قصص عراقية:
٩__١٠
#ﺟﻤﻮﺡ_ﺍﻧﺜى
ﺑﺎﺭﺕ _9_
،،، 💚 ،،،
ﻧﻴﺮﺍﻥ
ﺛﺎﻧﻲ ﻳﻮﻡ ﻛﻌﺪﺕ ﻣﻦ ﺍﻟﻔﺠﺮ ﻗﺒﻞ ﺍﻟﺼﻼﺓ
ﺑﺪﻟﺖ ﻭﺣﻀﺮﺕ ﺭﻭﺣﻲ ﺍﻧﺘﻀﺮ ﻃﻼﻝ
ﺑﻴﻦ ﻣﺎ ﺃﻣﻲ ﺭﺗﺐ ﺍﻟﺮﻳﻮﻙ ﺗﺮﻳﻜﺖ ﺑﻼ ﺷﻬﻴﺔ
ﻏﺼﺐ ﻣﻨﻬﺎ ﺳﻤﻌﺖ ﺻﻮﺕ ﻫﻮﺭﻥ ﺍﻟﺴﻴﺎﺭﺓ ﺳﻠﻤﺖ ﻋﻠﻰ ﻣﺎﻣﺎ ﻭﺩﻋﺘﻠﻲ ﺑﺎﻟﺨﻴﺮ ﺑﺴﺖ ﺍﻳﺪﻫﺎ ﻭﻃﻠﻌﺖ ﺳﺪﻳﺖ ﺍﻟﺒﺎﺏ ﻭﺭﺍﻳﺔ
ﺷﻔﺖ ﺟﻼﻝ ﻭﺍﻛﻒ ﺍﺑﺎﺑﻬﻢ ﻣﺎﻫﺘﻤﻴﺖ ﻋﺮﻓﺘﻪ ﻋﻨﺪﻩ ﺷﻲﺀ ﺍﻳﺮﻳﺪ ﻳﺤﺠﻲ ﻻﻥ ﻣﻨﻀﺮﺓ ﺃﻣﺒﻴﻦ ﺩﺍﻳﻐﻠﻲ ﻏﻠﻴﺎﻥ ﺑﺪﺍﺧﻠﺔ ﻧﺰﻝ ﻃﻼﻝ ﻣﻦ ﺍﻟﺴﻴﺎﺭﺓ ﻭﺑﺎﻭﻉ ﻋﻠﻴﻪ ﻭﻋﻠﻴﻪ ﺭﺩﺕ ﺍﺻﻌﺪ ﺳﻤﻌﺘﻪ ﺻﺎﺡ
،،، ﻧﻴﺮﺭﺍﻥ
،، ﻓﺘﺤﺖ ﺑﺎﺏ ﺍﻟﺴﻴﺎﺭﺓ ﺍﻭﻛﻔﺖ ﺩﺭﺕ ﻭﺟﻬﻲ
ﻋﻠﻴﻪ ﺗﺤﺴﺮ ﺑﻐﻀﺐ ﻭﻛﺎﻟﻲ
،، ﺍﻥ ﺷﺎﺀﺍﻟﻠﻪ ﻳﺎ ﻧﻴﺮﺍﻥ ﻣﺎﺗﺘﻬﻨﻴﻦ ﺑﺤﻴﺎﺗﺞ
ﺑﺠﺎﻩ ﻫﺬﺍ ﺍﻟﺼﺒﺢ ﻭﺗﻠﻜﻴﻦ ﻋﺎﺭﺽ ﺑﻄﺮﻳﻘﺞ ﻭﻻﺗﻬﻨﻨﻴﻦ ﺑﺮﻭﺣﺘﺞ ﻫﺎﻱ
،، ﻫﻮ ﻳﺪﻋﻲ ﻋﻠﻴﻪ ﻭﺻﺎﺡ ﺍﻟﺠﺎﻣﻊ ﺍﻟﻠﻪ ﺍﻛﺒﺮ
ﻳﻨﺎﺩﻱ ﻟﻠﺼﻼﺓ ﻋﺎﻁ ﻋﻠﻴﻪ ﻃﻼﻝ
،، ﻭﺍﻟﺘﺎﻟﻴﻴﻴﻲ ﻭﻳﺎﻙ ﺟﻼﻝ ﻳﺰﺯﻱ ﻋﺎﺩ ﻓﻮﺕ
ﺍﺭﺟﻊ ﻧﺎﻡ ﻫﻮﺑﺪ
