صدگني ما ناسيك وبدمي تجري
شنهي المعزة البيك بس الله يدري🥺
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠مسأالخير بنات😊
ليان : وصلني علي للبيت وضل واكف بل سياره وانة دكيت الباب وطلعي بابا وسمعت شحطت سياره درت وجهي شفتة طلع بس شنو صاير كتلة من العصبيه
وحتة مابوعلي كبل بس طلع بابا هوا طلع
وبابا شبكني وكلي اشلونج بابا اخو مسوالج شي
كتله لا بابا كلشي مسوالي
كلي هسة دخلي ارتاحي وبعدين نتفاهم
دخلت وبس شفت ماما كبل رحت ركضتلهة وشبكتهة
وضليت ابجي
وماما اطبطب علة ضهري وتكلي اهدي ماما اشبيج شنو سوالج ئذاج ابشي سوالج شي بس كولي ياماما لاتبجين والله ابوج يروح يشتكي عليه
بس انتي كولي شنو سوالج
وخرت عنهة وكلتلهة والله ماما ماسوالي شي لاتشتكون عليه لايسويلكم شي او يئذيكم والله حتة من الحكومه مايخاف لان هوا الحكومه ابكبرها
كالت لعد اذا مسولج شي اشبيج تبجين
كلتلهة لا والله ماما ماسولي شي بس انة خفت عبالي بعد مايرجعني الكم
كالت لا ماما حبيبتي مايكدر ياخذج من عدنة بعد ولايسويلج شي لان بعدهة عليه الشكوه
انة من كالت هيج ماما انصدمت كبل وكفت علة حيلي
وكلتلهة شنو ماما ياشكوه قصدج
كالت انتة متدرين اشلون رجعج لنة عبالج من كيفة رجعج لا ماما انتي غلطانة تره اخوج حيدر اشتكه
عليه
كلتلهة ها هسة عرفت شنو قصدي من سوه بيه هيج
كالت شنو ماما اسوالج
كلتلهة لاماما ماكو شي بس اتذكرت شقله اكلج ماما حيدر وين
كالت طالع مساع كلب الدنيه عليج وراد يجي يهد علة علي بس ابوج كضاه كلة اذا اتروح راح السالفة تنكلب علينه واصلن عند المحكمة بعدهة زوجتة بعدة مامطلكهة فة ماراح يئذيهة لو يسويلهة شي خلهة يمة
وره اشوي اجت مريم لخوج وكلتلة براء متصلة عليهة
وكايله ليان يم علي ولعصر يجيبهة
فة هسة حيدر راح لصديقه المحامي يحاجي علة سالفت الطلاك مالج
كلتلهة خوش لعد خل يستعجل انة كلش خايفة منة اخاف ياخذني وبعد مايرجعني الكم
كالت لا ماما حبيبتي اشحدة هسة بس انخلي محامي
تنحل السالفة كلهة
وهسة لاتفكرين وتعبين روحج روحي صعدي لغرفتج بدلي ورتاحي علة مااسويلج شي تاكلي
كلتلهة ي والله ماما حبيبتي كلش جوعانة متغديت
هسة ابسرعه راح ابدل واجي
علي : رجعت للبيت طاكه روحي مالي خلك كلش كبل صعدت لغرفتي ونزعت ملابسي ودك تلفوني وطلع صديقي لبغداد لنطيته المهمة مالت اهل رفل يدور علة عمامهة المهم رديت عليه وكلي علي لكيت العنوان
مالت اهل زوجتك وهاذوه عندي
كتله ها خوش خلة عندك من التحق للدوام اجي آخذة من عندك
كال خوش وكتله الله وياك ومشكور متقصر
كال ولو علي مسويت شي هاذة من واجبي
وكتله مشكور حبيبي
وسلمت عليه وسديته
وبدلت وطلعت من البيت مالي خلك ابقه
رحت لعون ولبيتهم
وضليت يمه لثنعش بليل يله رجعت
اول مطبيت اتلكتني امي بل أعتاب
يمه شنو انتة ماعندك اهل هيج ماتكعد بل بيت وتستقر شنو اليوم كلة ماشفناك شنو ناخذ موعد وياك حتة نكعد وياك ونشوفك حضرن الضابط
رحت بست راسهة وضحكت عليهة
وكلتلهة لا يشمعت البيت شنو تاخذين موعد انة كلي الج والله من باجر اضل كاعد بل بيت ومكابلج ومو بس هيج لا اضل يمج بل مطبخ ههههه
كامت تضحك وكالت اروح فدوه لهل طول
لوتي ابسرعه تقنعني وتقشمرني ولاينكدرلك
كلتلهة افه عليج يمه جا غير انة ابنج وطالع من ضهر زلمة منو ليكدرلي وانة ابنج بس يمه تردين لصدك
واحد ابلي كلش شلع كلبي وماكاعدة اكدرلة
اكلج يمه شفتي ابنج يوم من اليام زلمة وكف اكباله
كالت لا والله يمه انتة امرجف حتة الزلم منو ليكدرلك
كلتلهة والله يايمه هسة اكو واحد أبالي واكف كبالي وماكاعد اكدرله انطيني حل شسويلة
كالت لا يمه تره مو كلهة بل عرك وصياح لايايمه
