الحب الخاطئ الجزء الاول

24

24
عند ندي نزلت تقابل رافت بعد ما عرفت قاسم وبنتها ولكن قاسم رفض وكان هيكلمه لكن تقي قالت تنزل الاول تشوف عايز ايه وبعدين يكلمه
وفعلا نزلت لقيته قاعد مستنيها ولما شافها قام وقف وزقي ليها كرسي وقاعدت....
ندي باجراج..... شكرا
رافت قعد وقال..... تشربي ايه
ندي بجديه..... مفيش داعي ممكن اعرف حضرتك عايزني في ايه مش موضوع الطلاق خلص
رافت بجدية..... هو خلص فعلا انا عايزك في موضوع تاني اذا سمحتي
ندي بجديه..... اتفضل
رافت..... انا هدخل في الموضوع علي طول انا عندي 36 سنه وعندي تلات اولاد اكبر وحد فيهم11 سنه
واصغر واحد فيهم 5 سنين ومراته ماتت من خمس سنين وهي بتولده
ندي باستغراب..... الله يرحمها بس انا ايه علاقتي بل الموضوع
رافت بجدية..... تتجوزيني
ندي بصدمه..... نعم
رافت بجدية ...... بقولك تتجوزيني
ندي.... انت مجنون يا جدع انت مش شايف فرق السن
رافت بهدوء..... هما اربع سنين مش كتير يعني
ندي...... انا مش موافقه
رافت ابتسم بهدوء.... طيب ممكن افهم انتي رافضة ليه احنا هنتجوز فين المشكلة هو السن اللي عامل مشكلة بس ولا في حاجة تانية ممكن تفهمني وجهه نظرك
ندي بتوتر...... السن اول حاجه اني هتجوز واحد اصغر مني 4 سنين دي مش حلوة و تاني حاجه انا مش. عايزة اتجوز كفاية اللي شوفته في. جوزتي الاولي
رافت ابتسم...... بس انا مش زيه وممكن تسالي قاسم عني هيقولك ثانياً بقي السن ده مجرد رقم مش اكتر ودول اربع سنين مش كتير اوي يعني
ندي...... معلش شوف واحده تنسبك بعد اذنك
وروحت البيت وحكت اللي حصل وقاسم قال بهدوء..... رافت محترم اخر حاجه وهيصونك
تقي..... ليه رفضتي يا ماما كنتي عيشي حياتك يا حبيبتي ليه تعملي كده مش كفاية الحزن اللي عشتيه والسن مجرد رقم
ندي بدموع...... مش عايزة اخوض تجربة جواز تاني
وبعدين انا خلاص رفضته مفيش داعي للكلام عن اذنكم
ودخلت وتقي محبتش تضغط عليها
لكن رافت اتصل علي قاسم وقاسم ابتسم.
قاسم..... حبيبي عامل ايه
رافت..... الحمدلله بخير انت عامل ايه والمدام والولاد
قاسم.... كلنا تمام
رافت بهدوء..... بقولك انت فاضي بكره عايز اجاي اتكلم معاك
قاسم ابتسم...... علشان موضوع حماتي مش كده.
رافت اتصدم..... هي قلتلك
قاسم..... امال هتجي تقبلك وتخبي. علينا
رافت بهدوء...... بص يا قاسم من غير لف ولا دوران وانت عارف اني دغري انا عايز اتجوز ندي اتصرف بقي ولين. دماغها ناحية الموضوع عشان معرفتش اقنعها
قاسم..... الاول نعرف ابنها الاول وبعدين. نقنعها
رافت بهدوء....... ابنها اللي كان عايز يتجوزها ده كلتم يا اخي
قاسم..... هو جه واعتذار وهي سامحته
رافت..... المهم توافق انتوا حرين المهم توافق ها اجاي امتي
قاسم..... خلاص استني مني مكالمه وهقولك فيها تمام بس اكلم ابنها ونتفق
رافت بهدوء.... خلاص تمام
❤❤❤❤❤❤❤❤❤❤❤❤❤❤
عند قاسم كلم ممدوح وقاله يجي يقبله وكل ده وهو ميعرفش اللي حصل لاخته
وجه بطيارة في خلال خمس ساعات
ممدوح دخل سلموا علي بعض ومامته كمان فرحت لما شفته