،، ﻣﺎﺭﺩﻳﺖ ﻋﻠﻴﻪ ﺻﻌﺪﺕ ﺑﺎﻟﺴﻴﺎﺭﺓ ﻭﺃﻧﻲ ﺳﺎﻛﺘﻪ
ﺻﺪﻙ ﻋﺼﺮﻧﻲ ﻛﻠﺒﻲ ﻋﻠﻴﻪ ﺣﺘﻰ ﻭﺟﻪ ﻣﺘﻐﻴﺮ
ﺃﻣﺒﻴﻦ ﻋﻠﻴﻪ ﺍﻟﺘﻌﺐ ﺿﻠﻴﺖ ﺩﺍﻳﺮﺓ ﻭﺟﻬﻲ ﺍﺑﺎﻭﻉ ﻟﻠﺸﺎﺭﻉ ﻭﻛﻠﻤﺎﺗﻪ ﻳﺪﻛﻦ ﺑﺮﺍﺳﻲ ﺷﺠﺎﻩ ﺗﺨﺒﻞ
ﻫﺬﺍ ﻣﺎﻛﺎﻥ ﻫﻴﺞ ﻭﺻﻠﻨﺎ ﻟﻨﺺ ﺍﻟﻄﺮﻳﻖ ﻏﻠﺒﻨﻲ ﺍﻟﻨﻌﺎﺱ ﻭﻧﻤﺖ ﻣﺎﺣﺴﻴﺖ ﻣﻨﺎ ﻟﻤﺎ ﻃﻼﻝ ﻛﻌﺪﻧﻲ
،، ﺍﻛﻌﺪﻱ ﻳﺎﺏ ﻧﻴﺮﺍﻥ ﺷﻨﻮ ﻣﺎﻧﺎﻳﻤﺔ ﻛﻀﻴﺘﻴﻬﺎ ﺷﺨﻴﺮ ﻋﻠﻴﻪ
،، ﻛﻌﺪﺕ ﻋﺪﻟﺖ ﻧﻔﺴﻲ ﻭﻓﺮﻛﺖ ﻋﻴﻮﻧﻲ
ﺍﺑﺘﺴﻤﺖ ﻛﺬﺍﺏ ﺍﻧﻲ ﻣﺎﺍﺷﺨﺮ ﻣﺎﻋﻨﺪﻱ
ﺟﻴﻮﺏ ﺷﻨﻮ ﻭﺻﻠﻨﺎ
،، ﻻ ﻭﻳﻦ ﺑﻌﺪ ﺍﻧﺰﻟﻲ ﻧﺎﻛﻞ ﻫﻨﺎ ﺑﻌﺪ ﻣﻮ
ﻫﺴﻪ ﻧﻮﺻﻞ ﻗﻄﻌﻨﺎ ﻫﺴﻪ ﻧﺺ ﺍﻟﻄﺮﻳﻖ
ﻧﺺ ﺍﻟﺴﺖ ﺳﺎﻋﺎﺕ
،، ﻧﺰﻟﻨﺎ ﺍﻛﻠﻨﺎ ﻭﻏﺴﻠﻨﺎ ﺍﺷﻮﻳﺔ ﺗﻤﺸﻴﺖ
ﺑﻴﻦ ﻣﺎ ﺟﺎﺑﻠﻲ ﻋﺼﺎﻳﺮ ﻭﺣﻠﻮﻳﺎﺕ ﺍﺧﺎﻑ ﺍﺟﻮﻉ
ﺍﻧﻲ ﺍﺻﻼً ﺍﺫﺍ ﺍﻃﻠﻊ ﺍﻟﻤﻲ ﻣﺎﺍﺷﺮﺑﺔ ﺑﺎﻟﺴﻴﺎﺭﺓ
ﻣﺎﺍﺣﺐ ﻫﺬﺍ ﺍﻟﻄﺒﻊ ﺍﻛﻞ ﺑﺎﻟﺴﻴﺎﺭﺓ
ﺑﻌﺪ ﻃﻮﻝ ﺍﻟﻄﺮﻳﻖ ﻭﺗﻌﺐ ﻧﻬﺪﻳﺖ ﻫﺪ ﺷﻠﺖ
ﻫﻢ ﺍﺷﻮﻥ ﻟﻮ ﺩﺍﻭﻣﺖ ﻳﻮﻭﻭﻳﺎﺍﻱ ﺗﻌﺐ ﻭﺻﻠﻨﺎ ﻟﻠﻜﻠﻴﺔ ﺩﺧﻞ ﻛﺪﺍﻣﻲ ﻃﻼﻝ ﻳﻤﺸﻲ ﻭﺃﻧﻲ
