مثل دين الربه الشوگ عله اليغيبون
. كلما طولو يكثر
.. لـ عمار سالم
. .........................................................
في صباح اليوم التالي
في بيت هيله ..
ام هيله . منووو
علي . انييي .
ام هيله . اصخام بوجهي هذا علي شگله ..... شتريد
علي . فتحيلي الباب يمه اني علي
ام هيله . فتحت الباب ......... ها علي شرايد
علي . صباح الخير يمه
ام هيله . صباح النور
علي . من البارحه ادگ على هيله ماكوو مغلق خلت بالي كلت اجي اشوفه خاف بيه شي
ام هيله .. هيله مو هنا
علي . لعد ويين
ام هيله . ابيت رجله
علي . يمه و الله مو مال شقه بالي يمه
ام هيله كتلك ماكوووو زوجته و راحت بعد
علي . يمه شبيج و الله مالي خلگ شقه
ام هيله . ولك زوجته و راحت بعد
علي . شنوو زوجته شنو راحت بعد
ام هيله . كتلك ازوجت
علي . هيييللله تعالي اني علي
ام هيله . صيح لصبح كتلك ما هيه
علي . شنو زوجته شهل خرررط
ام هيله . راحت فصليه بدل اخوه .... تحجي و تبجي
علي شنوووووووووو فصليه خله انتي شتحجين
ام هيله . البنيه ازوجت و راحت البيت رجله عوفه ملتهيه بحياته
علي . خاله ياااا حياااات هاااااااي ... بصيااح ... انتي شتحجي 7 سنوات اركض وراهه تاليه اصير الغيري و الله تحلموون اليه يعني اليه ... بصياح
_ مخله جامه مكسره حتى الباب ضربه و طلع
ام هيله . الله يستر منه
في بيت الشيخ ....
هيله . فتحت عيني امي معودتني اول ما اكعد احمد الله و اصلي على محمد و آلِ محمد درت وجهي شفت الشيخ نايم و مخلي ايده على بطني ابتسمت اظاهر ممتعود اينام بصف احد وخرت ايده على كيف و كمت غسلت و طلعت شفت الشيخ كاعد ع جربايه و خال الصوره بحضنه صفنت عليه اظاهر ديصبح عليه ياربي شكد وفي هل رجال 10سنوات منساهه هو شافني و خله الصوره ع الميز و كاام
حيدر . صباح الخير
هيله . صباح النور شيخ
حيدر . طبيت سبحت و طلعت شفت هيله تمشط فتحت الكنتور شفت الشماغ معقج صاير حضينه نفضته كم مره ماكوو
هيله . انطينيا شيخ اني اكووي
حيدر . لا بويه هسه اصيح الزينب تكوي
هيله . شيخ ليش تحجي هيج اني موجوده اخذته و بديت اكووي
حيدر . مشطت و لبست ساعتي
هيله . تفضل شيخ
حيدر . عاشت ايدج بويه
هيله . تدلل شيخ
حيدر . لبسته و هي كاعده ع جربايه صافنه .... خوو مابيج شي بويه
هيله . لا شيخ سلامتك
_طلع الشيخ و صبح ع الكل و طلعت ورا هيله ب10 دقايق
جدت حيدر . مرتك وين شيخ
حيدر . شويه و تجي
هيله . صباح الخيرر
جدت حيدر. هله يمه هله بشمعة البيت
هيله . تسلمين حبوبه
حيدر . صافن على بيبيتي شبسرعه صارت دهن و دبس وي هيله
هيله . صباح الخير يمه
ام حيدر . صباح الخيرات يبعد امج
هيله . بتسمة
محمد . و ماكو صباح الخير للصطل الي كاعد گبالج
هيله . لا حشاك صباح الخيرر محمد
محمد . صباح النور هله خيتي
زينب شون سويت مخلمة لحم تلوگ الهل حلگ .... تقصد ع شيخ
حيدر . متقصرين بعد زنيبه و عدكم الحساب
جدت حيدر . ايي معروفه من السانه الطويل
حيدر . هااا شمسويه
جدت حيدر . لا ممسويه شيخ بس احب اداحره ...(. اشاقه وياهه )
زينب .... اجيت شاورت بيبيتي ..... كلبي وكع بالباسي شجاج بيبي
جدت حيدر . ههه هو هذا المطلوب
