١٥____١٦
#ﺟﻤﻮﺡ__ﺍﻧﺜﻰ
#بارت15
ﺃﺗﻤﻨﻰ ﻟﻜـﻢ ﻗﺮﺃﻩ ﻣﻤﺘﻌﺔ 🌸
ﻧﻴﺮﺍﻥ 💙
ﺑﻌﺪ ﻣﺎﺭﺍﺣﻮ ﺍﻫﻞ ﻧﺎﻇﻢ ﺍﻧﻲ ﺫﺑﻴﺖ ﺭﻭﺣﻲ ﻣﺜﻞ ﺍﻟﻘﺘﻴﻠﺔ ﺑﺎﻟﻔﺮﺍﺵ ﻭﻧﻤﺖ ﻣﺎﺣﺴﻴﺖ ﻣﻨﺎ ﻟﻠﻤﻐﺮﺏ ﻋﻠﻰ ﺻﻮﺕ ﺃﻣﻲ ﺗﻮﻋﻲ ﺑﻴﻪ
ﻫﺰﺗﻨﻲ ﻣﻦ ﻛﺘﻔﻲ
،،، ﻧﻴﺮﺍﻥ ﻣﺎﻣﺎ ﻛﻮﻣﻲ ﻳﻠﻠﻪ ﺻﺎﺭ ﺍﻟﻤﻐﺮﺏ
ﻭﻋﻤﺘﺞ ﺍﻡ ﻋﻤﺎﺭ ﻫﻨﺎ ﻛﻮﻣﻲ ﺳﺄﻟﺖ ﻋﻠﻴﺞ
،،، ﺍﻣﻤﻢ ﺗﻤﻄﻴﺖ ﺑﻨﻌﺎﺱ
،، ﻛﻮﻣﻲ ﻳﺎﺍﻣﻲ ﻧﻮﻡ ﺍﻟﻤﻐﺮﺏ ﺣﻴﻞ ﻳﻜﺴﺮ
ﻭﻳﺠﻴﺐ ﺍﻟﻤﺮﺽ ﻟﻠﺠﺴﻢ ﺷﻮﻑ ﻭﺟﻬﺞ ﺍﺷﻮﻥ ﺻﺎﻳﺮ ﺍﺻﻔﺮ ﺻﺎﺭﻟﺞ ﻛﻢ ﻳﺮﻡ ﺗﻨﺎﻣﻴﻦ ﻟﻠﻤﻐﺮﺏ
،، ﺍﻱ ﻣﺎﻣﺎ ﺍﻱ ﻫﺴﻪ ﺍﻛﻮﻡ ﺳﺤﻠﺖ ﺭﻭﺣﻲ ﺳﺤﻮﻝ ﻣﻦ ﺍﻟﻔﺮﺍﺵ ﻭﻛﻤﺖ ﻏﺴﻠﺖ ﻭﺟﻬﻲ ﺍﺭﻳﺪ ﺍﺻﺤﺼﺢ ﻣﺎﻛﻮ ﺳﺤﺒﺖ ﺍﻟﺨﺎﻭﻟﻲ ﻧﺸﻔﺖ ﻭﺭﺟﻌﺖ ﻋﻠﻜﺘﻪ ﻭﺭﺣﺖ ﻟﻠﻬﻮﻝ ﻟﻜﻴﺖ ﻋﻤﺘﻲ ﻛﺎﻋﺪﺍ ﺍﻟﻲ ﻣﺰﻭﺟﺔ ﺑﺴﺎﻣﺮﺍﺀ ﺑﺎﻟﺴﻨﺔ ﻣﺮﺓ ﻟﻮ ﻣﺮﺗﻴﻦ ﺗﺠﻴﻨﺎ ﺑﺲ ﻫﻲ ﺣﺒﺎﺑﺔ ﻭﻛﻠﺶ ﻓﻘﻴﺮﺓ
،، ﻫﻼ ﻋﻤﺔ ﻧﻮﺭﺗﻲ ﺣﻀﻨﺘﻬﺎ ﺿﻠﺖ ﺗﺒﻮﺱ ﺑﻴﻪ ﻣﻌﻘﻮﻟﺔ ﺍﻟﻴﻮﻡ ﺍﻧﺘﻲ ﻋﺪﻧﺎ ﻛﺎﻣﻦ ﺍﻟﺒﻨﺎﺕ ﺑﻮﺟﻬﻲ ﺳﻠﻤﻦ ﻋﻠﻴﻪ ﻭﻳﺎﻫﺎ ﺑﻨﺎﺗﻬﺎ ﺍﺗﻼﺛﺔ ﻭﺣﺪﻩ ﻣﺰﻭﺟﺔ ﻭﺍﺑﻨﻬﺎ ﻋﻠﻰ ﺍﻳﺪﻫﺎ ﻛﻌﺪﺕ ﻳﻤﻬﺎ ﺑﻴﻦ ﺍﻟﺤﺠﻲ ﻭﺍﻟﺴﻼﻡ ﻭﺳﺆﺍﻝ ﻭﺟﻮﺍﺏ ﺻﺎﺭﺕ ﺍﻟﺼﻼﺓ ﺻﻠﻴﻨﺎ ﻭﺣﻀﺮﺕ ﺍﻟﻌﺸﺎ ﻣﺎﻣﺎ ﻟﺰﻣﺘﻬﻢ ﺻﺒﻴﻨﺎ ﺍﻟﻌﺸﺎ ﺿﻠﺖ ﻋﻤﺔ ﺗﺴﺄﻟﻨﻲ ﺍﺷﻮﻧﻲ ﻭﺷﺨﺒﺎﺭﻱ
،، ﺍﻛﻮﻝ ﻋﻤﺔ ﺭﺣﺘﻲ ﻟﺒﻴﺖ ﻋﻤﻮ ﻃﺎﺭﻕ ﻻ
،، ﺍﻱ ﺭﺣﺖ ﺍﻟﺼﺒﺤﻴﺔ ﻛﻠﻬﺎ ﻳﻤﻬﻢ ﻭﻏﺪﺍﻳﺔ ﻋﺪﻫﻢ
ﻋﻤﺞ ﻃﺎﺭﻕ ﺍﺗﺨﺮﺑﻂ ﺍﻟﻴﻮﻡ ﻭﺭﺷﻴﺪﻩ ﺷﺒﻌﺖ
ﺑﺠﻲ ﻋﻠﻴﻪ ﺧﻄﻴﺔ
،، ﻳﺎﺍ ﺳﻼﻣﺘﻪ ﺷﺠﺎﻩ
،، ﻣﻦ ﻭﺭﺍ ﺍﺑﻨﻪ ﺍﻳﺮﻳﺪ ﻳﻬﺎﺟﺮ ﻭﻫﻮ ﻣﺎﻳﻘﺒﻞ
ﻋﻠﻴﻪ ﻭﺻﺎﺭﺕ ﻣﺸﺎﺩﺓ ﻛﻼﻣﻴﺔ ﺑﻴﻨﻬﻢ ﻭﻋﻤﺞ ﻭﻛﻊ
ﺍﻣﻲ ﺟﺎﻭﺑﺘﻬﺎ
،، ﺷﻌﺠﺐ ﺣﺎﺗﻢ ﻋﺎﻗﻞ ﻣﺎﻳﻜﺴﺮ ﻛﻼﻡ ﺍﺑﻮ
،، ﻭﺍﻟﻠﻪ ﻳﻜﻮﻟﻪ ﻻﺧﻠﻴﺘﻨﻲ ﺍﺩﺧﻞ ﻛﻠﻴﺔ ﺿﺒﺎﻁ
ﻭﺣﺮﻣﺘﻨﻲ ﻣﻨﻬﺎ ﻭﻛﻤﻠﺖ ﺭﻏﻢ ﻋﻨﻲ ﺍﻟﻲ ﺭﺩﺗﻪ ﺗﺤﻠﻴﻼﺕ ﻳﻤﻜﻦ ﻣﻮ
ﺳﺄﻟﺘﻨﻲ
،، ﺍﻱ ﻋﻤﺔ ﺍﻋﺘﻘﺪ ﺗﺤﻠﻴﻼﺕ
،، ﻋﺎﺩ ﻛﺎﻳﻠﺔ ﺍﺭﻳﺪ ﺍﻃﻠﻊ ﺑﺮﺍ ﺍﻛﻤﻞ ﺩﺭﺍﺳﺘﻲ
ﻭﺍﺳﺘﻘﺮ
،، ﻭﺍﻟﻠﻪ ﻋﻤﺔ ﺍﺣﺴﻠﺔ ﻳﻜﻤﻞ ﺑﺮﺍ ﻣﻦ ﻫﻨﺎ
،، ﻣﺎﺍﻋﺮﻑ ﺑﻌﺪ ﻫﻮ ﺗﻨﺪﻡ ﻻﻥ ﻗﻬﺮ ﺍﺑﻮ ﻭﻛﻊ
ﻋﻠﻴﻪ ﻭﺻﺎﻟﺤﺔ ﺍﻧﻲ ﺗﺮﻛﺘﻬﻢ ﻭﺍﺟﻴﺘﻜﻢ ﻫﻢ
