. غيمت عيني عليك وتنكط دموع
كونك تمر بالروح امطرلك اسبوع .
لـ الكاطع
. .......................................................
صباح يوم التالي
علي . الوو
هيله . صباح الخير
علي . صباح النور يا عرج عيني
هيله . قريت ؟!
علي . اني وين احجي و انتي وين
هيله . اروح اني
علي . اشاقه وياج تعالي و الله مشتاقلج
هيله . اريد اقره مبقه شي للامتحانات
علي . ادري بس و الله مشتاقلج
هيله . ماشي من اكمل متحانات احجي وياي شوكت متريد
علي . براحتج .......... طبكت المبايل بوجهه ما اعرف ليش هلكد صايره جافه وياي يمكن لان سادس و متحانات
ابو احمد . لا خويه ميحتاج غده شويه و نطلع
ام هيله . يا خويه وين طالع
ابو عطيه . خويه الگعده اليوم متانينه ترا
هيله . عموو
ابو احمد . ها بويه
هيله . يعني شيريدون مثلا
ابو احمد . و الله ما ادري بس اخو الشيخ ثاير علينه و الله يستر منه
ام هيله . لا انشالله ماكو شي كلبي بارد
هيله . الله يسمع منج يمه
_ راحو عمام هيله للكعده و جان اخو الشيخ بأنتظارهم احر من الجمر و دخلو للمضيف و جانت الاجواء بارده و جان الحوار هادء الى ان اشتد الحوار بين اخو الشيخ و عمام هيله و...
محمد . تعرف المن مأذين انتوو لو لا .... بصياح و عصبيه
ابو عطيه . بويه قدر و صار نعترض على حكمة ربك
محمد . لا استغفرالله بس احنه ميمشي ويانه هذا الحجي الشيخ غالي الشيخ خاف عليه الصغير قبل الجبير و احنه انريد فديه
ابو احمد . اتفضل شكد رايدين
محمد . لاااااا شنو اشايفنه محتاجين فلوس لو شنوو شوفت عينك خيرنه يغطي بلد
ابو عطيه . جا شرايدين خويه
محمد . ضليت ساكت ما اعرف شكول اريد شي يكسر ظهرهم مثل ما كسرو ظهري ..... فصليه
الكل . شنوووو .... الكل جان مصدوم من طلب محمد الشيخ عمره و حياته ما مدخل فصليه بگعداته و لا يقبل بهل شي و دائما يتحاشه هذا الشي فه جانت ردة فعل الشيوخ و الحاظرين كلش قويه
ابو احمد . انت شتحجي .... بعصبيه
ابو عطيه . انت شبييييكك ..... بصياح
واحد من الشيوخ . بويه محمد گول غيره
محمد . و الله هذا الي عندي
شيخ مهدي . محمد بويه الامور متنحل هيج
ابو عطيه . ما عدنه بنات لزواج فتهمت لوو لااااا .... بصياح
محمد . شوف سمعو اكللكم يا فصليه ياا دم ابنكم و غير هذا الحجي ما عندي فتهمتو لو لا عدكم مهله منا لليل و باجر توصلنه الفديه .......... عافهم و طلع
_ رجعو عمام هيه منكسرين ميعرفون شيكولون
ام هيله . شنوووووو ! ... بصدمه
هيله. هاااا فصليه ؟
ابو عطيه . اي و الله خويه .... يحجي بنبرة حزن
ام هيله. خويه انت شتحجي ... ابجي و نحيب
ابو احمد . هذا طلبهم
هيله . يعني شنووو
ام هيله . مكتلهم خويه ميريدون فلوس ... بنحيب
ابو احمد. مرادو خويه
هيله . يا ربييي يا ربييييييبييي و الله مو كد امتحانك و الله .... هي و تبجي
ام هيله . ماكو غير حل
ابو احمد . اذا مو فصليه دم جاسم
ام هيله . يمه ابني ..... دكت على صدره
هيله . لا كلشي و لا اخويه اروح و الله بس كولولهم ليسووله شي
ام هيله . يا ربي بتي لو ابني
هيله يمه جاسم اذا راح ميرجع بس اني اذا رحت ارجع يمه الله يخليج كلشي و لا جاسم اموت و نبي
ابو احمد . و الله لو عندي بنيه جان انطيته يبويه و لا اشوفكم بهل حالة
،
في بيت الشيخ .........
جدت حيدر . يا صخام بوجهك محمد ..... و دكت على صدره
ام حيدر . ولك يمه شمسوي انت
محمد . اريد اكسر ظهرهم لعد ترضوه يكولون زعطوط اريد اراويهم الزعطزط شيطلع منه
ام حيدر . ولك يمه شيخلصك من الشيخ
زينب . محمد و الله ميرحمك
محمد . لتدخلوووون شغلي و اعرفه ..... بصياح ... عافهم و طلع
زينب . جا هذا العاقل سوه هيج المخبل شيسوي
جدت حيدر . الله يستر من الشيخ و الله راح يگلبه فوگ راسنه
جابر . الوو محمد انت وين
محمد . شرايد انت الثاني
جابر . ولك الحك الشيخ صحه .... بفرحه
محمد . عليك ابو فاضل
جابر . وداعت الغوالي
محمد . جاي اني جاي ...... بوقته فرحت محمد متنوصف محمد يعز الشيخ كلش و معتبره والده مو اخوو لان هو الي ربا و الكبره و راح للمستشفى و طب ملهوف ع شيخ و كعد يبوس بأيده و رجله و يحضن بي و يرجع ليوره
محمد . عساهه بيه و لا بيك شيخ
حيدر . لتكول هيج خويه
محمد . ااخخ يا بعد روح اخوك و الله بدونك ما نسوه فلس ..... يبجي
حيدر . مو عيب عليك امسح ادموعك انت رجال
محمد . مسحتهن خويه يا ماي عيني انت
حيدر اريد عيونك سالمات
جابر . الحمد لله ع سلامه محفوظ
حيدر . الله يسلمك بويه
جابر . الدكتور كال تكدروت اطلعون الشيخ
حيدر . اي و الله لان كلش تلعب نفسي من المستشفى
محمد . صار طال عمرك بس انسوي الاوراق
جابر . و اني اجيب الكرسي المتحرك
حيدر . شكو هل كرسي
محمد . شيخ لعد وين تگدر تتحرك رجلك بيه كسر
حيدر . اكدر اتحرك
محمد . شيخ الدكتور ميقبل و الله علمود صحتك مو اكثر
حيدر كلت لا
محمد . شيخ ترا محد بره و الله كلهم راحو اني كتلهم الشيخ يريد يرتاح محد يشوفك
جابر . اي شيخ الله يخليك اسمع حجينه و الله متكدر
_ سوو اوراق الخروجيه و اخذو الشيخ و راحو للبيت و الكل جان بأنتظاره و كلهم رحبو بي و تحمدوله بسلامه و فرحانين بجيته بس الكل جان خايف من الشيخ بعد ميعرف بالموضوع
شراح يصير
و شنو راح يسوي الشيخ هذا الشي راح نعرفه بالبارت الي بعده تحياتي الكم
الكاتبه . زهراء العلي
