أخبرتك أنني حين أُدير وجهي عن أحد لا يُغريني للعودة اليه شيئاً لا يعنيني فرحُه ولا حتى حُزنه لا يُخيفني تَعبه
ولا يُحرك صوته مشاعري
أخبرتك انني أضعه في رف النسيان من دون ندم ولكنك لَم تُصدق الى أن أصبحت صاحب الحَيّز الأكبر من ذلك الرف.
------------------------------------------------
بقلم سيف الله ... N بوحجر ....✨
صلوا على النبي ..💙
عند ياسر وسما......💭
وهما متوجهين للبوابه شافهم جاسر سلم عليهم
جاسر : اوووه زعيم نورت نورت والحمدالله على سلامتك
ياسر: الله يسلمك ياطيري
جاسر برم على مرت خوه وسلم عليها
جاسر: نورتينا
سما: بيك شكرا
جاسر: هيا قدامي نشيلكم للحوش
ياسر مسك جاسر على جنب
ياسر: انت متأكد ان الي قاعدين نديروا فيه صح
جاسر بخبث: صح بكل ياعيني
ياسر : تمام هيا
وركبو السياره ومتوجهين لمزرعة يوسف وفي قلب ياسر خوف كبير وفي قلب سما خوف اكبر لكن ياسر كان يطمن فيها
(في نظراتِ عينيّها ضيَاءٌ يُبهجُ القَلب 💙)
_____________________
وعند يوسف....💭
الي نهى اشغاله عن طريق الهاتف وقعد في الحوش فرحان ان جاسر قرر يروح اليوم ولم العيله كلها على الغداء
يوسف يهدرز هوا ومطلب وجواد
مطلب: ماحكش جاسر شن سبب العزومه
يوسف: مش معروف مزال
جواد : بالك ربي هداه ويبي يصالحك
مطلب: انا من وجهة نظري يا يوسف ضروري تلم عيالك وتحتويهم سادهم مرمده وبعد عنك تلقاهم في الاخير بكل هذوما عزومتك وسندك وهما الي طلعت بيهم من الدنيا
يوسف سارح: خير ان شاءالله
غزل في المطبخ هيا ومرات مطلب وسيرين والبنات يجهزو في الغداء
سيرين : ماقالش ليش العزومه هذي
غزل بتنهيده: الله اعلم على شن ناوي قلبي مش متريح
بسمه: استهدي بالله حبيبتي مطلب كان يحكيلي ان جاسر ممكن يبي يصالح باته ويعتذر منه
غزل بفرحه: ياريت ساد السنين الي عاشوها من دونه
بسمه طبطبت على يد غزل
غزل: أكيد مليون في المليون عدي اغسلي وجهك وتعالي خلينا نكملو الغداء فيسع
مشت بتنهيد وعيون سيرين وبسمه يلحقو فيها
غزل وهيا في طريقها للممر الي يشيل للحمام كانت حاسه بدوخه وفقدت توازنها لولا الكرسي الي مسكت فيه وقعمزت كانت ح اطيح هيا من اول ما ناضت الصبح تحس في روحها دايخه وتوا زادت معاها
قعمزت على الكرسي وهيا تحس في شي ينزل من انفها بحتت لقاته دم
صبت بالشويه وخشت للحمام غسلت وجها وخشمها وطلعت الكوجينة تساعد في البنات وماحطتش الموضوع في بالها ماتبش تشغل حد معاها
(وفي النهاية لن يبقى معك إلا من رأى الجمال في روحك، أما المُنبهرون بالمظاهر فيرحلون تُباعاً." 🍃)
_____________________
عند جاسر وياسر.......💭
في السياره الصمت كان سيد الموقف هما الاثنين عقولهم مش معاهم يفكرو شن بيصير وبالنسبه ل جاسر متحمس لكل شي بيصير في يوسف
واخيرا بعد ساعه درست السياره قدام بوابة المزرعه فتحلهم البواب وخشو وجاسر بعد درس سيارته بيب مرتين
فارس : انا توا نطلع نفتحله
يوسف : عدي
طبعا جاسر متفق هوا وفارس الي يفتحله الباب
فارس: اووووو نورت نورت الحمدالله على سلامتك
ياسر : الله يسلمك ياغالي
فارس : هاتو هاتو عليكم انا توا نشيلهن
جاسر برم على خوه الي كان الخوف والتوتر واضح عليه
جاسر: انا نخش الاول وانتو خشو ورايا على طول
ياسر بتوتر : تمام
يوسف يحكي هوا ومطلب وجواد
يوسف: كنهم معش خشو؟
جواد : صبي فراس شوفهم
فراس : حاضر
صبى فراس مع خشت جاسر
جاسر : السلام عليكم ياعيله 😏
الكل : وعليكم السلام
جاسر : طبعا كلكم تسألو انا ليش ليوم عزمت الكل ولازم...
