسف
جاسر: مش ح انتأسف وانا مشعارف كيف وافقتي اتردي تعيشي مع فاسد خريج حبوس كيفه وكيف هلك قبلوا اصلا بعد كل الي داره فيك والعذاب الي عشتيه معاه ماعندكش كرامه ولا شنو
كف قوي من غزل على وجه جاسر خلاه يلف في مكانه ويبحت فيها بنضرات نااار🔥
غزل بعصبيه: انت مشعارف مصلحتك ومشعارف روحك في شنو تدوي كنك ياجاسر قعدت هكي كنك
جاسر بعصبيه: كني توا انقولك كني البنت الي نحبها يا امي رفضني باتها وقالي ماتقربش منها والسبب السبب يا امي
وبحت في باته وشد على سنونه
جاسر بعصبيه: تعرف السبب
يوسف ولع دخان وقعمز حط كراع ع كراع
يوسف بحده: لا من وين بنعرف بينزل عليا الوحي مثلا
جاسر بعصبيه: باتها قالي كيف نقبل بيك ونعطيك بنتي وانت باتك قتل بنت عمي شفت لعند وين وصلنا بسببك وبسبب تهورك دمرتناا كلناا
يوسف ببرود: عيله فاسده مانقبلش انك تحب منها اصلا حول الفكره من راسك
جاسر بعياط: ماتدخلش في حياتي ماتدخلش خلاص ساد الي خربته منها
غزل بحده: احترم نفسك جاسر انت تدوي مع باتك
جاسر : امي ارجوك اسكتي انا هذا مش معترف بيه لا هوا باتي ولا انا نعرفه
طلع جاسر من الباب وهوا يسب ومتعصب وتلاقى مع سيرين ع باب الحوش قابلاته بضحكه ابتسملها وطلع ركب في سيارته وطلع من المزرعه💭