رُكن هادئ♥"

3

تيجي نزرع نخله في الجنه؟
سبحان الله وبحمده ،سبحان الله العظيم
واللي عايز يزرع اكتر يزرع💕
______________________________________
"خرّطي يا بت الملوخية عدل وأنجزي، علشان نلحق قبل المغرب"

كان ذلك صوت حنان وهي تحشي الحمام وتشرف على المطبخ بدلًا من فريال التي ذهبت إلى السوق لتحضر بعض الطلبات، بينما كانت سناء تصلي العصر.

بسمة بحنق: "يوه يا ماما، ما أنا بخرّط عدل خليكي في اللي بتعمليه بس وسيبك مني"

حنان: "ما هو لو لسانك الطويل ده يتقص، هنرتاح كلنا منه"

حياه: "خلاص بقى يا خالته ، سيبك منها، ومتقلقيش، هنخلص كل حاجة في معادها."

---

بعد ساعتين، دخل عليهم أدهم إلى المطبخ وهو يولول مثل النساء.

أدهم: "الحقوني.. الحقوني يا أهل البيت أنجدوني أنا بموت"

ذهبت إليه حياه بلهفة وقلق: "مالك يا أدهم؟ في إيه؟!"
أدهم: "جعان .. جعان مش قادر! أنا شوية وهربط طرحة على بطني من الجوع"

نظرت له حياه بتشنّج وضربته على رقبته من الخلف قائله: "يا أخي خضتني"

أدهم بذهول: "إنتي بتضربيني بالقفا؟ طب والله لأوريكي يا حياه"

ركضت حياه خارج المطبخ وركض أدهم خلفها، حتى صعدا إلى الدور الرابع ودخلا إلى السطح.

حياه وهي تأخذ أنفاسها بصعوبة: "خلاص بقى يا أدهم... قل... قلبك أبيض."

أدهم: "والله لاديكي القفا ده بس آخد نفسي الأول بس"

اقترب منها مبتسمًا بشر وتوعد، وعادت حياه للخلف بخوف حتى التصقت بالحائط.

حياه بخوف: "خلاص والله ما هضربك تاني"

لم تتلقَّ منه ردًا، ظلّ ينظر إليها عن قرب وكأنه يرىٰ ملامحها لأول مره... ظل ينظر إليها هكذا لخمس دقائق، وكانت حياه تنظر له أيضًا ،

ثم قالت بتوتر لتوقظه من شروده:
"هتفضل مبحلق كده كتير يعني؟"

أدهم بدون وعي: " يمكن أول مره اقولك كده.. بس إنتي ملامحك حلوه أوي يا حياه."

حياة ببلاهه: "إيه؟؟!"

أدهم بتوتر: "قصدي بَـ... أنتي مالك أنتي لخبطيني ينعَل أبو شكلك.. بصي مسامحك في القفا بس بشرط تديني وركك والقفا ده ميتكرّرش تاني بدل ما أرزعك كف يجيبلك ارتجاج في المخ"

حياه بغباء: اديك وركي؟؟ يعني ايه اديك وركي؟ اديك وركي ليه وازاي ! انت الصيام مأثر على مخك ولا إيه

ادهم بسخريه: إنتي فهمتي إني عايز وركك حرفيّا؟ طب بذمتك يعني إيه عايز وركك طيب

حياه: امال ايه مش فاهمه