ﻭﺭﺍ ﺍﺑﺎﻭﻉ ﻗﻴﺎﻣﺔ ﻃﻼﺏ ﻭﻛﻠﻬﺎ ﻓﺮﺣﺎﻧﺔ ﺑﺪﺍﻳﺔ ﺳﻨﺔ ﻭﻃﻼﺏ ﺍﻟﻤﺮﺣﻠﺔ ﺍﻻﻭﻟﻰ ﺍﻣﺒﻴﻨﻴﻦ ﺍﻟﺘﻔﺘﺖ ﻟﻄﻼﻝ
ﻭﻧﻀﺮﺗﻠﻪ ﺑﻌﺪﻡ ﺭﺿﻰ
،، ﺍﺑﺘﺴﻢ ﺑﺤﻴﺮﺓ ﺷﻜﻮ ﻳﺎﺏ ﻟﻴﺶ ﻛﻠﺒﺘﻲ ﺍﻟﺨﻠﻘﺔ ﻳﻮﻟﻮ
.. ﺻﺪﻙ ﺗﺤﺠﻲ ﻃﻼﻝ ﻗﺤﻄﺖ ﻋﻨﺪﻙ ﻭﻣﻘﺪﻣﻠﻲ
ﻫﻨﺎ ﺑﺮﻃﻤﺖ ﺑﻘﻬﺮ
،، ﻳﻮﻟﻲ ﻋﺪﻟﻲ ﻭﺟﻬﺞ ﻣﻨﺎ ﺍﻟﺰﻟﻢ ﻭﺍﻟﻠﻪ ﺗﺘﻌﻮﺩﻳﻦ
ﻭﺗﺤﺒﻴﻨﻬﻢ ﻧﺎﺱ ﻃﻴﺒﺔ ﻭﺑﺴﻴﻄﺔ ﻭﺃﻫﻞ ﻋﺸﺮﺓ
ﻭﻛﺮﻡ ﺷﻮﻓﻲ ﺍﺷﻮﻥ ﺭﺍﺡ ﺗﺤﺒﻴﻬﻢ
،،، ﻳﺼﻴﺮ ﺧﻴﺮ ﻧﺸﻮﻑ
،، ﺍﻣﺸﻲ ﻧﺪﺧﻞ ﻟﻸﻗﺴﺎﻡ ﺍﻟﺪﺍﺧﻠﻴﺔ
،، ﺩﺧﻞ ﻭﺃﻧﻲ ﻭﺭﺍ ﺍﺑﺎﻭﻉ ﺑﺎﻟﻮﺟﻮﻩ ﺻﺢ ﺍﻟﻜﻠﻴﺔ
ﺍﻧﻔﺘﺎﺡ ﻭﺷﻲﺀ ﺣﻠﻮ ﺑﺲ ﻣﺎﺣﺒﻴﺘﻬﺎ ﺍﺧﺘﻨﻜﺖ
ﻭﻣﻨﺎ ﺣﺎﺭﺓ ﺗﻤﻮﺕ ﺍﺣﺲ ﺭﻭﺣﻲ ﻣﺎﻋﺖ ﻻ
ﻃﻼﻝ ﻻ ﺗﻘﻨﻌﻨﻲ ﺍﺩﺍﻭﻡ ﻫﻨﺎ ﻣﺎﺍﻛﺪﺭ ﻣﺎﺍﻛﺪﺭ
ﺭﺟﻌﻨﻲ ﻓﺪﻭﺓ
،، ﺍﺻﺒﺮﻱ ﺩﻛﻌﺪﻱ ﻫﻨﺎ ﻫﺴﻪ ﺍﺟﻲ
... ﺿﻠﻠﻴﺖ ﻛﺎﻋﺪﺍ ﺑﻴﻦ ﻣﺮﺍﺡ ﻛﻤﻞ ﺍﻻﻭﺭﺍﻕ ﺍﺑﺎﻭﻉ ﻟﻠﻄﻼﺏ ﺍﻛﺜﺮﻫﻢ ﺳﻤﺮﺍﻥ ﺑﺲ ﺣﻠﻮﻳﻦ ﻣﻤﻠﻮﺣﻴﻦ ﻓﺎﺕ ﻭﺍﺣﺪ ﻫﻮ ﻭﺻﺪﻳﻘﺔ ﻳﺤﺠﻮﻥ ﺟﻠﻔﻲ ﻣﺎﻓﻬﻤﺖ ﺑﺲ ﻛﺎﻟﻪ ﻃﺮﻛﺎﻋﺔ ﻋﻠﻰ ﺭﺍﺳﻚ
