الحب الخاطئ الجزء الاول

الاول

البارت الاول
في احدى المناطق القاهره الساعه الثالثه فجراً كانت تجلس فتاة ترتدي الاسدال وتجلس علي سجادة الصلاه وهي تبكي بدموع وقهر وتنادي ربها وتقول له
يارب ارحميني يارب انا خلاص معدتش قدره بموت بل البطئ يارب انت مبتديش حد فوق مقدرته انا معدتش قادرة اعيش كده اتولدت يتيمة واهلي علي قيد الحياة كان نفسي امي تجي تخدني في حضنها تحسسني بل الاحساس اللي انا محرومه منه كان نفسي ادوق طعم حضنها وكان نفسي تشجعني وتقولي كلمه حلوة كان نفسي ابويا يكون الامان والسند ويدعمني كان نفسي احضنه و احس الاحساس حضن الاب والابن كان نفسي اتعلم واكون دكتورة كان نفسي اعيش حياة هادية وكويسة كان نفسي اب وام يسألوا عليا ويقولوا كالت ولا لاء متغطية ولا باردنه كويسة ولا تعبانة كان نفسي احسن اني بنتهم مش شغاله عندهم يارب ارحمني ونجيني و حنن قلوبهم عليا يارب
خلصت الدعاء بتاعها وقامت تقرأ في القرآن الكريم
😭😭😭😭😭😭😭😭😭😭😭😭😭😭
الساعه السادسة صباحا
كانت فاطمه قامت ودخلت اوضه مني وقالت
فاطمه بقسوة..... انتي يا زفته قومي
مني كانت نايمة من ساعة واحده بس
مني بتعب..... نعم يا ماما
فاطمة بزعيق..... مقمتيش حضرتي الفطار ليه ياختي تاني مره انا مش هاجي اصحكي بأيدي المره الجاي الحزام هينزل علي جسمك يقطعك قومي فزي حضري الفطار علشان ابوكي قومي قامت قيامتك
مني قامت بدموع وقالت حاضر هغسل وشي وجاية
فاطمة..... ليه ياختي هنستني معاليكي علشان تغسلي وشك قومي يا بت علي المطبخ دلوقتي حالا خمس دقايق والفطار يكون جاهز اخلصي
مني بخوف ودموع..... حاضر حاضر وجريت علي المطبخ بسرعة تحضر الفطار بتاعهم
حضرت الفطار بسرعة واتحرقت من الطاسة بسبب السرعة عيطت جامد وحطت ايديها في المياة ودخلت فاطمه المطبخ وزعقت فيها.... متخلصي يا بت ايه اللكاعه دي
مني بدموع..... معلش اصل ايدي اتحرقت من الطاسة
فاطمه..... ان شالله تولعي الاكل لو مخرجش علي السفرة هيكون يومك اسود
مني بدموع...... حاضر حاضر
فاطمه خرجت ومني بسرعة خرجت الاكل وحطته علي السفرة
فاطمه..... الاكل جاهز يا حج
حسن...... ماشي
قاعدوا علي السفرة ومني دخلت المطبخ علشان تفطر فيه وافتكرت وقت ما كانت في اولى اعدادي
فلاش باك
كان حضروا الفطار هي وفاطمه وخرجوا علي السفرة وقاعدوا كلهم
وحسن لما شافها قاعده علي السفرة قال...... من هنا ورايح اكلك يكون في المطبخ متكليش معانا علي السفرة تاني
مني ببراءة...... ليه يا بابا
حسن بقسوة...... انتي زيك زي الكرسي مترح ما اقول اقعدي تقعدي من غير متتكلمي وعلشان قله ادبك دي وردك عليا ملكيش فطار ووقت الغداء هتكلي في المطبخ انتي سامعه
مني بخوف ورعب وبكاء..... حاضر حاضر وجريت علي الاوضة بتاعتها
باك
مني كانت بتفتكر وهي بتبكي من كمية الوجع والعذاب اللي عاشت فيها اللي مصبرها اخوها خالد اللي مسافر في ندوه وتقريبا علي طول مسافر وقت اما بيكون موجود بيخليها تاكل علي السفرة معاهم
ولما ابوها بيعرض مش بيرضى ياكل علشان كده بيوفقوا
💔💔💔💔💔💔💔💔💔💔💔💔💔💔
في بيت قاسم كان نايم ومراته كانت بتحضر الفطار
وخلصت وراحت تصحية...