وبعد السلام قاسم اخد ممدوح في اوضة المكتب لوحدهم
ممدوح..... في ايه ياعم انت خضتني
قاسم.... امك متقدملها عريس
ممدوح وقف بصدمه...... نعم
قاسم..... ايه بقولك امك متقدملها عريس
ممدوح.... انت اتجننت ولا ايه يا قاسم
قاسم ببرود..... بقولك ايه يا ممدوح ايه الجنان علي الاقل تعوض البهدله اللي شفتها مع ابوك قبل ما يموت سابها تعيش حياتها سعيدة مره واحده وبلاش انانية.
ممدوح برفض..... امي كبيرة علي الكلام ده
قاسم..... امك اربعين سنه مش كبيرة ولا حاجه عيب عليك لما تبقي اناني كده وتوافق ان ابوك يا تجوز علي امك ويقعدها في اوضه المخزن ده العيب بجد
ممدوح..... الشرع محلله اربعه
قاسم..... وهي كمان الشرع محلل ليها تتجوز بعد العدة والعدة بتاعتها عدت ولا ايه يا ممدوح
ممدوح مش عارف يتكلم ولا يقول اي حاجه
قاسم...... انت هتخرج بره هتقنع امك وباين انت موافق الرجل محترم
ممدوح.... مين ده
قاسم..... المحامي اللي كان معاها في القضية
ممدوح..... بس ده شكله اصغر من امي
قاسم..... اصغر منها باربع سنين بس مش كتير يعني
ممدوح.... وانت عرفت منين انه محترم
قاسم ..... ده صاحبي يعم وعارف اخلاقة
ممدوح..... خلاص ماشي
وخرجوا هما الاتنين وقعدوا معهم وحاولوا يقنعوها
وفعلا وفقوا وجه بعد يومين اتقدم رسمي
رافت وهو معه والده و والدته وبعد الضيافة
رافت.... طيب انا جاي انهارده اتقدم لمدام ندي
وليا الشرف طبعا
ممدوح..... واحنا لينا الشرف نناسب ناس زيكوا
رافت مكنش لسه تقبله بسبب اللي عمله مع امه
ولكن ابتسم ابسمه صغيرة وقال..... ربنا يديم النسب بينا يارب
قاسم...... يارب نتكلم في التفاصيل
ندي اتكلمت..... وانا مش عايزة حاجه غير ان اعيش بحترم مش اكتر من كده
والدته اتكلمت بتكبر وقله ذوق ..... فعلا انتي سنك كبير ومش بنت بنوت نسيب الكلام ده للبنات
رافت بص لقمه بعصبية
ندي ردت بثقة وقالت...... والهي يا مدام ابنك كمان مكنش عازب ومفيش بنت هتقبل تتجوز واحد معه تلات عيال تربيهم بدل متعيش حياتها في الجواز لا تقعد تربي العيال وبعدين لو عندك حد موافق مضعيش وقت حضرتك مع اللي مش بنت ولا صغيرة في السن
ولسه هتدخل اوضتها رافت قام وقال بسرعة.... مدام ندي اتمني متزعليش من ماما متقصدش صدقيني اتفضلي متزعليش وحقك عليا انا
قاسم..... اقعدي يا حماتي
ونظر لرافت ....... اسمعني يا رافت لو انت هتاخدها علشان مامتك تهنها وتبهدلها انا مش هسمح بكده نهائي علشان على نور من الاول
رافت اتحرج..... لا يا قاسم انت عارف ان كرامه مراتي من كرامتي وانا مش هسمح لحد انه يهنها هي في عيني
ممدوح..... يبقي اتفقنا
نتكلم بقي وقعدوا يتكلموا في التفاصيل وقرواء الفتحة

وبعد مرور شهرين علي ندي ورافت اتجوزوا وعاشوا مع بعض حياة سعيدة حتي مع معامله مامته القاسية في بعض الاحيان ولكن هو بيجيب ليها حقها
والاولاد حبوها جدا حتي فرح بقت تنادي ليها يا ماما زي اخواتها
وبكده حكاية ندي و رافت خلصت
اسفه اني بجري الرواية

البارت الجاي هيتكلم عن مني وادهم ومصطفي فقط