تانى يوم عند حبيبة كانت بتجهز البيت عشان سيف جاى يخطبها هو واهلة ومامتها قالت لعمها خالد يجى بحكم انوا ابوها متوفى وهو فى مقام ولدهم
عند سيف كان عايز يعرف رد فعل تقى هيبقا اية رن على حبيبة
سيف: وحشتينى يا قلبى
حبيبة: انا مبسوطة اوى يا سيف حاسة انك عوض ربنا ليا وهتبقى سندى بعد بابا
سيف فى نفسه أنا آسف يا حبيبة مكنتش عايز استخدامك وسيلةعشان اوجع تقى بس مش قدامى غيرك
حبيبة:سيف رحت فين انا بكلمك
سيف: وانا كمان مبسوط جدا يا حبيبي بس انا خايف افرق بينك انت وتقى
حبيبة: لا اصلا انا لما قلت لتقى وماما حسيت ان تقى ما فارقش معاها واضح ان هي نسيت يا سيف وان ده كان زمان.
سيف : هقفل انا دلوقتي عشان اجهز واجيلك
حبيبة:مع السلامه.
عند سيف ازاى مش فارق معاها لا اكيد هتفرق وهتفرق اوى كمان وافتكر تقى
فلاش باك
سيف : ازيك يا تقى انتى فين
تقى :انا فى الجامعة
سيف :تمام هعدى عليكى لما تخلص نخرج شوية عايزة تروحى فين
تقى :امممم الملاهى
سيف :هههههه بحب طفلة خلاص يا قلبى باى
بعد ساعتين تقى خلصت ورنت على سيف إلى جاه خدها وراحوا الملاهى وتفسحوا وكانوا على النيل
تقى :سيف
سيف:امم
تقى : سيف انا قررت البس خمار كان نفسي من زمان ياخد الخطوه دي وحاسه ان عندي الشجاعه ان البس الخمار والتزم بيه
سيف: فكره حلوه بجد وانا قررت ان انا اجي اخطبك يا تقى لان مش عايز ناخد ذنوب بسبب علاقتنا ان احنا بنتكلم وبنخرج مع بعض انا بحبك وعايزه احافظ عليك
تقى : بجد يا سيف بس انت قلت ان انت هتخطبني بعد ما ترجع من السفر وانت لسه قدامك اسبوع لما تسافر وانا هكون خلصت الامتحانات
سيف: لا يا تقى انا هاجي اخطبك واسافر اصلا انا هفضل مسافر ثلاث شهور بس ولما نيجي نكتب الكتاب ولا انت عايزاه نتعرف مش كفايه ان احنا اصدقاء الطفوله
تقى: ربنا يخليك ليا يا سيف يلا بقى عشان نروح لاني تاخرت وماما هتزعل باي
سيف : استني هوصلك
عودة
بيفوق سيف من ذكرياته سيف انا مغلطتش يا تقى انتى إلى كنتى قاسيه في عقابك لي.
بيعدى الوقت بيروح سيف هو واهله على بيت تقى وحبيبه وبيستقبلهم عم تقى ومامتها
الام: ازيك يا سيف عامل ايه حمد لله على سلامتك
سيف: الله يسلمك يا طنط اخبارك ايه
الام: الحمد لله بخير
سيف: عمي انا جاي اطلب انت عارفني لاني متربي في وسطيكم اتمنى توافقوا عليا
عم حبيبة: والله يا ابني انت انسان كويس واي حد يتمناه بس في الاخر الرأي رأي حبيبه
بعد شويه حبيبه بتدخل وبتسلم على اهل سيف شويه وبيقول عمها خالد هنسيبكم شويه
سيف : ايه القمر ده
حبيبه بكسوف: شكرا
حبيبي تقعد تتكلم سيف في مواضيع كتير وسيف كل الوقت سرحان ليه ما شافش تقى لحد دلوقتي خايف يسال حبيبه تشك فيه
بعد شويه دخل تقى من باب الشقه استغرب سيف وسرح فيها شوية
سيف فى نفسة ياه يا تقى لسة حلوة وطفلة زى مانت
تقى : السلام عليكم
ودخلت سلمت على الموجودين
ماما سيف: ازيك يا تقى عامله ايه عاش من شايفك يا بنتي كنت لسه هسال عليك لاني ما شفتكيش من ساعه ما جينا
تقى: معلش يا طنط انا اصلا ما كنتش هخرج لاني ما عنديش اغلى من حبيبه اكون معاها في المناسبه دي بس حصل ظروف خلتني اضطر اخرج
سيف طول الوقت سرحان في تقى وقد ايه الخمار حلها وواضح ان هي بقت ملتزمه جدا بالخمار لان ساعه دخلت ما رفعتش عينيها فيه ولا حتى سلمت عليه بالايد سيف في نفسه اتغيرت كثير يا تقى واضح انك بقيتي شيخه زي ما حبيبه بتقول بس يا ترى ليا ايد في التغيير ده
تقى قعدت معاهم شويه وبعدها اهل سيف اتفقوا مع عمها على كل حاجه وقرروا انهم يعملوا كتب الكتاب على طول في نهايه الشهر وسيف عينيه من تقى عايز يشوف رد فعلها بس واضح ان هي مش مهتمه وده اللي كان هيجننه
تقى:بعد اذنكم يا جماعه
استاذن اهل سيف ومشيوا ودخل التقى غرفتها وهي بتفكر في تنفيذ خطتها عشان تواجه سيف.
اسكريبت 2 🌹
بقلمىS
