منقذي من الشياطين

البارت 17 الجزء الثاني

******************

ياهو الشاف صدره
شكثر بي دخان
يشرب كل جكاره بطيف من عمره

**********************

اليان: فتحت الباب بلهفه ومسح بدموعي أجو وأخيراً أجو فتحت الباب هاي انتي

نسرين: يمه اليان انه أم ضحئ عرفتيني

اليان: هلا خاله تفضلي تفضلي اي عرفتج

نسرين: شبيج يمه وليش عيونج حمر وجنج ملهوفه أجيتي تفتحن الباب منتضره شخص

اليان: هاا لا خاله ما منتضره شخص وعيوني حمر جنت أنضف بالبيت دخلت البيت شوف الدمعه بعيونه وتفرك بديه وشكله مو مثل قبل لا بسه ملابس محتشمه وحجاب الله يهدي الجميع كعدنه بصاله وحسه تريد تحجي شي ضنيت تريد تنازل عن ضحئ بس والله بعيده عن عيونه تنازل أجت كعدت بالكاع والزمت ديه بقيت مصدومه

نسرين: يمه اليان فدوه روحلج سامحي ضحئ فدوه يمه وشتردين انه حاضره

اليان: سحبت أديه وكفت لا خاله مشكوره ماريد اي شي منج وضحئ الله يسامحه واذا جايه علمود تنازل أسفه ما تنازل بنتج دمرت حياتي وأخوي مات بسببه وبسبب جذبه وحقده تزوجت وأمي ماتت وانه بحسرت حضنه

نسرين: يمه ضحئ ماتت

اليان: درت وجهي باوعله بصدمه وشوفه عيونه نملت دموع ضحئ ماتت شوكت

نسرين: ماتت قبل شهور ما تحملت المرض وسجن وماتت يمه فدوه بس سامحيه ضحئ ما مرتاحه بگبرها صوجي انه صوجي ما هتميت بيه هملته مشت بطريق غلط ودمرت شباها ولج يمه ضحئ سوده عليه

اليان: بقت الطم عل صدرها وتحجي بحركه ما تحملت وحضنته بقيت اشهك وبجي مسامحته خاله والله يسامحه

نسرين: يمه اليان ضحئ ما مرتاحه بگبرها أهواي احلم بيه تتعذب بسبب عمايله الغلط عمرها ما صلت شربت كحول ونزت وكلشي غلط سوته دمرت حياتج وحيات خوانج گليلي شنو اسوي وترتاح ولو شوي

اليان: خاله سويله ثواب وزعي تصدقي الناس المحتاجه وصلي وقريله قران

نسرين: الله مراح يتقبل مني

اليان: لا خاله لا تحجين هيج الله يتقبل من كل الناس