ﻣﺎﺭﺩﺕ ﺍﺑﻘﻰ ﻳﺠﻮﺯ ﻋﺪﻫﻢ ﺣﺠﻲ ﺑﻴﻨﻬﻢ
ﺗﻮﺳﻠﺖ ﺑﻘﺪﺭﻳﺔ ﺗﺠﻲ ﻣﺎﻗﺒﻠﺖ
ﺿﺤﻜﺖ ﺇﻣﻲ ﺍﻟﻬﺎ ﺑﺘﺮﺣﻴﺐ
،، ﻫﻼ ﺑﻴﺞ ﺩﺍﺩﻩ ﻛﻞ ﺍﻟﻬﻼ ﻗﺪﺭﻳﺔ ﻣﺰﺍﺟﻴﺔ
ﻛﺎﺿﻴﺘﻬﺎ ﺍﺑﻐﺪﺍﺩ ﻋﺪ ﺍﺧﻮﺝ ﺻﺎﺣﺐ
،، ﺍﻱ ﺩﺍﺩﻩ ﺷﻌﺪﻫﺎ ﺗﻠﺪ ﻭﻟﺪ ﺧﻠﻴﻬﺎ ﺑﺮﺍﺣﺘﻬﺎ
،،، ﺑﺎﺗﺖ ﻋﻤﺔ ﻋﺪﻧﺎ ﻓﺮﺷﺖ ﺍﻟﻨﺎ ﻛﻠﻨﺎ ﺑﺎﻟﺪﻳﻮﻧﻴﺔ
ﻭﻣﺎﻣﺎ ﺍﺗﺼﻠﺖ ﺑﻬﻨﺎﺀ ﻭﻟﻤﻴﺎﺀ ﺑﻠﻜﻲ ﻳﺠﻦ ﻭﺻﺪﻙ ﻧﺺ ﺳﺎﻋﺔ ﻭﺩﺧﻠﻦ ﻫﻨﻪ ﻭﺟﻬﺎﻟﻬﻦ ﻓﺮﺣﺎﻧﺖ
ﺑﺸﻮﻓﺔ ﻋﻤﺘﻲ ﻭﺿﻠﻴﻨﺎ ﺍﻟﻴﻞ ﻛﻠﻪ ﺳﻮﺍﻟﻒ ﻭﻣﺎﻣﺎ ﻗﻠﺖ ﺍﻟﻨﺎ ﺻﻴﻨﻴﺔ ﺣﺐ ﺻﺎﺭﺕ ﺍﻟﻤﺔ ﺣﻠﻮﺓ ﻋﻮﺯﻫﺎ ﺑﺲ ﻗﺪﻭﺭﺓ
ﺛﺎﻧﻲ ﻳﻮﻡ ﺭﺍﺣﻮ ﺍﻟﻀﻬﺮ ﻛﻠﻬﻢ ﺭﺍﺣﻮ ﻭﺍﻟﺒﻴﺖبيج قصص عراقيه حقيقيه من واقعنا.روعه الطائي
ﻓﺮﻍ ﻋﻠﻴﻨﺎ ﻛﻨﺖ ﻛﺎﻋﺪﺍ ﺃﻧﻲ ﻭﺍﻣﻲ ﺑﺎﻟﺤﺪﻳﻘﺔ ﻧﺸﺮﺏ ﺟﺎﻱ ﻧﻔﺘﺢ ﺑﺎﺏ ﺍﻟﺸﺎﺭﻉ ﻭﺩﺧﻞ ﺧﺎﻟﻮ
،،، ﺍﻟﻜﻮﻩ ﺍﺷﻮﻧﺠﻦ
،، ﻫﻼ ﺧﺎﻟﻮ ﺗﻌﺎﻝ ﺍﻛﻌﺪ ﺩﺍﺟﻴﺒﻠﻚ ﺟﺎﻱ
،، . ﻻﻻ ﻳﺎﺏ ﺗﻮﻧﻲ ﺷﺮﺑﺖ ﺑﺎﻟﺒﻴﺖ ﻣﺎﺭﻳﺪ ﺗﻌﺎﻱ ﻧﻴﺮﺍﻥ ﻳﺎﺏ ﺗﺠﻴﻦ ﻭﻳﺎﻳﺔ ﻟﻠﺒﺴﺘﺎﻥ ﺭﺍﺡ ﺍﺭﻭﺡ ﺑﺎﻟﻤﺎﻃﻮﺭ