وبرم على يوسف
جاسر بحده: نخش حوشك
يوسف يسمع فيه وعاقد حوجبه عرف ان ولده جايب مصيبه والي توقعه يوسف لحضتها ان يطلع متزوج من وراه وجاء بيحكي ويشوفو ياسر خاش من برا
يوسف قبل مايقول حرف تخش سما ورا ياسر طول
جاسر: نعرفكم على مرات خويا سما
مطلب وجواد : شنوووو
("وإيّاك أن تُعاتب من هُنت عليه، فلا عِتاب لمن استباح أذيّتك..🍃)
________________________
عند غزل وباقي البنات.....💭
سجود : خالتي انتي كل ماتكبري تزيدي سماحه فوتي كلامهم
غزل : ههههه نجك ليا انتي
سيرين بعقدة حواجب وضحكه
سيرين: باهي باهي ياسجود يعني انا الي عزوز
ريم : شنو نقول انا
بترد عليهم سجود وسمعو صوت يوسف عالي
غزل بخوف: شن في
سيرين : مشعارفه ان شاءالله مايتعاركو بس أنا بنطلع نشوف
غزل : راجيني
وطلعو كلهم من المطبخ متوجهات لمربوعة الرجاله
(الخوف من المستقبل ،والتفكير فيه مهلك جداً.)
____________________
يوسف بصوت عالي : انت كيييف ادير هكي من ورانا
ياسر: هذي حياتي انا حر
قرب يوسف من ياسر ومسكه من دبشه
يوسف: كيف حياتك كيف انا باتك وانا المسؤال على حياتك
سما بخوف وترعش: ياعمي افهم انا و....
يوسف بعصبيه: انتي سكري فمك
ياسر بعصبيه: هييي هييي هذي مراتي
خشت عليهم غزل وصبت في مكانها مصدومه
غزل بصدمه: ياسر انت امتى روحت ومن هذي جاسر شن في
يوسف بعصبيه: ولدك الي انتي دازتيه يقرا براا ماشي ومتزوج ومش حاسب حساب لحد
جواد يمسك في يوسف ومصدوم
جواد: يوسف اهدا البنت حامل
غزل بصدمه أكبر : وحامل
ياسر بكبر: هذي حياتي وانا حر فيها ونتزوج البنت الي انا نبيها
يوسف قدم بيضربه مسكوه جواد ومطلب
يوسف بعصبيه: مزال يقول حياتي مزال يقول حياتي
غزل: تبكي ليش ياسر ليش ادير هكي من ورانا في شنو قصرنا معاك عشان ادير فينا هكي
جاسر: امي ياسر مادارش حاجه غلط متزوج على سنة الله ورسوله
غزل ببكي وعصبيه: لكن من ورايااااا لا وجاي تبلغ فيا توا ومراتك حامل
يوسف: توا تاخذها وتطلع برا من حوشي
جاسر : خويا مايطلعش من حوشنا بيقعد هنا
يوسف: تمام تبي تقعد هنا اختار ....
ياسر:🔥
سما:😭
غزل:💔
صلوا على النبي ..💙
(يتبع...🍁)
(بقلم سيف الله... Nبوحجر)
أنت تقرأ
حرم العقيد (الجزء الثاني)
Actionروايه ليبيه ذات طبع حاد وغريب لرجل رمى القدر في طريقه فتاه تغير حياته وتقلبها رأساً على عقب عندما ادرك طريق النهايه زاره طيفها بحب وعشق اجتاحت قلب ميت قلب مثل الصخر وانقذته من بين الركام...🚬 لـ سيف الله ..🚬
