#دمار_شامل 1 🪦🔥.
﮼صلى،علي،رسول،الله 🤍 .
_______________________
-كيف قدرت نديرها !! ... بجد منصدمه من نفسي كيف قتلته !!! ... قاعده مصدومه ونشوف للدم الي قاعد يسيل منه ... نشوف لي يدي الي تعبت دم والسكينه الي في يدي برضو تعبت بـ دمه النجس 🔥 .... هههههه اخيرا يا ريناد خديتي حقك ورح تتحري منه ومن عذابه ليك ... بب بس لازم نهرب توا قبل ما حد يكمشني وننحبس
ما فطنتش لروحي الا وانا نلم في حوايجي بسرعه في شنطة سفر ... خديت كل شي ممكن نحتاجله ... جواز سفر ، فلوس ، ذهب ، واوراق وملفات شغل مهمه !! ، وشنطة كان فيها مخدرات ... خديت كل حاجاتي ، لبست خماري كالعاده باش محد يشوف وجهي ويكشفني وطلعت بسرعه فائقه ... ركبت سيارتي وطلعت طول للشقه الي كنت متفقه عليها انا وشخص تاني !!
ريناد : االوو هاشم انت وينك ؟
هاشم : قاعد مستنيك علي نار في الشقه ... شن صار معاك ؟
ريناد : مش مصدقهه يا هاشم مش مصدقه اني قتلته
هاشم : اهدى حبيبي ... اهدى خلاص مش داعي للخوف انتِ درتي الي مفروض يندار من زمان
ريناد : (ضحكت) من قال إني خايفه ؟؟ ... بالعكس فرحانه ومش مصدقه اني اخيرا تحررت منه
هاشم : هههههههه شاطره بنيتي ... يلا ديري بالك علي روحك انا مستنيك في الشقه ورح تحكيلي كل شي وبالتفصييييل
ريناد : ههههه تمام (وسكرت) 🔥
_________________________
عند شخص تاني :-
-اخيرا بنشوف النور ... اخيرا رح نتحرر من السجن الي كنت فيه ، هوا صح مش سجن حقيقي بس يُعتبر بمثابة السجن واشد ... حاسه الارض مش سايعتني من الفرحه ... بديت نلم في حوايجي وفرحانه ، بعد دقايق جتني المديره وقالتلي تفضلي تقدري تطلعي ... ودعت كل الي معايا في القسم ، عطتني المديره مبلغ مالي بسيط لانه هدي عادتهم ، خديت شنطتي وطلعت ، شفت للشمس وللغيوم ، شفت للناس وللسيارات وكأني اول مره نشوفهم في حياتي !! ههههه ، اخيرا تحررت ... امم ! بس توا كيف بنبدا حياتي الجديده ؟ ، وين بنعيش ؟ ، وين بنلقى شغل نحصل منه فلوس ونلقى شي ناكله ... اخخخ ربي يكون في عوني انشالله ، واول ما خطيت خطواتي الاوله تكلم شخص من ورايا !! ، التفتت عليه لقيته شيباني كبير في السن ، بس واضح عليه من لبسته والسياره الفخمه الي نازل منه انه حالته فوق الرييح !!
مروى : نعم ؟
حمدان : تعالي اقربي جاي يا بنتي
مروى : (قربت بخطوات ثابته وهاديه ، رغم الخوف الكبير الي مسيطر عليها !!)
حمدان : انتِ طالعه من الميتم هدا ولا ؟
مروى : (هزت راسها)
حمدان : اممم ... شن اسمك ؟
مروى: مم مروى
حمدان : امم كويس ... سمعتك يا مروى وانتِ تحكي مع نفسك توا والي فهمته انه ادوري في شغل صح ولا ؟
مروى : (هزت راسها)
حمدان : انا حاليا ندور علي خادمه تكون صغيره في السن ... وو وتكون هاديه ماعندهاش في طولة اللسان واهم من هدا كله تكون متربيه وبنت ناس ... لانه بجديات كل خادمه نجيبها تطلع اسوء من الاخرهه ... نتمنى تكوني فهمتي عليا
مروى : (برغم انه مافهمتش شن قصده بس هزت راسها بـ اي )
حمدان : خلاص تمام ... تقدري تبدي شغلك من اليوم لو تبي
مروى: (هزت راسها من جديد !)
حمدان : (ابتسم باش يطمنها ) تفضلي اركبي للسياره
مروى : (مشت بهدوء للسياره وركبت ... وانطلق بيهم السواق للـ قصر ) .
أنت تقرأ
دمار شامل (روايات ليبية)
Mystery / Thrillerنشوف للدم الي قاعد ينزف منه ، نشوف لي السكين الي في يدي ومعبيه دمه النجس 🔥 ، (ههههه دمرته زي ما دمرني دمرته #دمار_شامل ) ومن بعدها مافطنتش لروحي الا خديت كل حوايجي وحاجاتي المهمه في شنطة سفر وطلعت بسرعه خليته غارق في دمه ، مش معروف حي او ميت !! ، ا...
