"هلي! كل الضيم منكم هلي لو بيدي اگاومكم.."
كتب براء هذا السطر على دفتره بملل وبعض الحزن وهو يتذكر الصبح قبل لا يجي للمدرسة شلون أخذ رزاله من صگار،
وامه وابوه ما حجو شي وأستمر الأكبر يرزل بي لحد ما وصله للمدرسه وعافه متوجهه لشغله عنده وبراء ما جايز من نفسه حتى يسأله شنو هاي الشغله.
چان گاعد برحلته ويشخبط بنهااية دفترة لكونه جان درس فنية ومحد مطلع كراسة الفنية لان ماكو معلم من الأساس .
ناس تاكل وناس تحجي بطولاتها وناس تكتب دروسها الي ما لحكو بلبيت وهكذا براء ولا وحده منهن كل الي يسويه يشخبط على الدفتر .
فجاة اجه طالب داخل لصفهم وناطق بصوت مسموع للجميع"يولد! عَدكم طالب أسمه براء عتاد، خلي يروح لـ الادارة المدير يريده.." .
كل أنظار الطلاب توجهة لبراء الي تنهد وكام من مكانه طَالع من الصف بأكمله ومتوجه للأدارة وايديه بجيوبه وهو يمشي مو مهتم للمدير الحقنه.
وصل باب الادارة ودكها مرتين بخفه الى أن سمع صوت المعلم وفتح الباب داخل جوه مباوع على المدير بهدوء ينتظره يحجي .
أنت تقرأ
صگار
Fanfictionمثلية عراقية وتالي ما تالي شصفينه؟ سالفة بحلگ الشماته وثاري مو بس اني يحبني طلع هم غيري بحياته وتالي كل ساعة ويا واحد ماخذ الناس بحلاته ....................... قصة جديدة تحتوي على الفاظ بذيئه تحتوي على مشاهد حساسه الى اخره