ﺷﻨﻮ ﻫﺎﻱ ﻃﺮﻛﺎﻋﺔ ﻳﻠﻪ ﺍﺳﺎﻝ ﻃﻼﻝ ﻋﻠﻴﻬﺎ ﺳﺎﻋﺔ ﻭﺭﺟﻌﻠﻲ ﻃﻼﻝ
،، ﻳﻠﻪ ﻛﻮﻣﻲ ﻧﺮﺟﻊ
،، ﻛﻤﺖ ﻭﻳﺎﻩ
ﺑﺎﻟﺴﻴﺎﺭﺓ ﺳﺎﻟﺘﻪ ﺍﻛﻮﻟﻚ ﻃﻼﻝ ﺷﻨﻮ ﻃﺮﻛﺎﻋﺔ
ﺿﺤﻚ
،،، ﺷﻨﻮ ﻫﻬﻪ ﺷﺒﺴﺮﻋﺔ ﺗﻌﻠﻤﺘﻴﻬﺎ
،، ﻻ ﺳﻤﻌﺖ ﺷﺒﺎﺏ ﻳﺤﺠﻮﻥ ﺑﻴﻨﻬﻢ
ﻗﻄﺐ ﺣﻮﺍﺟﺒﺔ ﻭﺗﻌﺼﺐ ﺩﺍﻳﺴﻮﻕ ﻣﺮﺓ ﻳﺒﺎﻭﻋﻠﻲ
ﻭﻣﺮﺓ ﻟﻠﻄﺮﻳﻖ
،، ﺷﻨﻮ ﻋﻠﻴﺞ ﻛﺎﻟﻮﻫﺎ
،، ﻻ ﻭﺍﻟﻠﻪ ﺍﺻﻼً ﻭﻻ ﺷﺎﻓﻮﻧﻲ ﺿﻬﺮﻫﻢ
ﻋﻠﻴﻪ ﺑﺲ ﺃﻧﻲ ﺳﻤﻌﺖ ﺣﺠﻴﻬﻢ
،، ﻋﻮﺩ ﻣﺼﻴﺒﺔ ﻣﻌﻨﺎﻫﺎ
ﻋﺎﺩﻱ ﺭﺍﺡ ﺗﺘﻌﺮﻓﻴﻦ ﻋﻠﻰ ﺣﺠﻴﻬﻢ ﻣﺎﺑﻴﻬﺎ ﺷﻲ ﻭﺍﺣﺪ ﻻﺯﻡ ﻳﺘﻌﻠﻢ ﻭﻳﺸﻮﻑ ﻏﻴﺮ ﻟﻜﻨﺎﺕ ﻭﻛﻠﻤﺎﺕ ﺗﻔﺮﻕ ﻋﻦ ﻛﻼﻣﻨﺎ ﻫﻮﺍﻱ ﻛﻞ ﻛﻠﻤﻪ ﺍﻟﻬﺎ ﻣﻌﻨﻰ
ﺗﺘﻌﻠﻤﻴﻦ ﻭﺗﺠﻴﻨﺎ ﺗﺤﺠﻴﻦ ﻛﻠﻪ ﻣﺜﻠﻬﻢ
ﺿﻞ ﻳﻀﺤﻚ ﻋﻠﻴﻪ
،، ﺧﻮﺵ ﻫﺎﻱ ﺍﺫﺍ ﺑﻘﻴﺖ ﻫﻨﺎﻙ ﺭﺟﻌﻨﺎ ﻟﻠﻴﻞ ﻃﺒﻴﻨﺎ ﺍﻟﺪﺟﻴﻞ ﺑﻮﺟﻬﻲ ﻟﻠﺤﻤﺎﻡ ﺳﺒﺤﺖ ﻭﻧﻤﺖ ﺣﺴﺒﺎﻟﻚ ﻋﺎﺑﺮﺓ ﻗﺎﺭﺓ ﻻﻥ ﻣﺎﻣﺴﺎﻓﺮﺓ ﻗﺒﻞ ﻫﺎﻱ ﺍﻭﻝ ﻣﺮﺓ
ﺛﺎﻧﻲ ﻳﻮﻡ ﺳﻮﻟﻔﺖ ﻟـ ﺃﻣﻲ
،، ﻳﻤﺔ ﺑﻌﻴﺪ ﻭﻫﻮﺳﻪ ﻣﺎﺣﺒﻴﺖ ﺍﻟﻤﻜﺎﻥ
،، ﻟﻴﺶ ﺣﺒﻴﺒﺘﻲ ﻭﺍﻟﻠﻪ ﺗﺘﻌﻮﺩﻳﻦ ﻫﻮ ﺍﻛﻮ ﺃﺣﻠﻰ