،، ﻻ ﺧﺎﻟﻮ ﻓﺪﻭﺓ ﻣﺎﺑﻴﺔ ﻭﻛﻒ ﺣﻀﻨﻲ ﻭﺑﺎﺳﻨﻲ
ﺑﺨﺪﻱ
،، ﺧﻮﻣﺎ ﺯﻋﻼﻧﺔ ﻻﻥ ﺍﻟﺒﺎﺭﺣﺔ ﻣﺎﺧﺬﻧﺞ ﻭﻳﺎﻳﺔ
ﻋﻴﺐ ﻣﻨﺎ ﺍﺑﻮﻫﻢ ﻭﺍﺑﻨﻬﻢ
،، ﻻ ﺧﺎﻟﻮ ﻭﺍﻟﻠﻪ ﻣﺎﺯﻋﻼﻧﺔ ﻋﻠﻰ ﺷﻨﻮ ﻣﺎﺗﺴﻮﺍ
،، ﺩﻳﻠﻪ ﺭﺍﻳﺢ ﺃﻧﻲ
،، ﺍﻟﻠﻪ ﻭﻳﺎﻙ ﻃﻠﻊ ﻭﻃﺒﻜﺖ ﺍﻟﺒﺎﺏ ﻭﺭﺍ
ﻣﺎﻣﺎ ﺍﺧﺬﺕ ﺍﻟﺼﻴﻨﻴﺔ ﻭﺩﺧﻠﺖ ﺟﻮﺍ
ﺭﺣﺖ ﺷﻜﻠﺖ ﺍﻟﺼﻮﻧﺪﺓ ﻭﺷﻐﻠﺖ ﺍﻟﻤﻲ
ﻭﻛﻔﺖ ﺍﺭﺵ ﺍﻟﺤﺪﻳﻘﺔ ﻭﺍﻟﺘﻬﻴﺖ ﺍﻓﺘﺮ ﺑﺎﻟﺒﻴﺖ
ﺍﻟﻮﻛﺖ ﺑﺎﻟﻌﻄﻠﺔ ﻳﺼﻴﺮ ﺷﻄﻮﻟﺔ ﺻﺎﺣﺘﻨﻲ ﺃﻣﻲ
،، ﺗﻌﺎﻱ ﻧﻴﺮﺍﻥ ﺗﻴﻠﻔﻮﻧﺞ ﺩﺍﻳﺪﻙ
،، ﺳﺪﻳﺖ ﺍﻟﻤﻲ ﻭﺩﺧﻠﺖ ﻟﻠﻐﺮﻓﺔ ﺷﻠﺘﻪ ﺭﻗﻢ ﻧﺎﻇﻢ ﻓﺘﺤﺖ ﺧﻂ ﻭﻃﻠﻌﺖ ﻟﻠﺤﺪﻳﻘﺔ ﺍﺣﺠﻲ ﻭﻳﺎﻩ
ﻫﻼ ﻧﺎﻇﻢ ﻛﻴﻔﻚ
، ، ﻫﻼ ﺑﻴﺞ ﺷﻮ ﺍﻟﺒﺎﺭﺣﺔ ﻣﺎﻛﻮ ﻣﻐﻠﻖ ﻟﻴﺶ
،، ﻭﺍﻟﻠﻪ ﻋﺪﻧﺎ ﺧﻄﺎﺭ ﻭﺍﻟﺘﻬﻴﺖ ﺑﺎﻟﻲ ﻣﻮ ﻳﻤﻪ
ﺳﺤﺒﺖ ﺍﻟﻜﺮﺳﻲ ﻭﺧﻠﻴﺖ ﺭﺟﻠﻴﻪ ﻋﻠﻴﻪ
،، ﻫﻤﻢ ﺷﻜﻮ ﻫﺎﻱ ﺍﻟﻄﻜﻄﻜﺔ
،، ﻻ ﻣﺎﻛﻮﺵ ﺑﺲ ﺭﻓﻌﺖ ﺭﺟﻠﻴﻪ ﻋﻠﻰ ﺍﻟﻜﺮﺳﻲ
،،، ﻟﻴﺶ ﺣﺒﻴﺒﻲ ﻳﻮﺟﻌﻨﺞ
،، ﻻ ﻣﺎﺑﻴﺔ ﺍﻱ ﺍﺷﻮﻧﻚ
،، ﻭﺍﻟﻠﻪ ﺍﻟﺒﺎﺭﺣﺔ ﺃﻣﻲ ﺗﺨﺒﻠﺖ ﺑﻴﺞ ﺣﺒﺘﺞ ﻛﻠﺶ