حط الله عليه ومالك غرض
هسة يايمه اريد الله يشلع كلبه الشالع كلبك
ضحكت عليهة ابصوت عالي وكلتلهة لا يمه لادعين عليه إذا يصير بي شي ينشلع كلبي بل زايد
كول الله يريحه بل دنيه قبل الئاخره ههههه
وكالت ولك يمه اشبيك علة بختك شنو اتخبلت
نوبه اتكول واحد ابالك شالع كلبك
وهسة اتكول اذا يصير بي شي ينشلع كلبك بل زايد
شنو اشبيك
كلتلهة يمه ماكو شي سلامتج كلش نعسان اريد اصعد انام اتصبحين علة خير
رجعت بستهة علة راسهة وصعدت كبل ذبيت ملابسي
ونمت
و فزيت علة دكت التلفون مالي
انة حاطه علة الميز كبل مديت يدي وجبتة
وشفت رقم غريب يدك بوعت للساعه بل تلفون بل ثنتين كلت منو هاذة يدك هيج وكت شنو حلمان
سديته ورجعتة ابمكانة ورجعت نمت رجع دك مره ثانيه وهم نفس لشي فزيت بس مالحكت اخذ لتلفون خلصت الدكه انتضرته يدك اريد اشوفه منو هاذة الحيوان يدك هيج وكت وثبرني وسلب راحتي ابنص اليل اريد ارزلة وصدك رجع دك بس مخليته يكمل رنة
كبل فتحت خط وجان اسمع صوت؟؟؟ 🤨
ليان : صعد بدلت ونزلت ولكيت ماما خطيه
امسويتلي بتيته وسنبوسه وهمبركه
وكعدت علة الطاوله وماما كملت لأكل حطتليه
وبديت اكل وكلتلهة تعاي ماما اكلي وياي
كالت لا ماما ماريد اكلي انتي بل عافيه
كلتلهة لا ماما حبابه تعاي اكلي وياي علة الواهس والله مااشتهي اكل ابحدي تعاي انتي اكلي وياي علة مود يصير عندي واهس اكل هههه
واكلت انة وماما
وخلصنه وكمت اريد اغسل لماعين كالت ماما لا
ماما روحي ارتاحي وانة اغسلهن
كلتلهة لا والله ماما زينه وكلشي مابيه
كالت لعد روحي درسي باجر وراج دوام
كلتلهة ماروح باجر مابيه حيل
كالت اشبيج شنو يوجع شي
كلتلهة مادري اشو من اروح للمدرسة اتعب وضل دايخه وتلعب روحي هم مدري اشبيه
كالت باجر اخذ للدكتوره ويفحصج ويشوفج اشبيج
اجيت اكلهة ماريد اروح بس اتذكرت علي من كلي اذا امج رادت تاخذج للدكتوره لاتكليلهة ماروح
فة كلتلهة خوش
كالت روحي نامي اشوي ورتاحي
وصدك صعدت فوك بس شنو ضلت أبالي ليش هذاك اليوم جذب علية وكلي باجر اطلكج بس شرط علية شرط لة ينام وياي يله يطلكني طلع كل حجيه جذب مو من عقله هاذة الشي طلع اخوي حيدر مشتكي عليه
يله رجعني لهلي بس جذب علية ونام وياي
ردت انام بس ماكدر مايجيني نوم كل ساعه تجي أبالي هذيج السالفة لسواه بي علي
واضل ألوم ابروحي اشلون خليته هيج
يقشمرني لو مامخذة حجيه لان اول تالي راح يرجعني لهلي وقصبن عليه بوعت للساعه بل وحدة بليل
رحت رسلت براء ورا ربع ساعه ردت علية
وكلتلهة دزيلي رقم اخوج ابو خشم
كالت شنو شتسوين واشو اتعيبين علة اخوي وكبالي
شنو كابله وبز عينة ههههه ولج امنيله خشم جبير اصلن خشمة طويل وكلش حلو جنة سيف
ليان ولج هوا يهو لمعيب علة اخوج يي اصلن هوا خشمة جنة سيف ماينزل هههه
وهسة عيفينة من هيج اسولف انطيني لرقم وسكتي
كالت خوش هسة راح ادزة الج
وصدك وره اشوي ودزتلي رقمه
وحفضتة وكتبت عليه شايف روحه هههههه
لمهم شفت الساعه بل ثنتين كلت لوكت مئاخر ماكدر ارسلة لان ادري بي هيج وكت نايم بس خل يولي
انة اريدة ماينام اريد ازعجة لعد بس انة انسلبت راحتي من وره التفكير بي
ودكيت عليه علة الوتساب
اول مره من دك سده واخذت عشر دقايق ورجعت دكيت عليه مره ثانيه وبس هل مره خلصت الدكه وهم مارد علية
ورجعت مره الثالثة دكيت جان كبل ينفتح الخط ؟؟؟؟
يتبع٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠حطو 🔯
أنت تقرأ
المراهقة والثلاثيني
General Fictionمَهْمَا عَرفَ الرّجُل مِن نِسَاء تبقىِ هُناَك أُنثَى وَاحِدة في قلبه يَضلُ عاشِقاً لها ويَحِنُ إليها ولو عاش ألف قِصّة حُب بعدَها...
