تيجي نزرع نخله في الجنه؟
سبحان الله وبحمده ،سبحان الله العظيم
واللي عايز يزرع اكتر يزرع💕
______________________________________
خرطي يابت الملوخيه عدل وانجزي عشان نلحق قبل المغرب
كان ذلك صوت حنان وهيا تحشي الحمام وتشرف عليهم بدلاً من فريال لأنها ذهبت السوق لتحضر بعض الطلبات للمطبخ وسناء تصلي العصر
بسمه بحنق: يوه يا ماما ما اهو بخرط عدل خليكي في اللي بتعمليه بس وسيبك منى
حنان: ما هو لو لسانك الطويل ده يتقص هنرتاح كلنا منه
حياه: خلاص بقا يا خالتو سيبك منها ومتقلقيش هنخلص كل حاجه في معادها
بعد ساعتين وجدو ادهم يدخل عليهم المطبخ يولول مثل النساء
ادهم: الحقوني..الحقوني يا اهل البيت انجدوني انا بموت الحقوني
ذهبت له حياه بلهفه وقلق: مالك يا ادهم في اي
ادهم: جعان يابنت عمي جعان مش قادر.. انا شويه وهربط طرحه علي بطني من الجوع
نظرت له حياه بتشنج وضربته علي رقبته من الخلف: يا اخي بقا خضتني
ادهم: انتي بتضربيني بالقفا يابت.. طب وربنا لأوريكي يا حياه
ركضت حياه خارج المطبخ وركض ادهم خلفها حتي صعدو للدور الرابع ودخلو للسطح
حياه وهيا تأخذ نفسها بصعوبه: خلاص.بقا يا ادهم..قل..قلبك ابيض
ادهم: والله لاديكي القفا ده بس اخد نفسي بس
اقترب منها مبتسم بشر وعادت حياه للخلف وظل يقترب منها حتي التصقت بالحائط
حياه: خلاص والنعمه ما هضربك تاني
لم تتلقي منه ردا وظل ينظر لها عن قرب وكأنه يرسم ملامحها في مخيلته ليحفظها..ظل ينظر لها هكذا لخمس دقائق وحياه تنظر له ايضا ثم قالت لتوقظه من نظراته: هتفضل مبلحق كده كتير ولا اي يعني مش فاهمه
ادهم بدون وعي: اول مره اخد بالي إن ملامحك حلوه يا حياه
حياه ببلاهه: اي؟؟!
ادهم بتوتر: قصدي ب...انتي مالك انتي لغبطيني ينعل ابو شكلك..مسامحك في القفا بس ميتكررش تاني بدل ما ارزعك كف يجبلك ارتجاج في المخ
حياه وهيا تبلع ريقها بتوتر: لا وعلي اي الطيب احسن يا غالي
نظر لها ادهم بقرف وذهب ناحيه الباب يلوم نفسه علي ما فعله منذ قليل ويحمد الله انه انقد الموقف
مد يده يفتح الباب ثواني وفتح عينه بصدمه قائلا بصوت مسموع: احيه
حياه: في اي يابني
ادهم: .....
______________________________________
فريال: يلا يا بسمه جهزي العصير واتصلي بالبت ملك شوفيها اتأخرت في المطعم انهارده لي ده فاضل علي المغرب نص ساعه
بسمه: حاضر يا خالتو
ذهبت بسمه لتهاتف ملك كما اخبرتها فريال واخبرتها انها ستصل بعد دقائق لكن الطريق مزدحم قليلا لذا تأخرت
بعد دقائق وصلت ملك وصعدت للمنزل تغير ملابسها ثم عادت لهم لتساعدهم في تحضير السفره قبل الأذان
كانت بسمه تقف في الشرفه مع محمد
محمد: ما بكِ يا لبابة القلب
بسمه ببتسامه: ماليش..تعبانه شويه من الصيام
محمد: حسنا..دقائق فقط ونسمع صوت الاذان
بسمه بتساؤل: عندي فضول اعرف بتحبني قد اي
محمد بحب صادق: أحبك ..للدرجة التي كانت تجعلني أطلبك من الله في كلِ صلاة وفي كل نظرةٍ للسماء، أرجوكِي..لا تَستهينِي بهذا الحب، ولا تخذلِي هذا القلب..أنتِ لا تدري ماذا يعني أن يقتربَ أحدهم من الله لكي تكونِي أنتِ مُكافئته في النهاية
بسمه بدموع: انا محظوظه بيك حقيقي..انا بحمد ربنا انه رزقني براجل بيحبني كل الحب ده، بحبك اوي يا محمد
محمد: عديني
بسمه: اوعدك بـ ايه؟!
محمد: الا اخسرك فا اخسر نفسي
بسمه ببتسامه حب: اوعدك
كان زياد يصعد علي السلم وملك تغلق باب المنزل
اوقف زياد صوت ملك قائلا: زياد
زياد وهو يأخذ نفس عميق قائلا بصوت خافت قبل ان يلتف لها: اللهمَّ اني صايم وفاضل عشر دقايق ونفطر..يخربيت اسمي وهيا بتقوله
التف لها ببتسامه صغيره قائلا: حمدالله على السلامة..عيزاني في حاجه ؟
ملك: الله يسلمك..كنت هسألك علي حاجه بس
زياد: حاجه اي دي
ملك: انت كنت عايز تقول حاجه لما كنا واقفين في البلكونه من كام يوم
زياد: ايوه يا ملك
ملك بفضول: طب ما تقول ولا غيرت رأيك
زياد: اغير رأي ازاي بس..انا كنت عايز اقولك من بدري اني ب...
وللمره التي لا يعلم عددها تقاطعه بسمه وهيا تصعد علي السلم
بسمه بخبث: مالكو واقفين كده ليه
لم تتلقي منهم رداً فقط كانو ينظرو لها بغيظ
بسمه وهيا تلوي شفتيها: اعوذ بالله مش طايقِني.. عموما يلا عشان نفطر المغرب دقيقتين وهيأذن
هبطو جميعاً للأسفل والتفو حول طاولة الطعام
ثواني وصدح صوت الاذان وبدأ الجميع في الاكل وبعد عشر دقائق قاطعهم صوت اشرف قائلا بتعجب: امال فين الواد ادهم وحياه
نظرو الجميع لبعضهم البعض بتعجب و...
يتبع..
توقعاتكو؟
دمتم بخير يَ كتاكيت🤎"
شيرين محمود♡•
أنت تقرأ
رُكن هادئ♥"
Randomواحب رمضان والهدوء في ايامه والخشوع في لياليه ..احب سكينه الليالي العشر، تلك الطمأنينه التي تتغاشي في القيام والتراويح ..ودعواتي المرسله الي السماء..فااللهم بلغنا رمضان❤'
