انتبهت من صفنتي على أدين حاوطتني وانفاس دغدغت جانب اذني ضحكت لما سحبني لصدره وهمس بحنيه
::وين صافن طير المحنه مالتي
اتنفست براحه وباوعتله بالمرايه شلون حاضني ودافن رأسه بركبتي بكل هدوء ومغمض براحه رفعت ايدي وخليتها على خده وأيدي الثاني لزمت بيها اديناته الي حاضناتني وجاوبته
::بالصوره صفنت بالصوره هاي الي معلكه فوك الجربايه من تزوجنه جنت حابه اسألك عنها بس ماصارتلي فرصه
زفر أنفاسه وحرك لحيته الناعمه بركبتي وهو يتنهد ضليت اباوعله وعبالي مراح يجاوب بس انتبهتله لما رفع رأسه وركز بنظراته على انعكاسنه وصارت عيوني متمركزه بعيونه ابتسمت لما سمعت صوته الهادء وهو يجاوبني
::افا كولي يبعد الروح والريه شني سؤالج
ضحكت بصوت وانا اسمعه حجيه وكلماته الي ما امل منهن هو ياهو الي يصحله هيج رجال بلسان ينكط عسل ومايكزكز علي درت وجهي وبست خده ورجعت اباوعله واحجي
::فضول عندي اعرف شنو معناها لان اعرفك مستحيل تحتفظ بشي اذا ماكان اله معنى
ضحك ضحكته المعتادة لما يكون يمي وجاوب
::هاي لوحه نسخه من لوحه الرسام ريشيتينكوف
ضحكت على الاسم مالته للرسام وهو ابتسم هاز رأسه لان يعرف عليش ضحكت وكمل حجي وهو يباوعلي
::اللوحه من الي عرفته هي نموذج للفن الي يرسل رساله تربويه للناس ويصححلهم اخطائهم
فيا بعدي وبعدهم كلهم
بالوحه تشوفين ام واولاد كاعدني على طاوله يباوعون لطفل واكف ومنزل رأسه بحزن واكو كلب حاضنه فالراسام هنا يوصل رساله بانو
الولد الي واكف هو طالب راجع من المدرسه وبيده شهاده رسوبه
والعائله الي كاعده جاي يباوعوله بنظرات خيبه ورفض وتعامله بعدم قبول لنتيجته
والكلب الي حاضنه كان يحس بصاحبه فاحضنه كاشعور بديهي للحيوانات من وفائهم لمالكهم
جنت استمعله واهز براسي ومتابعه ويا فمن وكف عن الكلام حسيت بي باسني بخديي وكال مكمل
::اي يارويحتي فالحچي رسامنه شيكول عن هالموقف بأن العائله عاملته خطأ لو عاملو مثل ماعامله الكلب وحضنو وحسسو بوجودهم افضل لان الطفل يستحق الحب مهما كان يخطأ أو يفشل ملازم أو مايصير تكون المعامله الزينه للناجح والمحبوب عدهم فقط لأن يرضي أفكارهم.
الصورة⤵️⤵️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
القطه هاي بيها أكثر من سر وأكثر من حدث يعني تغشوشه لاحداث المستقبل🌚🌝✨✨✨