ﻣﻦ ﺍﻟﺒﺼﺮﺓ ﺗﺨﺒﻞ ﻫﻲ ﻭﻧﺎﺳﻬﺎ
،، ﺷﻨﻮ ﺭﺍﻳﺤﺘﻠﻬﺎ ﺇﻧﺘﻲ
،، ﻻ ﻭﻳﻦ ﻻﺭﺍﻳﺤﺔ ﻭﻻ ﻭﺍﺻﻠﺔ ﺑﺲ ﺍﺑﻮﺝ ﻛﺎﻥ ﺻﺪﻳﻘﺔ ﻣﻨﺎﻙ ﻭﻛﻢ ﻣﺮﺓ ﺭﺍﺡ ﻭﺣﺠﺎﻟﻲ
،، ﺩﺧﻞ ﺧﺎﻟﻮ ﻭﻃﻼﻝ ﻛﺎﻣﺖ ﻣﺎﻣﺎ ﺻﺒﺖ ﻏﺪﻩ
ﺟﻠﺒﺖ ﺑﺨﺎﻟﻮ ﻃﻼﻝ ﻛﺎﻟﻲ
،، . ﻻ ﺍﺿﻠﻴﻦ ﺗﻨﻜﻴﻦ ﻭﺍﻟﺨﻠﻘﺔ ﻣﻜﻠﻮﺑﺔ
ﺩﺍﻭﻣﻲ ﻫﺬﺍ ﺍﻻﺳﺒﻮﻉ ﺍﻟﺴﺒﺖ
ﺭﺍﺡ ﺗﻄﻠﻊ ﻛﻴﺔ ﻣﻨﺎ ﻭﻳﺎﺝ ﻭﻟﺪ ﺍﺗﻼﺛﺔ ﻭﺍﺣﺪ ﺑﻴﻬﻢ ﺍﺧﻮ ﺻﺪﻳﻘﻲ ﻭﺑﻨﺎﺕ ﺍﺭﺑﻌﺔ ﻫﻢ ﺑﻴﻦ ﻣﺎﺳﻮﻳﻠﺞ ﻧﻘﻞ ﺑﺤﺠﺔ ﻋﻨﺪﺝ ﻣﺮﺽ ﻣﺰﻣﻦ ﻭﻣﺎ ﺗﻜﺪﺭﻳﻦ ﺗﺒﻌﺪﻳﻦ
ﻋﻦ ﺍﻫﻠﺞ ﻛﻞ ﻫﺎﻱ ﺍﻟﻤﺴﺎﻓﺔ
،، ﻳﻌﻨﻲ ﻳﺼﻴﺮ
،، ﺍﻱ ﻳﻤﻌﻮﺩﺓ ﻛﻠﺸﻲ ﻳﺼﻴﺮ ﺑﺎﻟﻔﻠﻮﺱ
،، ﺧﺎﻟﻮ ﻳﺸﺮﺏ ﺟﻜﺎﻳﺮ ﻭﺻﺎﻓﻦ ﺳﺎﻟﺘﻪ ﻣﺎﻣﺎ
،، ﺷﻜﻮ ! ﺍﺑﻮ ﻃﻼﻝ ﺍﺷﺒﻴﻚ ﺷﻮ ﻣﻬﻤﻮﻡ
( ﻃﻔﺔ ﺍﻟﺠﻜﺎﺭﺓ ﺑﺎﻟﻨﻔﺎﺿﺔ ﻭﺫﺏ ﺣﺼﺮﺓ )
. ،،، ﻭﺍﻟﻠﻪ ﺷﻜﻮﻟﺞ ﻳﺎ ﺳﻨﺎﺀ ﻫﺬﺍ ﺟﻼﻝ ﻣﻮﺷﻲ ﺻﺎﻳﺮ ﺑﺪﺭﺍﺳﺘﺔ ﻣﺘﺮﺍﺟﻊ ﻭﻣﺘﻐﻴﺮ ﻭﻳﺮﺍﺩﺩ ﺑﺎﺍﺧﻮﻩ ﻣﺘﻐﻴﺮ ﻓﺪﻧﻮﺏ ﺣﺘﻰ ﺍﻟﻴﻪ ﻣﺘﻤﺮﺩ ﻋﻠﻴﻪ ﻣﺎﻳﺴﻤﻊ
ﺣﺠﻴﻲ
( ﺭﺩﻟﻪ ﻃﻼﻝ )
،، ﻳﺎﺑﺔ ﺍﺗﺮﻛﺔ ﻫﻮ ﺗﻌﺒﺎﻥ ﻣﻦ ﺍﻟﺪﺭﺍﺳﺔ
