في الحياه هناڪ أشياء قد ڪتبت لنا ...
لا نستطيع أن نغادرها تبقى في داخلنا ...
حتى لو قررنا الأبتعاد عنها ...
لا تلبث أن تعود وتعيد ڪل احاسيسنا ...
ذڪريات لا تُنسى ..ودمعة تساوي عمرا ...
ونظرة تختصر الڪثير ..
أماڪن لا نُغادرها مهما ابتعدنا ...
وأُناس لا نودعهم مهما أَبْعدتْهُم المسافات ...
وعلى رف هذه الحياة ثمَّة ڪلمات لا تموت ..
نذڪر أياماً محمّلة بــآلصـور، بالأصوات، بالأشخاص ..
أشياء مُبعثرة..تُعبّر عَن تفاصيل لا نرغب بنسيانها ..
بــل لآ نسـتطـيع آلتخـلي عنهآ آبدا ..✋🏻
(قرأه ممتعه اتمنى ان تنال اعجابكم🌱)
بقلم سيف الله...🚬
وصل جاسر عند فارس وخش عليه سلموا وقعمزوا
فارس: كنك قالب وجك يابرو
جاسر: الننم يوسف مطلع جنوني ع الصبح يراجل مايفهمش مايفهمش تعرف نبي نمسكه ونفرغ مخزن كااامل في قلبه بالك نتريح ونبررد
فارس: وسع بالك في الاخير بكل هذا باتك
جاسر: مش باتي يافارس مش بااتي مستحيل اناااا يكون باتي بالشكل هذا مستحيل يرا محشم بيا في كل مكان
فارس: روق رووق اسمع كلمني احمد دايرين زرده العيله
جاسر: امتى ماكلمنش حد
فارس: كلمني وقال بيكلمك العيله كلها زردت بحر وهكي
جاسر بيتكلم قطع عليه صوت النقال بحت فيه لقاها رانيا ابتسم وبعدها عقد حواجبه
فارس بضحكه: لكبيده ولا كيف
جاسر بحده: صكر فمك مش شورك
ناض بالتلفون وطلع برا ولع دخان ويبرم ورد عليها♥
رانيا: قولي قولي وينك من بدري وانا نرن
جاسر: عليك كذب اول مارنيتي رديت
رانيا: اسكت خليني اندير شوية نكد مبردك
جاسر بضحكه: شن الجو
رانيا: بخير وانت
جاسر: لوز
رانيا: دوم عليك
جاسر قعمز ع الكرسي وطفى الدخان
جاسر: وعليك
رانيا: وين قاعد
جاسر: في الاستراحه مع فارس
رانيا: به مطولش روح نبي نهدرزوا
جاسر: به تبي حاجه توا
رانيا: سلامتك
صكر الخط وصبى وهوا يفكر كيف يزوجها وفي عداوه كبييره بين العيلتين خش لفارس وقعمز جنبه ويفكر ويفكر💭
(تحرمنا الظروف ويحرمنا القدر من الذين أحببناهم فقط بأجسادنا ..ولكن هم بالفؤأد باقون وبالأرواح متعلقون..وطيفهم لا يفارقنا وسماع صوتهم ينادينا..."
نعم إنه القدر مكتوب لكل البشر....
وجع الحب ...ورحيل الأحباب ...كلاهما أصعب..💔)
عند سجود ...💭
قعمزت ع الكرسي في الكافيتريا ومعاها جود وجاها فراس
سجود بتعب: الدكتوور الي دوته واجده صدعلي راسي مبرد وجه
فراس بضحكه: انتي كلهم يصدعولك في راسك وكلهم مبرد وجهم من تحبي بس فهميني
سجود: نحبك انت
جود: تحشمي يافرخه
فراس ب احراج: كيف
سجود: نيهههها نبصر راه تصدق روحك
فراس: خزي فرخه
سجود: في عينك عدي جيب حاجه ناكلوها خليك جنتل
جود بحده: ياكلبه كان ماقلتها ل امي مايقعد اسمي جود
فراس: من عيوني
سجود: غير بلا لقاقه وعدي جيب بنموت من الجوع جيب ببسي معاك
جود: شنو المجاعه هذي مش عطاك بابا فلوس في الصبح
سجود: خليهن ندسهن وعليش قاعد فراس ماد وجه اسكتي اسكتي خليني نرن ع كبيدتي
جود: خزي ماتحشمش
رنت سجود ع احمد وكان راقد
احمد: الوو
سجود: راقد يالفاشل
احمد: مزال بدري يامصيبه
سجود: نوض وانت ديما متمرقد مرقد جدي هذك صبي تعال شوف حبيبتك كنها جيعانه
احمد : وانتي امتى شبعتي اصلا
سجود: حي عليك قصدك انا مجاعه ومانشبعش وان باتب مايصرفش ومايوكلش فيا والله نقولها له وخليه يوريك ياعيل خزي خزي
احمد: مكثر دوتك صدعتي راسي
صكرت فيه وجه الخط وبحتت في جود الي منصدمه 😨
سجود: وانتي كنك تبحتي فيا اقلبي وجك
جود: غير نروحوا للحوش كان ماريشتك مايقعد اسمي جود
سجود: من بدري وانتي ساكنه مايقعد اسمي مايقعد اسمي غيريه وريحينا
جاهم فراس وجايب شاورما وببسي وقعمز معاهم🤍
سجود بضحكه: انت هكي حبيبي نجك ليا نجك ليا
فراس يضحك وياكل معاهم وجود صبت وخلتهم تحشمت من اختها😒
نمشوا عند غزل...💭
غزل : يوسف يوسف حبيبي نوض هيا
يوسف : كنك شن في
غزل: مش قلت بنمشي للكتيبه
قعمز يوسف ومشت غزل اديرله في القهوه وصبى للحمام دوش ونزل للطاوله وجابتله القهوه
يوسف : جاسر وين
غزل: ماروحش يوسف بالشويه عليه العيل قعد يطفش من الحوش
يوسف: خليه خليه هذا ولدي ورااجل هذا الصح
غزل تبحت فيه ومستغربه ويوسف يشرب في القهوه وساكت
ناض يوسف لبس وطلع للكتيبه وغزل تضم في الحوش
عند جميله بنت مطلب..💭
شافت نتيجتها وانصدمت كيف مش ناجحه في ماده خشت لقسم الامتحانات وانفصلت عليهم وقالوا ان انتي هذي درجتك وممنوع تراجع ورقتها خشت ع مكتب الدكتور متاع الماده ...