ﻛﺎﻟﺖ ﺑﺲ ﺗﺨﻠﺺ ﻫﺎﻱ ﺍﻟﻤﺮﺣﻠﺔ ﺍﺭﻭﺡ ﺍﺧﻄﺒﻬﺎ
ﺍﻟﻚ ﻭﺍﺑﻮﻳﺔ ﻫﻢ ﻣﺎﻋﺎﺭﺽ ﺍﺭﺗﺎﺣﻠﻜﻢ ﻳﻜﻮﻝ
ﻧﺎﺱ ﻃﻴﺒﻴﻦ
،، ﻣﻮ ﺍﻃﻴﺐ ﻣﻨﻜﻢ ﻭﺍﻟﺨﻄﺒﺔ ﺑﻌﺪ ﻭﻛﺖ ﻋﻠﻴﻬﺎ
،، ﺷﻮ ﺍﺣﺴﺞ ﻣﺎﻗﺎﻧﻌﺔ
،، ﻻ ﻣﻮ ﻗﺼﺔ ﻣﺎﻗﺎﻧﻌﺔ ﺑﺲ ﻣﻨﺎ ﺍﻟﻮﻛﺘﻬﺎ ﺍﻟﻠﻪ
ﻛﺮﻳﻢ ﺑﻌﺪ ﺳﻨﺔ ﻛﺎﻣﻠﺔ ﻣﺎﺗﻌﺮﻑ ﺷﻴﺼﻴﺮ
ﻟﻮ ﺷﻴﺘﻐﻴﺮ
،، ﺧﻮﺵ ﻣﻦ ﺍﺗﺼﻞ ﺟﺎﻭﺑﻨﻲ ﻧﻴﺮﺍﻥ ﺣﺘﻰ ﻟﻮ
ﺑﺮﺳﺎﻟﻪ ﻗﺎﺑﻞ ﺑﺲ ﻃﻤﻨﻴﻨﻲ ﻋﻠﻴﺞ
،، ﺍﻥ ﺷﺎﺀﺍﻟﻠﻪ ﻳﻠﻪ ﺃﻣﻲ ﺗﺮﺍ ﺩﺍﺗﺮﺍﻗﺒﻨﻲ ﻻﻥ ﺍﻛﻌﺪ
ﺑﺎﻟﻐﺮﻓﺔ ﺍﺣﺠﻲ ﻭﻳﺎﻙ ﺩﺍﺷﻚ ﺑﻴﻪ ﻭﻫﺴﻪ ﻫﻨﺎ
ﺑﺎﻟﺤﺪﻳﻘﺔ ﻭﺣﺪﻱ ﻳﻠﻪ ﺑﺎﻱ
،، ﺍﻟﻠﻪ ﻭﻳﺎﺝ
ﺳﺪﻳﺘﻪ ﻣﻨﻪ ﺣﺴﻴﺘﻪ ﺿﺎﺝ ﻻﻥ ﻣﺎﻃﻮﻟﺖ ﻭﻳﺎﻩ ﺑﺎﻟﺤﺠﻲ ﺷﺴﻮﻱ ﻳﻌﻨﻲ ﺷﺤﺠﻲ ﺿﻠﻴﺖ ﺍﺑﺎﻭﻉ ﻟﻠﺮﻗﻢ ﺍﺷﻮﻥ ﺍﺣﺎﺟﻲ ﺭﻭﺣﻲ
ﻧﻴﺮﺍﻥ
ﺃﻧﺘﻲ ﻣﻘﺘﻨﻌﺔ ﻟﻮ ﻻ
ﺍﻟﺠﻮﺍﺏ
ﻻ ﺍﻱ
ﺍﺷﻮﻥ ﻳﻌﻨﻲ
ﻣﺎﺍﻋﺮﻑ
ﻣﺎﺍﻋﺮﻑ ﻛﻤﺖ ﺩﺧﻠﺖ ﻟﻠﻐﺮﻓﺔ ﻣﺎﻟﺘﻲ
ﻭﻛﻔﺖ ﻛﺪﺍﻡ ﺍﻟﻤﺮﺍﻳﺔ ﻭﺍﺣﺠﻲ ﻭﻳﺔ ﺭﻭﺣﻲ ﺍﺳﻮﻟﻒ ﻻﺃﻣﻲ ﻭﺍﺷﻮﻓﻬﺎ ﺷﺪﻛﻮﻝ ﻻ ﻻ ﺑﺲ ﺍﺣﺠﻲ ﺭﺍﺡ ﺍﺿﻞ ﻗﻠﻘﺔ ﻭﺍﻧﻮﺏ ﻫﻮ ﻫﻨﺎﻙ ﻳﻤﻲ ﺑﺲ ﺷﻨﻮ ﻳﺎﺏ ﻗﺎﺑﻞ ﻣﺎﻛﺪﺭ ﺍﺣﺎﻓﻆ ﻋﻠﻰ ﺭﻭﺣﻲ ﺍﻱ ﺍﻛﺪﺭ ﺍﺷﻮﻥ