،، ﻣﻴﺨﺎﻟﻒ ﺑﺲ ﻟﻴﺶ ﻣﺨﻠﻲ ﺍﺑﺎﻟﻪ ﻳﺮﻭﺡ ﻳﺸﺘﻐﻞ
ﻭﻳﻌﻴﺶ ﺍﺑﻐﺪﺍﺩ ﻟﻴﺶ ﻭﻝ ﻳﺎﺏ ﺃﻧﻲ ﺷﻌﻨﺪﻱ ﻏﻴﺮﻛﻢ ﺷﻐﻴﺮﻩ ﻫﻞ ﺍﻟﺪﻭﻧﻲ ﺑﺲ ﻻ ﻣﺮﺍﻓﻜﻠﺔ ﺷﻠﺔ ﻣﺎﻝ ﻫﺘﻠﻴﺔ ﻋﻔﻄﻴﺔ ﻭﺩﺍﻳﻌﻠﻤﻮ ﻫﻴﺞ
،،، ﻳﻤﻌﻮﺩ ﺍﺑﻮ ﻃﻼﻝ ﺷﺠﺎﻙ ﺟﻼﻝ ﻣﺆﺩﺏ
ﻣﺎﻳﺴﻮﻳﻬﺎ ﺍﺗﺮﻛﺔ ﻻﺗﻀﻐﻂ ﻋﻠﻴﻪ ﻫﻮ ﻣﻦ ﻛﻴﻔﺔ
ﻳﻌﻘﻞ
،، . ﻃﻼﻝ ﺑﺎﻭﻋﻠﻲ ﻭﻧﺼﺔ ﺭﺍﺳﻪ ﻛﺄﻧﻮ ﺩﺍﻳﻜﻠﻲ
ﺇﻧﺘﻲ ﺍﻟﺴﺒﺐ ﺍﻧﻲ ﺷﻨﻮ ﺷﺴﻮﻳﺖ ﻟﻴﺶ ﻣﻮ ﺍﻧﺖ
ﺍﻟﺴﺒﺐ ﻧﺒﺼﺖ ﺭﻭﺣﻚ ﺑﻴﻨﺎﺗﻨﺎ ﻭﻛﺮﻫﺘﻨﻲ ﺑﻴﻜﻢ
ﻛﻠﻴﺎﺗﻜﻢ
،، ﺍﻟﺠﻤﻌﺔ ﻣﺎﻣﺎ ﺣﻀﺮﺗﻠﻲ ﻣﻌﺠﻨﺎﺕ ﻭﺍﻛﻞ ﺳﻔﺮﻱ ﺟﻨﻄﺔ ﺗﺮﺳﺘﻬﺎ ﻭﺭﺗﺒﺖ ﻣﻼﺑﺴﻲ ﺍﺟﻨﻲ ﺧﻮﺍﺗﻲ ﺑﺎﺗﻦ ﻋﺪﻧﺎ ﻭﺍﻟﻠﻴﻞ ﻛﻠﻪ ﻫﻨﺎﺀ ﺗﺤﺠﻲ ﻭﻳﺎﻳﻪ
أنت تقرأ
جموح اثنى
Avventuraلا شيء عشوائي هنا، ولا شيء يُكتب بمحط الصدفة، كل شيء له سبب، كل حرفٍ وكل كلمة كُتبت قد كانت واقعًا، من حياتـي لاشيء عبثي، صدقوني لا شيء من نيران *ملاحظة/ القصة منقوله من الكاتبة داليا المسلم 🤍✨