جميله بعصبيه: ممكن نفهم عليش مش ناجحه فيها الماده
سند: هه لانك مش مجاوبه
جميله بحده: جيبها الورقه نبي نشوف شن الي مش حالته
سند: المراجعه ممنوع
جميله: حسبي الله ونعم الوكيل فيك ياظالم
سند: نعاودلك الامتحان بشرط
جميله: نقعهن واشرب ميتهن شروطك
طلعت وخبطت الباب بقوه وسند يبحت في الباب ويفكر كيف يقهرها اكثر من هكي
طلعت جميله وهيا تبكي وروحت لحوشهم
عند مطلب ..💭
مقعمز في المستشفى وحاله تخش وحاله تطلع وجوه جميل
عند جواد...💭
قاعد في الكتيبه ويرجى في يوسف
خش يوسف صبى جواد سلم عليه وخش معاه للمكتب
يوسف بحده: جواد الموضوع معش ينسكت عليه كتيبة*** لاززم نمسحوها
جواد: يوسف انت عارف كمية السلاح الي عندهم والامكانيات تخاف بنمسحوهم يمسحونا
يوسف: الي عندهم انا نجيب اكثر واقوى منه والحرب ضدهم بدت
جواد يبحت في يوسف وخايف من الي بيصير
عند رانيا...💭
مقعمزه وتاكل ومعاها صاحباتها ويهدرزوا
روز: كولي بالشويه فضحتي بينا الناس يبحتوا فيك
رانيا: خليني ناكل مادخلنش بيهم
مريم: خززي ياهمجيه فضحتي بينا
رانيا متربعه وتاكل وتبحت فيهن ومش معدله ع كلامهن
روز بضحكه: حلال نصورك وندزلك للجاسر وانتي تاكلي هكي
رانيا: في عينك جاسر راضي بيا حتى وانا هكي
مريم: مستحيييل شايفك وانتي هكي وراضي بيك
رانيا: عينك
روز: هذي معش بتسكت وبتكملها عينك عينك
رانيا : عينك عينك
روز: اسكتي راهو انريشك
رانيا مسحت فمها وايديها وبحتت فيها بحده
رانيا: اسكتي راهو نمسح بيك
مريم بضحكه: شنو الاسلوب هذا
روز بضحكه: جااسر طلق فيها قعدت زيه
رانيا: الززح سكنتوا وانتو جاسر جاسر
روز ومريم بحتوا في بعضهم ويضحكوا
رفعت تلفونها انرن على حبيب قلبي
مريم: جاسرر
رانيا: عيينك بنرن ع الغالي
روز: من غير جاسر درتي حاجه جديده
رانيا: عيينك ضمي فمك بنرن ع بابا يروح بيا
مريم: انتي جايه تاكلي وتروحي
رانيا: ضمي فمك خليني نكلم
كلمت رانيا وباتها وجاها وهيا طالعه من الباب
رانيا:...🤨
فارس:....🤤
عند غزل..💭
غزل:...😨
سيرين:....😂
(يتبع...🍁)
(بقلم سيف الله....🚬)
(رايكم ومتنسوش التصويت....✨)
(ملاحظه: في تصويت وفي تفاعل ننشر حلقه ثانيه مافش تفاعل مافش حلقه ثانيه 👌🏻🔥)
أنت تقرأ
حرم العقيد (الجزء الثاني)
Actionروايه ليبيه ذات طبع حاد وغريب لرجل رمى القدر في طريقه فتاه تغير حياته وتقلبها رأساً على عقب عندما ادرك طريق النهايه زاره طيفها بحب وعشق اجتاحت قلب ميت قلب مثل الصخر وانقذته من بين الركام...🚬 لـ سيف الله ..🚬
