شضايا

الشضيه الثالثة

#_شضايا

بقلمي _ نايا العلي

لا تنسون لتصويت ++ تعليق بين الفقرات تفاعلكم يشجعني هواي🥺🤎

{الشضيه الثالثة}

رمضان مبارك أن شاء الله حبايبي🫂💓💓

اليوم البارت طويل هوااي فأتمنى ماتملون منها 💓
___________________________________

مرت ثلث ايام وخلصت الفاتحه
وراحت ناس وفرغ البيت حتى
عماتي عافن البيت وراحن
ولاكانو الفاتحه فاتحه اخوهن وامهن
وكل حجتهن عدهن عيال ورجل وفروخ

جنت منتظره عمي وسليم يفرغون
حتى أحاجي عن امي
هو لحد هسه مايدري لان ماقترب
ليم البيت كل الشغل سونه النسوان بالحوش
والي يحتاجنه يجيبونه ولدهن ورجولتهن
وسليم وعمو علاء ماشفتهم من يوم
ما اجينه من بغداد

صار وقت اذان المغرب
وكمت اريد اتوضى
باوعت للبيت
فارغ
فاهي
مخيف
يمقت القلب
داريت دمعتي وتعوذت من شيطان
ورحت للحوش اتوضى مناك

شفت ماكو ماي بالحب فردت أطلع للساكيه
رحت جبتلي حجاب وانا البس بي
دخل عمي مدنك وضهره محني
وجهه تعبان وشفايفه بيض
وعيونه حمر وجواهن سواد

تقربت منه وهو لما حس رفع رأسه وباوعلي
ابتسملي بتعب ومد أيده يصيحني
رحت وحضنته وحسيت اني حاضنه ابوي
اهتزت أكتافه وصوت بجيه
وانا كلبي ملجوم بس شفته هيج
حضنته حيل وصرت انشغ ويا واحجي

-اخخ ياعمي شكد حضنك يذكرني بابوي

همسات هالحجي وهو شد بحضنته إليه
ابتعد عني ومسح عيونه بجفيته
وباوعلي بقهر وكال

-اسماء عمو حضرياي لكمه اكل صارلي يومين ماضايك الاكل ولا مرتاح

-تدلل هسه احضرلك اكل بس خن افرشلك فراش تمد روحك علي

-لابويه انا بس اصلي واكلي لكمه واطلع

صفنت بوجها ونخطف لوني وكتله

-ليش عمو وين تروح وانا وين أظل

عكد حاجبه باستغراب وكلي

-ليش بابا جا انتي بوحدج ؟! شو صدك وين عماتج البيت هادء

بلعت ريكي وكتله بفشله

-عماتي راحن لبيوتهن

بينت علامات التفاجىء علي وسألني بصدمه

-لا يا ماعدجن تربيه شلون يعوفن البيت ويرحن وانتي بوحدج عوفج من وضعج هاي شلون يتركن البيت وماصار كم يوم من ماتتو امهن  واخوهن

نزلت راسي وعضيت شفتي بقهر يعني هسه أذا اكله عافن الفاتحه اول ماخلصت علمود رجولتهن شيصير بي

-عمو عدهن بيوت وعيال وجهالهن يردوهن شلون يعوفن كل هذول ويضلن هنا كل هالايام وزواجهن ماراضين