هز المعني راسه بسرعه وكام من مكانه راكض لغرفته سامع صراخ اخوه وشتايمه له وهو دمعته بعينه محد من ابوه وامه معلي صوته عليه ومرزله كره اخوه... جان بوده يقتله بس ما يگدر حس بروحه كائن ضعيف راح لغرفته صاعد على جربايته ومتغطي ومسوي روحه نايم وهو يشهك ويبجي.....
حقه هو بلا شي يخاف من اخوه مو عاد يصيح عليه كاد قلبه ان يوقف بالفعل وما جان يحب احد يعلي صوته عليه او يرزله أبداً وصگار كلهن مسويهن
وره عدة دقايق نادت الأم صگار حتى يجي ياكل بما انو جهزت السفرة وخلصت وما ان اجه وكعدو كلهن قبل لا يبدي ياكل ويحط لكمه بحلكه نطقت بتسائل"اخوك وين لعد شو ضل يخابر عليه وخبصني تالي حتى الحله الي جبته ما اكله" .
ما رد صگار وعرف الأب الي صاير لذلك نطق مخاطب ابنه "مصيح عليه صگار؟ ".
رفع الثاني انضاره وركزها على ابوه ونطق بكل هدوء وبرود " لمصلحته مصيح عليه علمود يقره ويهتم بدروسه مو يسخت ادري هواي تصرفون عليه وتعبون لذلك ما ردت تعبكم يروح بلاش . "
تنهدت امه وكالت "اي بس بعده صغير وهم زين ناجح بنص السنه خطيه اشوفه ليل ونهار لازم كتابه" .
ردف صگار بسخرية"خلي يولن لازم كتابة ديقره لو يلعب ب التليفون ومن يشوفج يسوي روحه مشتهد..قديمه هاي السوالف يا يمه لازم تراقبي وهسه تعرفين منو الي صبح وليل يقره تلكي حتى ب الحله مال بنات هم يوكف . "
نزعج الأب ونطق"شنو قصدك حسين؟ يعني اني ما مربي ابني وماعرف وين يروح و وين يجي هو لو بالمدرسة لو ب البيت حتى أصدقاء ماعنده ومكضيها يقره ودرجاته اشوفهن زينه شنو بعد لو لازم اله الزم له الحزام وعلى ظهره على اقل شغله يسويها ميصير هيج يتعقد الطفل "
ردف حسين بهدوء"اي طبعاً متدري بي انت مكظيها ب الشركة وامي تطلع من البيت يبقى وحده براء! ما مرتاح له احلفلك مسويله مصيبة واني شاك بي من زمان"
باوع الاب على الام وردف" مريم ، صيحي براء خل يجي هنا"
اومئت وراحت للطابق الثاني بينما الاثنين الي كاعدين كملو اكلهم بهدوء
فتحت باب الغرفه شافت الضوه وبراء متغطي راحت عنده وكمشت جتفه وردفت"ماما اكعد جبتلك اكل وجبتلك حلا اكعد اكلهن"
أنت تقرأ
صگار
Fanfictionمثلية عراقية وتالي ما تالي شصفينه؟ سالفة بحلگ الشماته وثاري مو بس اني يحبني طلع هم غيري بحياته وتالي كل ساعة ويا واحد ماخذ الناس بحلاته ....................... قصة جديدة تحتوي على الفاظ بذيئه تحتوي على مشاهد حساسه الى اخره