تقي...... قاسم يا قاسم
قاسم فتح عينه وملامحه كلها قسوة.... عايزه اية
تقي بخوف...... انا جهزت الفطار
قاسم بعصبية.... خلاص غوري
تقي بدموع..... حاضر
قاسم قام دخل المرحاض واخذ شاور و خرج كان ولاده تقي بتفطرهم جلس علي السفرة وابتداء ياكل ومعبرش مراته لان الست بتاكل بعد الراجل يعني تقي تاكل بعد اما يخلص اكل هو
خلص اكل وباس ولاده وخرج علي شغله
اما تقي جلست تبكي بعد خروجه بوجع
😭😭😭😭😭😭😭😭😭😭😭😭😭😭
عند فارس كان يفطر هو وابنه مازن
لكن ملك وخديجة يأكلوا في المطبخ ودي قواعد أسرتهم
فارس بحب... كل يلا يا حبيبي
مازن ببراءة..... هو ليه ملك وماما بيأكلوا في المطبخ مش معانا
فارس بقسوة..... الستات مكانها المطبخ يا حبيبي الرجالة بس اللي بيقعدوا علي السفرة هما مكانهم الارض واتعلم ان انت ملك والست دي مجرد جارية بتخدم وبس
مازن مكنش فاهم حاجه من اللي بيقولها لكن هز راسه فقط اما خديجة كانت سامعه كل ده وهي بتحول تداري دموعها وبعد خروج فارس من البيت راحت لمازن ابنها وقالت..... تعالي يا مازن
مازن راح لمامته وقال..... ونعم يا ماما
خديجة بحب.... بص يا قلب ماما اختك ملك دي تؤامك روحك و روحها مسكين في بعض كده هقولك زي ايه زي العربية اللعبة دي انت من غير الريمود بتاعها تقدر تخليها تمشي مكان ما انت عاوز
مازن.... لا يا ماما مش هينفع غير لما امشيها بأيدي وكده هتكون ممله
خديجة.... بظبط كده يا قلبي انت وملك اختك حبيبتك انت وهي عاملين زي العربية دي مينفعش تبعدوا او انك تعاملها وحش لا اختك دي تبقي في قلبك ولو حد حاول يأذيها انت الدرع الحامي ليها
اي كلام بابا هيقولوا متسمعش منه واوعي تقوله اللي انا قولته لك ده ماشي اختك طول ما بابا موجود متكلش معها ولما بابا يمشي كل انت وهي من طبق واحد واكلها بأيدك وخدها والعبوا سوا بس اوعي تقول لحد ولا حتي بابا ماشي يا عمري
مازن ببراءة...... بس ليه مقولش لحد
خديجة...... علشان ده سر و لما تكبر هتعرف ليه افضل بقي اعمل كده لحد اما اتكبر وتعرف السبب ماشي يا قلبي اعتبرها لعبة وانت المفروض متقولش لحد لغاية متوصل 15 سنه ساعتها انت هتعرف تتصرف لوحدك
مازن..... لما اخلصها هتجبيلي ايه
خديجةبحزن...... هجبلك اللي انت عاوزه يا عمري
يلا خد اختك وروحوا العبوا
مازن مسك ايد اخته واخدها اوضته يلعبوا
اما خديجة يارب حلها من عندك وحنن قلب جوزي عليا انا وبنته
😭😭😭😭😭😭😭😭😭😭😭😭😭😭
في بيت كمال وسعاد اهل خديجة
كمال..... انا كلمت خديجة امبارح اطمن عليها بس حسيت ان صوتها متغير هي محكلتكيش حاجه
سعاد..... لا يا حج مقلتليش حاجه انا خايفة لا يكون ابن اخوك زي ابوه واخوه ويكون مبهدل البت معه
كمال بعصبية..... دانا ادفنه ومحدش يعرف له مطرح
انا مكنتش عاوز الجوازة دي من الاول امي هي السبب وعلشتن مزعلهاش سالمته بنتي لكن هيقل بعقله هدفنه
سعاد بدموع...... نعمل ايه يا حج نروح نطمن عليها
انا هكلمها بكره ولو حسيت ان في حاجه هروح اطمن عليها
سعاد.... هتخدني معاك يا حج
كمال اخدها في حضنه وقال. ..... هخدك معايا هو انا عمري سفرت من غيرك انتي حياتي يا سعاد
سعاد بحب..... ربنا يخليك ليا يا حج
❤❤❤❤❤❤❤❤❤❤❤❤❤❤
وهنا البارت انتهي اتمني ينال اعجابكم ولو عجابكم لايك وكومنت تشجيع كده الرواية دي هخليها تاخد وقتها علي اقل من مهلها
ولو معجبتكش قولولي وجهه النظر وانا هرد عليكم