ﺗﺆ ﺍﺷﻮﻥ ﻣﺼﻴﺒﺔ
ﻗﻔﻠﺖ ﺍﻟﺠﻬﺎﺯ ﻭﺷﻤﺮﺗﻪ ﻋﻠﻰ ﻓﺮﺍﺷﻲ ﻭﻃﻠﻌﺖ
ﺍﺟﺘﻲ ﺟﻴﺮﺍﻧﻪ ﺿﺮﺑﺘﻬﺎ ﺍﺑﺮﺓ ﻣﻦ ﻃﻠﻌﺖ ﻭﺭﺍﻫﺎ
ﻟﻠﺒﺎﺏ ﺷﻔﺖ ﻫﻮﺳﻪ ﺍﺑﺎﺏ ﺑﻴﺖ ﺧﺎﻟﻲ
ﺍﻧﺪﺍﺭﺕ ﺟﺎﺭﺗﻨﺎ
،، ﻭﻟﺞ ﻫﺎﻱ ﺑﻴﺖ ﺧﺎﻟﺞ ﻣﺪﺭﻱ ﺷﻌﺪﻫﻢ
،، ﻣﺎﻋﺮﻑ ﻭﺍﻟﻠﻪ ﺧﻠﻲ ﺍﺻﻴﺢ ﺃﻣﻲ ﺩﺧﻠﺖ
ﺍﺭﻛﺾ ﻣﺎﻣﺎ ﻭﻳﻨﺞ
،، ﺷﻜﻮ ﻳﺎﺳﺎﺗﺮ ﺗﻌﻴﻄﻴﻦ
. ، ﺑﻴﺖ ﺧﺎﻟﻮ ﻫﻮﺳﻪ ﻋﺪﻫﻢ ﻭﺻﻮﺕ ﻋﻤﺔ ﺗﻌﻴﻂ
. ، ﻳﻤﺔ ﺍﺳﻢ ﺍﻟﻠﻪ ﺍﺧﻮﻳﺔ ﺍﺷﺒﻴﻪ،،، ﺷﺪﺭﺍﻧﻲ
،، ﻟﺒﺴﺖ ﻋﺒﺎﺗﻬﺎ ﻭﺍﻧﻲ ﻫﻢ ﻟﺒﺴﺖ ﻭﻃﻠﻌﻨﺎ ﻧﺮﻛﺾ
ﺍﻟﺠﻮﺍﺭﻳﻦ ﻛﻠﻬﺎ ﻣﻠﺘﻤﻪ ﻭﻋﻤﺘﻲ ﻛﺎﻋﺪﻩ ﺗﻤﻠﺦ ﺑﺮﻭﺣﻬﺎ
أنت تقرأ
جموح اثنى
Adventureلا شيء عشوائي هنا، ولا شيء يُكتب بمحط الصدفة، كل شيء له سبب، كل حرفٍ وكل كلمة كُتبت قد كانت واقعًا، من حياتـي لاشيء عبثي، صدقوني لا شيء من نيران *ملاحظة/ القصة منقوله من الكاتبة داليا المسلم 🤍✨
